IBRANI 10:36 - BOWOT BOHUA

³⁶ Ihkam harus sabar, mangat ihkam duon nguan kohondak Pohotala, tutang honong kolourih norima inon jo tonobowot-Oh.

IBRANI 10:36 ပူးပေါင်းရင်းမြစ်များ

MATEUS 10:22

Ihkam ahkan tongohiri bain paring ulun, tului ihkam murid-Ku. Tahpi ulun ijo tehen nyiring laiuoh ahkan tonyolamat.

MATEUS 12:50

Ulun ijo nguan kohondak Amai-Ku ijo ang soruga, iorih konduang-Ku bahkas, tutang bawi, tutang inai-Ku.”

MATEUS 21:31

Olai, tahkan iro duo anak rih, umoh ijo numbun konohuang amaioh?” “Ijo okoi,” puhtah imam-imam tutang okon-okon Yahudi rih. Mahka Yesus nuhtui umba iro, “Porocayarih: Ponagih-ponagih pajak tutang bawi-bawi luteu ahkan paling houn monjadi uhkup ain Pohotala hounumba'kam.

MATEUS 24:13

Tahpi ulun ijo tehen johcok laiuoh, ahkan tonyolamat.

MATEUS 7:21

“Eam paring ulun ijo na'ah Ahku, ‘Tuhan, Tuhan’, ahkan nyolung anak uhkup Pohotala, tahpi baya ulun-ulun ijo numbun kohondak Amai-Ku ijo ang soruga.

MARKUS 3:35

Ulun ijo nguanoh konohuang Pohotala, iorih konduang-Ku bahkas konduang-Ku bawi, tutang inai-Ku.’’

LUKAS 21:19

Amat ihkam tahan tutang sabar, ihkam ahkan solamat.’’

LUKAS 8:15

Bonyi ijo tonuhkan ang tana ijo subur nindung ulun ijo ngonih Kabar Hinut rih, turus nginaoh luwang ahtoi ijo hinut tutang morong. Iro tahanngarot nyiring nihpun buaoh.’’

YOHANES 7:17

Ulun ijo kani numbun konohuang Pohotala, ahkan ta'an inon rih ajaran-Ku lombutoh tahkan Pohotala ata'ai tahkan Ahku bongok.

KESAH RASUL-RASUL 13:22

Uliorih Pohotala mindah io tahkan ponuotoh, Pohotala potuot Dawid monjadi lahcan iro. Tutang tuhrih ijo tonuhtui Pohotala tohou Dawid, ‘Ahku jari sombangoh Dawid anak Isai rih, ihcobehti ijo ngojorih ahtoi-Ku. Iorih ulun ijo ahkan nguanaang konohuang-Ku.’

KESAH RASUL-RASUL 13:36

Dawid jari mahtoi tutang tongolowong ka'a sama-sama umba tahtu ajuhoh, ulimba io nguan inon ijo Pohotala nyuhu io nguai. Otun Dawid ka ius opah lonyuh paringoh.

RUMA 12:12

Konohuangoh Konduang porocaya umba Tuhan hawui kojorih, sabar ang luwang kosusah, tutang bokehtep bodo'a.

RUMA 12:2

Ara umba sipat-sipat kolunon tuh. Nauhoh Pohotala nguan sipatarop'kam monjadi bohua, mangat ihkam hubah. Honong kodorih ihkam sanggup ngota'an konohuang Pohotala – yorih, inon ijo pios tutang ijo ngojorih ahtoi Pohotala tutang ijo soporuna.

RUMA 2:7

Pohotala nongaoh pombolum sojati tutang kototahiou ahkan iro ijo te'et nguan kopios ahkan dahpotoh ijo hinutbolega, ijo tomohoromat tutang ijo tohtapkototahiu.

RUMA 8:25

Tahpi amat ihto morocaya aang-'co, ijo jaha ihto nohtooh, mahka ihto ngindoi hawui sabar.

1 KORINTUS 13:7

Io tahan noharep paring ang'co, tutang kani porocaya umba ijo hinut ang nyinong ulun; aang koada'an ijo koloukuwoh ka ka'a ulun ijo mongasih rih, eam pu'u nihou koharapoh, tutang sabar ngindoi kokaron ang'co.

GALATIA 6:9

Kotului rih, ara ihto monjadi peda nguan hal-hal ijo pios; bain amat ihto eam tondo nguan hal-hal rih, sino jaha ihto ahkan ngohtom buaoh.

EPESUS 6:6

A'ai nguan angkodorih tihkas ang ohkot ihkam tonopahjah, tihkas ahkan dahpot tara tahkan ulun. Tahpi hondakrih ihkam nguaioh, kolou jihpon Kristus ijo rahat numbun kohondak Pohotala honong kotuwi ahtoi.

KOLOSE 1:11

Keleh umba kowasa tahkan Pohotala ijo pokohajoi, ihkam tonomba'as, nyiring ihkam duon tahan ngarot kokaro ang'co honong sabar tutang sanang ahtoi,

KOLOSE 3:24

Ingatrih ijo ihkam ahkan norima upah tahkan Tuhan. Inon ijo tonahtap Tuhan ahkan ukup Aiu, orihrih ijo ahkan tononga ahkan'kam. Kotului tepun, ijo kotu'uioh rahat tohalu bain ihkam, anairih Kristus bongoi.

KOLOSE 4:12

Tahbe tahkan Epafras. Io ka'a tahkan barih'kam. Io jihpon Kristus Yesus ijo toturus bodo'a hawui tehen ahkan ihkam. Io nyawot honong paham ahkan Pohotala, mangat koyahkin'kam monjadi ba'as tutang ihkam moro-morong kolou ulun oko, mangat ihkam hawui soporuna bokehtep umba konohuang Pohotala.

IBRANI 11:39

Eaminon kohajoioh komanang ijo ngondapot bain paring ulun rih, tului porocaya iro! Tahpi ka'a iro eam norima inon ijo tonombowot Pohotala,

IBRANI 12:1

Nah, tohou ihto bongon, ang kodiling ihto anai aro sino saksi! Tului orih, olai ihto dian paring ijo ngombahat ihto, tutang dusa ijo turus lehket aang ihto. Tutang olai ihto honong bokehtep nyuru kosolanja ijo anai ang toharep ihto.

IBRANI 13:21

Keleh Pohotala tohasak kosanang orih monyuhkup ihkam umba kokaron ijo hinut ijo ihkam poruluoh ahkan nguan kohondak-Oh. Keleh hawui nguha Yesus Kristus, Pohotala bogawi ang luwang ihto, inon ijo tongojolik-Oh. Hondakrih Kristus tomohoromat turus-jahamoh. Amen.

IBRANI 6:12

Ihkai eam kani, ihkam monjadi nohkas. Tahpi ihkai jolik, mangat ihkam bolum kolou ulun-ulun, ijo norima inon ijo nobowot Pohotala, tului porocaya umba Io, tutang tului ngindoi honong kosabar.

IBRANI 6:15

Abraham ngindoi honong sabar, mahka io norima inon ijo jari tonobowot ahkaioh.

IBRANI 6:17

Pohotala kani nuhkasrih ahkan ulun-ulun ijo norima bowot-Oh, ijo Io eam ahkan ngubah rancana-Oh. Orihrih kotuluioh Io ndahang tulut aang bowot-Oh rih.

IBRANI 9:15

Orihrih kotuluioh, Kristus monjadi Poholat, ahkan ihco bowot ijo bohua, mangat ulun ijo jari tona'ah bain Pohotala, dahpot norima borehkat-borehkat abadi, ijo jari tonobowot bain Pohotala. Paringoh orih dahpot nyolung, kotului jari anai ijo mahtoi, yorih Kristus; tutang popahtoi-Oh rih morodehka ulun tahkan kosalai-kosalai ijo iro nguaioh ang ohkot bowot ijo pahtuk magun hapan.

1 PETRUS 1:9

Tului titun koporocaya'kam johcok, yorih, kosolamatan homboruan'mu.

1 YOHANES 2:17

Kolunon tutang kokaro aang'co ang luwangoh ijo tongojolik bain ulun, rahat dilap. Tahpi ulun ijo numbun konohuang Pohotala, tehtep bolum nyiring turus-jahamoh.

PONGORINAH 13:10

‘‘Ulun ijo harus tonawan, musti ahkan tonawan. Tutang ulun ijo harus tomunu umba padang, musti ahkan tomunu umba padang. Orih rih kotuluioh ukup Pohotala pahtut tabah tutang bokehtep.’’

PONGORINAH 14:12

A'ang hal tuh ukup Pohotala, ijo bokehtep umba poretah-poretah Pohotala, tutang tehen umba Yesus, porulu monjadi tabah.