IBRANI 11:13 - BOWOT BOHUA

¹³ Paring ulun rih tahtap porocaya nyiring mahtoi. Iro eam norima hal-hal ijo tonobowot bain Pohotala, tahpi baya nohto tutang naharangoh tahkan mahcu. Tutang honong rih iro ngorinah, ijo iro baya ulun bohkonuhtus tutang ponomuoi ang kolunon tuh.

IBRANI 11:13 ပူးပေါင်းရင်းမြစ်များ

MATEUS 13:17

Ingatrih, aro nabi tutang ulun ijo te'et umba Pohotala, jolik nohto ijo ihkam nohto uhuntuh, tahpi iro eam nohtooh. Iro jolik ngonih ijo ihkam ngonih uhuntuh, tahpi iro eam ngonihoh.”

YOHANES 12:41

Yesaya nuhtui kodorih tului io jari nohto kohajon Yesus, tutang bopander tohou Io.

YOHANES 8:56

Amai'kam Abraham sanang sino ijo io ahkan nohto ondou-Ku. Io jari nohtooh tutang io sanang!’’

RUMA 4:21

Io porocaya samasino ijo Pohotala duon nguaioh inon ijo jari tonobowot-Oh.

RUMA 8:24

Tului umba koporocaya mahka ihto tonyolamatoh. Tahpi amat inon ijo ihto morocaya orih rih, jari ihto nohto-Oh, mahka orih eam hino porocaya. Kotului iaikah magun morocaya aang 'co ijo jari tonohtooh?

2 KORINTUS 4:18

Tului ihkai eam nohtoani hal-hal ijo gihtan, molekan ijo eam gihtan. Ijo gihtan puna baya pondehan tahpi ijo eam gihtan rih bunggut nyiring turus-jahamoh.

2 KORINTUS 5:6

Kotului orih ahtoi ihkai hototurus komo ba'as. Ihkai kota'an, ijo kotahin ihkai magun mohcon ang luwang behtin ihkai tuh, ihkai mahcu tahkan lohpou, ijo ahkan ihkai mohconoh homboh Tuhan.

EPESUS 2:19

Kobain orih, ihkam eam hino barih ulun bohkonuhtus ata'ai ulun luar. Ihkam huntuh anairih sama-sama uhtus ukup ain Pohotala. Ihkam anairih anak-anak jolahan Pohotala.

IBRANI 11:14

Ulun ijo nuhtui kolourih nunjuk honong jelas, ijo iro rahat ngurah lowu, ijo monjadi ahkan tanadanum'ndo.

IBRANI 11:17

Kotului porocaya ka'a, mahka Abraham monyorah Isaak monjadi porahpah kotihka io tonguji Pohotala. Ahkan Abrahamrih Pohotala nonga bowot-Oh, tahpi Abraham rela nonga anakoh ijo baya ihco-ihcooh rih.

IBRANI 11:27

Kotului porocaya, mahka Museh nohtah Misir, eam komo kihkoh toharep kosingin lahca Misir. Museh miar nitu titunbaui koloujahka io jari nopahjah Pohotala ijo eam gihtan rih.

IBRANI 11:39

Eaminon kohajoioh komanang ijo ngondapot bain paring ulun rih, tului porocaya iro! Tahpi ka'a iro eam norima inon ijo tonombowot Pohotala,

1 PETRUS 1:1

Konduang-konduang ukup ponitih Pohotala, ijo bororawu ang ponomuoi ang tana Pontus. Galatia, Kapadokia, Asia tutang Bitinia! Ahku Petrus rasul Yesus Kristus, moharap, keleh Pohotala nonga berkat tutang kosanang ahkan'mu nyiring momujar-mujar. Ihkam ponitih monjadi ukup Pohotala, tohorong umba rancana Pohotala, Amai. Tutang Roh Pohotala jari monjodian ihkam ukup ijo borasih, khusus ahkan Pohotala, mangat ihkam te'et umba Kristus tutang tonomuhi bain daha-Oh.

1 PETRUS 1:17

Ihkam ngohawot Pohotala rih Amai, aang ohkot ihkam bodo'a nitu Io. Nah, Pohotala orihrih ijo ahkan mosara kolunon tohorong umba gawiu nyinong-behti, eam nohto kolunoi. Tului rih kotahin ihkam magun anai ang kolunon tuh, hondakrih ihkam mopohajo Pohotala a'ang pombolum'mu.

1 PETRUS 2:11

Konduang-konduang ijo kokasih! Ihkam anai rih ulun bohkonuhtus tutang ponomuoi ang kolunon tuh. Kotului rih ahku nyawot hawui paham mangat ihkam ara numbun kojolik bolai kolunon ijo toturus hokolahi molawan homboruan.

1 YOHANES 3:19

Kolouorih caraoh ihto ta'an ijo ihto angbarih anak-anak Pohotala ijo morong, tutang ahtoi ihto dahpot teneng ang toharep Pohotala.