IBRANI 10:34 - BOWOT BOHUA

³⁴ tutang ihkam umba ka'a nginyam poros ahtoi ulun ijo ang sipir. Tutang kotihka paring ijo ihkam tepui tonosuwit, ihkam norima orih honong sanang ahtoi, tului ihkam ta'an, ijo ihkam magun tepun angihco ijo paling hinut, ijo ahkan botahan turus-jahamoh.

IBRANI 10:34 ပူးပေါင်းရင်းမြစ်များ

MATEUS 19:21

Yesus nuhtui umba io, “Amat ihko kani monjadi soporuna, tulak modagang paring ain'mu. Tonga duitoh ahkan ulun porosbolum, tutang ihko ahkan norima ponahtou ang soruga. Ulirih rih, lombut rih ngahasu Ahku!”

LUKAS 10:42

padahal ijo hajo gunai tihkas ihco. Tutang Maria jari mitih ijo hinut, ijo eam ahkan tongomin tahkan io.’’

LUKAS 12:33

Modagangoh ponahtou'mu, tutang nongarih duitoh ahkan ulun porosbolum. Naparih ahkan'kam kambut ijo eam dahpot kupit, iorih ponahtou ijo tongina ang soruga. Ponahtou rih eam tou nihou bain ponahkou eam duon ngomiuoh, tutang somahtoi eam duon morusakoh.

LUKAS 9:25

Inon utungoh amat ihcobehti tepun hapus kolunon tuh, tahpi io rusak tutang nihou pombolumoh?

KESAH RASUL-RASUL 21:33

Komandan rih tulak nokuh Paulus turus nawan io, tutang nyuhu ulun manga io. Pongohuli komandan rih ngisok, tohou iai Paulus rih, inon ijo jari konuaioh.

KESAH RASUL-RASUL 28:20

Tutang orih kotuluioh ahku nyawot hosombang umba ihkam, mangat pande-pander umba ihkam; tului ahku tomasung kotului Ponyolamat ijo tonoharap-harap bain uhtus Israel.’’

KESAH RASUL-RASUL 5:41

Rasul-rasul nohtah Majelis Agama rih tutang hawui kojorih tului Pohotala jari ngohu iro harus ahkan dahpot hinaan kotului Yesus.

2 KORINTUS 5:1

Tului ihkai kota'an ijo amat lohpou – orihrih behti-ijo ihto mohconoh ang kolunon tuh konahkas, Pohotala ahkan nyodia bagi ihto ihco lohpou ang soruga, ijo konuan bain Pohotala bongoi tutang ijo tahan turus-jahamoh.

EPESUS 3:1

Orih kobainoh ahku, Paulus, tonyihpir kotului Kristus Yesus ahkan gunan ihkam ijo bohkon Yahudi.

EPESUS 4:1

Bain orih ahku – ihcobehti tonahan, ijo tonahan kotului mohalu Tuhan – nyawot hawui paham umba'kam; bolum sorurui umba ponuot'mu, kolou ulun ijo ius tona'ah bain Pohotala.

EPESUS 6:20

Tului Kabar Hinut rih, ahku monjadi ihcobehti duta, tutang huntuh anai ang luwang sipir. Bodo'arih mangat ahku bahanyi mander tohou Kabar Hinut rih, koloukuwoh ahku harus manderoh.

PILIPI 1:7

Puna aang unukoh ahku anai mokomo kolourih toharep ihkam, tului Konduang paringoh toturus doni ang ahtoi'ku. Ka'a bain ihkam umba norima hombo-homboh ahku, pononga ijo Pohotala nonga ahkak'ku, pios huntuh tuh pondehan ahku ang luwang sipir oluka ang ohkot ahku anai ang luar, ahkan mbela tutang tehen nyaksi Kabar Hinut rih.

KOLOSE 1:5

Ihkam porocaya tutang ihkam pongasih, tului ihkam harap ahkan inon ijo tonyodia ang soruga bain Pohotala ahkan'kam. Ihkam ius ngonih tohou hal orih kotihka Kabar Hinut ijo morong tonyapai ahkan'kam.

1 TIMOTEUS 6:19

Honong kodorih iro nipun ponahtou, ijo monjadi puhku ijo pios, ahkan ohkot ijo ahkan lombut. Tutang umba orih rih iro ahkan ngondahpot pombolum kototahiu, io orih pombolum ijo sojahti.

2 TIMOTEUS 1:16

Tahpi jolahan Onesiforus jari pira-pira tikat ngojorih ahtoi'ku. Keleh Tuhan kani mononga ponunjuk balos kasih umba iro. Oluka ahku ang luwang sipir, Onesiforus eam mia ahkan koada'an'ku rih.

2 TIMOTEUS 2:9

Tului mborihta Kabar Hinut orihrih, ahku ngarot; malah nyiring ahku tonoratai kolou 'cobehti ponyilau. Tahpi auh Pohotala eam dahpot tonoratai.

2 TIMOTEUS 4:8

Tutang huntuh hodiah komanang ngindoi ahku. Aang Ondou Kiamat, Tuhan, Hakim ijo adil rih ahkan monyarah hodiah orih ahkak'ku, tului ahku bolum hokopios umba Pohotala. Tutang eam ahku iou ijo ahkan norima hodiah rih, tahpi ka'a paring ulun ijo ngindoi polombut Tuhan hawui paham rindu.

IBRANI 11:16

Tahpi korinahoh, iro rindu umba 'cokobawak lowu ijo labih hinut, iorih lowu ang soruga. Orihrih kotuluioh Pohotala eam mia amat iro ngohawot Io Pohotalan'ndo, bain Pohotala jari nahtap ihcokobawak lowu bagi iro.

IBRANI 13:14

Tului ang tana, eam aro unuk mohcon ijo kototahiu ahkan ihto; ihto ngurah unuk mohcon ijo ahkan lombut.

IBRANI 13:3

Ingatrih ulun-ulun ijo ang luwang sipir, koloujahka ihkam ka'a anai ang luwang sipir hihco iro. Tutang ulun-ulun, ijo kononguanbainulun sokohondak'ndo, hondakrih ihkam mingat umba iro, koloujahka ihkam ka'a kononguanbainulun kolourih.

IBRANI 9:15

Orihrih kotuluioh, Kristus monjadi Poholat, ahkan ihco bowot ijo bohua, mangat ulun ijo jari tona'ah bain Pohotala, dahpot norima borehkat-borehkat abadi, ijo jari tonobowot bain Pohotala. Paringoh orih dahpot nyolung, kotului jari anai ijo mahtoi, yorih Kristus; tutang popahtoi-Oh rih morodehka ulun tahkan kosalai-kosalai ijo iro nguaioh ang ohkot bowot ijo pahtuk magun hapan.

YAKOBUS 1:2

Konduang-konduang! Amat ihkam nyuru mahca-mahcam ujian, hondakrih ihkam komo borutung.

1 PETRUS 1:4

Ihto bokoharap ahkan anaitepun borehkat-borehkat ijo tonyodia Pohotala ahkan ukup-Oh, yorih borehkat-borehkat ijo tongina-Oh ang soruga, nyiring eam dahpot rusak, ata'ai monjadi maram, ata'ai ka luntur.

1 YOHANES 3:2

Konduang-konduang ijo tonyita! Ihto huntuh anairih anak-anak Pohotala, tahpi koada'an ihto noin, jaha korinah. Tahpi ihto ta'an ijo amat Kristus lombut, ihto ahkan nyolung kolou Io, kotului ihto ahkan nohto Io a'ang koada'an-Oh ijo komorongoh.