IBRANI 10:39 - BOWOT BOHUA

³⁹ Ihto tuh eam ukup ijo undur tutang lahcat. Tombalikoh, anairih ukup ijo porocaya umba Pohotala tutang ijo tonyolamatoh.

IBRANI 10:39 ပူးပေါင်းရင်းမြစ်များ

MARKUS 16:16

Ulun ijo eam porocaya ahkan tonohukum, tahpi ulun ijo porocaya tutang tonopondus ahkan solamat.

LUKAS 11:26

Turus io tulak tutang ngomin pihtu roh bohkon, ijo paham koja'atoh tahkan io. Pongohino rih iro nyolong nokuh luwang ulun rih turus mohcon ang anan. Tutang kojoriaioh ulun rih monjadi paling ja'at tahkan pahtukoh.’’

YOHANES 17:12

Ang ohkot Ahku magun hihco umba iro, Ahku jari mohaga iro umba kowasa aran Amai – aran ijo Amai nongaoh ahkak-Ku. Ahku jari mohaga iro tutang eam ihcobehti ka tahkan iro nihou, kocoali io ijo puna jari kopahtutoh nihou; mangat honong orih nyolungrih inon ijo tonyurat a'ang Surat Borasih.

YOHANES 20:31

Tahpi paringoh tuh tonyurat, mangat ihkam porocaya ijo Yesus anairih Lahca Ponyolamat, Anak Pohotala, tutang tului porocaya umba Io, ihkam ngondahpot pombolum.

YOHANES 5:24

Tu'u morong auh-auh-Ku tuh: Ulun ijo ngonih auh-auh-Ku, tutang porocaya umba Io ijo nyuhu Ahku, tepun pombolum sojahti tutang kototahiu. Io eam ahkan tonohukum; io jari morodehka tahkan popahtoi tutang dahpot pombolum.

YOHANES 6:40

Puna tuhrih kojolik Amai-Ku: Mangat paring ijo nohto Anak tutang porocaya umba-Oh tepun pombolum sojahti tutang kototahiu, tutang Ahku ngombolumoh huli aang Ondou Kiamat.’’

1 TESALONIKA 5:9

Pohotala mitih ihto eam ahkan tonohukum, tahpi ahkan tonyolamat, nguha Tuhan ihto Yesus Kristus.

2 TESALONIKA 2:3

Koloukuwoh ka ka'a, ara mohonou ulun monihpu ihkam. Kotului sounumba palombut Ondou Tuhan rih, harusrih nyolung hal tuh labih houn: Aro ulun ahkan murtad, ngobele Kristus, tutang kolunon Ja'at ijo tonakdir ahkan nyolong nokuh norahka, ahkan mopokarah aropoh.

1 TIMOTEUS 6:9

Tahpi ulun ijo kani monjadi tahtou, tonihkos tutang tojorat bain bomahca-mahcam kojolikoh, ijo uong tutang ijo morusak. Kojolik-kojolik orih nguan ulun monjadi lonyuh tutang colahka.

IBRANI 10:26

Kobain amat borihta ijo morong tahkan Pohotala, jari tonyampairih ahkan ihto, tahpi ihto tahtap iou nguan dusa, hawui songaja, mahka eam anai hino porahpah hapa muhi dusan ihto.

IBRANI 10:38

Tutang ukup-Ku ijo morong ahkan porocaya tutang bolum; tahpi amat anai ang louk iro ijo undur, mahka Ahku eam ahkan sanang umbaoh.’’

IBRANI 11:1

Koporocaya rimai yahkin tu'u-tu'u ahkan hal-hal ijo tonoharap, rimai anaingina kopastian ahkan hal-hal ijo eam tonohto.

1 PETRUS 1:5

Paringoh rih anairih ahkan'mu, tului ihkam porocaya umba Pohotala. Mahka ihkam tonojaga umba kowasan Pohotala, mangat ihkam monorima kosolamatan ijo sodia tongorinah aang lain jaman noin.

2 PETRUS 3:7

Tahpi langit tutang tana ijo anai uhuntuh, tonohaga bain auh Pohotala, rih ka'a ahkan tongondian umba baho noin. Uhuntuh langit tutang tana magun tonohaga johcok aang ondou ulun-ulun ijo ja'at tonohukum tutang tongondian.

1 YOHANES 5:16

Amat ihkam nohto anai ihcobehti sosama Kristen, nguan dusa ijo eam ngonjorian ulun rih nihou pombolum sojahti tutang kototahiu, kohondakrih ihkam bodo'a ahkan Pohotala, tutang Pohotala ahkan nonga pombolum rih ahkaioh. Tuh hokokona umba iro, ijo dusaoh eam ngonjorian iro nihou pombolum rih. Tahpi anai dusa ijo ngonjorian ulun nihou pombolum rih. Tohou hal rih ahku eam nuhtui ijo ihkam harus bodo'a umba Pohotala.

1 YOHANES 5:5

Iaikah duon ngalahoh kolunon? Tihkas ulun ijo porocaya, ijo Yesus anairih Anak Pohotala.

PONGORINAH 17:11

Tutang ohcin ijo lomoi pu'u bolum, tahpi huntuh eam bolum hino, anairih lahca ijo kojalu. Io anairih tahkan ihco kopihtu lahca rih ka'a, ijo huntuh rahat tulak nitu korusak.

PONGORINAH 17:8

Ohcin rih lomoi pu'u bolum, tahpi huntuh eam bolum hino. Io honjulu hino ahkan soluka tahkan lowang popahtoi tutang ahkan tulak nitu korusak. Ulun-ulun ijo bolum ang tana ijo araioh eam tonolihting luwang Surat Ulun Bolum hountahkan kolunon tona'oi ahkan helan amat nohto ohcin rih. Tului ohcin rih, lomoi pu'u bolum. Huntuh io eam bolum hino, tahpi io ahkan lombut hoduli.