IBRANI 10:5 - BOWOT BOHUA

⁵ Orihrih kotuluioh ang ohkot Kristus nyolong nokuh kolunon, Io nuhtui umba Pohotala, ‘‘Ihko eam nohuang porahpah tutang ponyorahan; sombalikoh, Ihko jari monyodia behti bagi-Ku.

IBRANI 10:5 ပူးပေါင်းရင်းမြစ်များ

MATEUS 11:3

“Amairih ulun ijo ahkan lombut numbun bowot Pohotala, ata'ai harusrih ihkai ngindoi ulun bohkon?”

LUKAS 1:35

Molehkat rih mutah auh, ‘‘Roh Pohotala ahkan lombut ahkan'mu, tutang kowasan Pohotala ahkan monyokuwung ihko. Orihrih kotuluioh anak ijo ahkan konanak'mu rih, ahkan konohawot Borasih, Anak Pohotala.

LUKAS 7:19

turus nyuhu iro hihkas nokuh Tuhan Yesus tutang ngisok Io, ‘‘Amairih ulun rih ijo ahkan lombut numbun bowot Pohotala, ata'ai harus ihkai ngindoi 'cobehti bohkon?’’

YOHANES 1:14

Auh jari monjadi ulun, Io mohcon ang louk ihto, tutang ihto jari nohto kohajoi-Oh. Kohajoi orih tonorima-Oh kolou anak tukan Amai. Nguha Io ihto nohto Pohotala tutang kasih-Oh ahkan ihto.

GALATIA 4:4

Tahpi ang ohkotoh ijo kona, Pohotala nyuhu Anak-Oh nokuh kolunon. Anak-Oh rih tonganak bain ihcobehti bawi, tutang bolum ang pinda kowasan hukum agama.

1 TIMOTEUS 3:16

Eam ihcobehti ka dahpot molawan, eaminon kohajoioh rahasia agaman ihto, Io ngorinah arop a'ang tapan kolunan, tutang tongorinah morong bain Roh Pohotala, hawui gihtan bain dolang molehkat. Borihtaoh uras konahan ang tohun uhtus-uhtus, tutang Io toporocaya ang hopus kolunon tutang konahtang nokuh soruga.

IBRANI 1:6

Tahpi ang uhun Pohotala monyuhu Anak-Oh ijo pongoko nokuh kolunon tuh, Pohotala nuhtui koloutuh, ‘‘Paring molehkat Pohotala, pahtut nyembah Anak rih.’’

IBRANI 10:10

Yesus Kristus jari nguan inon ijo tongohondak Pohotala tutang nyorah arop-Oh monjadi porahpah. Umba ponyorahan rih, ijo konuai-Oh tihkas sino iou ahkan turus-jahamoh, ihto paring tonomuhi tahkan dusa.

IBRANI 10:7

Turus Ahku nuhtui, ‘Jituhrih Ahku, yo Pohotala! Ahku lombut ahkan nguanrih kohondak-Mu, kolou ijo tonyurat tohou arop-Ku ang luwang Surat Borasih.’ ’’

IBRANI 10:8

Sula-sulak Kristus nuhtui, ‘‘Ihko eam mohondakoh porahpah tutang ponyorah; Ihko eam ngilak ahkan porahpah ohcin ijo tonomahpong, kolou ponyorah tutang porahpah ahkan apun dusa.’’ Kristus nuhtui kolourih, oluka karo porahpah rih tonyorah numbun hukum agama Yahudi.

IBRANI 2:14

Bain kotului ulun-ulun ijo Io ngohawot, anak, rih, anairih mahluk kolunon ijo dahpot mahtoi, mahka Yesus bongoi monjadi sama, umba iro, tutang bolum a'ang koada'an ulun. Io nguan kolorih, mangat umba popahtoi-Oh, Io dahpot moluhtek Sehtan ijo mongowasa popahtoi.

IBRANI 5:7

Ang wayah Yesus bolum ang kolunon tuh, Io bodo'a tutang nyawot umba auh kombak tutang tangihoh ahkan Pohotala, ijo sanggup monyolamat Io, tahkan popahtoi. Tutang kotului Io tunduk umba Pohotala honong tuwi horomat, mahka Io tongonahanoh.

IBRANI 8:3

Nyinong imam hajo tonuot ahkan nyorah porahpah ata'ai ponyorahan ahkan Pohotala. Kolourih ka'a Imam Hajo ihto; Io harus tepun angihco ahkan tonosorahoh.

1 PETRUS 2:24

Kristus bongoi ngohtun dusa-dusan ihto aang arop-Oh ngosan kahju sopolahki, mangat ihto morodehka tahkan kowasan dusa, tutang bolum numbun konohuang Pohotala. Himang-himang Kristusrih ijo ngopios ihkam.

2 YOHANES 1:7

Aro ponihpu jari bohambur nokuh hopus kolunon. Iro anairih, ulun-ulun ijo eam ngahku, ijo Yesus Kristus lombut nokuh kolunon, kolou ihcobehti ulun. Ulun somahcam orih anairih ponihpu, tutang Musuh Kristus.