IBRANI 10:4 - BOWOT BOHUA

⁴ bain puna dahan sahpi tutang dahan kambing dalungoh rih eam duon muhi dusa.

IBRANI 10:4 ပူးပေါင်းရင်းမြစ်များ

MARKUS 12:33

Tutang ulun harus sita Pohotala hapan kotuwi ahtoioh, tutang hapan sohopus ahkaroh, honong umba kokaro koba'asoh. Tutang io ka'a harus hokasih sosamaoh kolou nyita aropoh bongoi. Orih labih pios tahkan umba ponyorahan pononga tomahpong tutang pononga-pononga bohkonoh ahkan Pohotala.’’

YOHANES 1:29

Anghawun ondouoh Yohanes nohto Yesus lombut ahkaioh. Turus Yohanes nuhtui, ‘‘Nohto, orihrih Anak Tobirin Pohotala ijo ngapit dusan kolunon.

RUMA 11:27

Ahku ahkan ngarut bowot tuh umba iro aang ohkot Ahku ngapun dosa-dosa iro.’’

IBRANI 10:1

Hukum agama Yahudi baya nonga gambaran ijo kawu-kawus, tutang hal-hal ijo hinut ijo ahkan lombut, tutang eam gambar ijo kotu'uioh tahkan hal-hal orih. Eam mustitou hukum orih dahpot nyoporuna ulun ijo lombut nyembah Pohotala tutang ngomin ponyorahan, oluka nyinong toun toturus tonyorah porahpah-porahpah ijo sama.

IBRANI 10:11

Nyinong imam Yahudi molalus gawiuoh, kolou imam nyino-nyinong ondou, tutang dulang duli Io monyorahrih porahpah-porahpah ijo sama. Tahpi porahpah-porahpah rih samasino eam dahpot ngudaprih dusa.

IBRANI 10:8

Sula-sulak Kristus nuhtui, ‘‘Ihko eam mohondakoh porahpah tutang ponyorah; Ihko eam ngilak ahkan porahpah ohcin ijo tonomahpong, kolou ponyorah tutang porahpah ahkan apun dusa.’’ Kristus nuhtui kolourih, oluka karo porahpah rih tonyorah numbun hukum agama Yahudi.

IBRANI 9:9

Jituh gambar jaman huntuh; rimai ijo ponyorah-ponyorah tutang porahpah-porahpah ohcin ijo tonyorah ahkan Pohotala, eam duon monyoporunaoh ahtoi bua ulun ijo ngomin ponyorahai.

1 YOHANES 3:5

Ihkam ta'an, ijo Kristus lombut ahkan muhi dusa-dusan kolunon, tutang ijo eam aro dusa aang arop-Oh.