IBRANI 10:23 - BOWOT BOHUA

²³ Kohondakrih ihto nambit segah aang koharap ijo ihto ngahkuoh, kobain Pohotala dahpot tomorocaya tutang Io ahkan ngonyolung bowot-Oh.

IBRANI 10:23 ပူးပေါင်းရင်းမြစ်များ

1 KORINTUS 1:9

Pohotala dahpot tomorocaya labihtuwioh. Iorih Pohotala ijo jari na'ah ihkam ahkan monjadi ihco umba Anak-Oh, iorih Yesus Kristus, Tuhan ihto.

1 KORINTUS 10:13

Nyinong tihkos ijo Konduang nyuruoh, jorih tihkos ijo kobahutoh tonyuru ulun. Tahpi Pohotala bokehtep aang bowot-Oh. Io eam ahkan mohonou Konduang tonihkos molowi tahkan kosanggup ihkam. Aang ohkot Konduang nopahas bain tihkos, Io ahkan nonga jalan ahkan'kam, ahkan nyolung ba'as mangat Konduang dahpot botahan.

2 KORINTUS 9:13

Tutang tahkan kobajikan ijo ihkam ngorinahoh rih, aro ulun Kristen ang Yudea ahkan monara Pohotala kotului iro nohto kosotia'kam norima Kabar Hinut tohou Kristus ijo ihkam nututoh orih. Ka'a iro monara Pohotala, tului ihkam puna murah ahtoi ahkan mbagi-bagioh ahkan iro, tutang ahkan paring ulun bohkon, inon ijo anai ang ihkam.

1 TESALONIKA 5:24

Pohotala ijo jari na'ah ihkam, ahkan nguan hal orih rih kotului Io sotia.

2 TESALONIKA 3:3

Tahpi Tuhan sotia. Io ahkan ngomba'as ihkam tutang nolawang ihkam tahkan Si Ja'at.

TITUS 1:2

Ajaran rih hogalang koharap, ijo ihto ahkan norima pombolum sojahti, tutang kototahiu. Pohotala jari mbowotoh pombolum rih hounumba pahtuk jaman – tutang Pohotala eam pu'u bobalik.

IBRANI 11:11

Kotului porocaya, mahka Abraham tou dahpot lihit tahkan Sarah, uloka Abraham jari dalou oko tutang Sarah bongoi tomanang. Abraham yahkin ijo Pohotala ahkan monyolung bowot-Oh.

IBRANI 3:1

Konduang-konduang sosama Kristen ijo jari tona'ah ka'a bain Pohotala! Cuba nirukrih timbon-timbon tohou Yesus tuh! Pohotala nyuhu Io khusus, ahkan monjadi Imam Hajo a'ang agama ijo ihto nambit.

IBRANI 3:14

Ihto paring anairih injah ihcohokolahi homboh Kristus, asar ihto johcok laiu nambitoh lehket koyakinan ijo ihto tepui tahkan pahtukoh.

IBRANI 3:6

Tahpi Kristus bokehtep kolou Anak, ijo botanggung-jawab ngosan Lohpou Pohotala. Tutang ihto tuhrih Lohpou Pohotala, amat ihto tahtap bosomangat tutang tahtap yakin ahkan ngondahpot inon ijo ihto harapoh.

IBRANI 4:14

Orih rih kotuluioh ihto harus botambit tehen aang pongahkuan koporocayan ihto. Kotului ihto anaitepun Imam Hajo ijo hajo, ijo jari nyolong johcok nokuh husuk Pohotala – Iorih Yesus Anak Pohotala.

IBRANI 6:18

Duo hal orih eam dahpot boubah, Pohotala eam harapan ngobalik tohou bowot tutang tulut-Oh. Tului orih, ihto ijo jari bokolindung aang Pohotala, tononga juhungan ba'as, ahkan nambit tehen aang koharap ijo tohampar ang husuk ihto.

YAKOBUS 1:6

Tahpi ulun ijo nyawot, harus porocaya; io eam tou ragu-ragu. Kotului ulun ijo ragu-ragu anairih kolou luhcak ang laut ijo tonahpi bahiou nokuh anan nokuh ohtoi.

PONGORINAH 3:11

Ahku bojoin lombut! Jagarih pio-pios inon ijo ihkam anaitepuioh, mangat eam ihcobehti ka mosopit hadiah komanang'kam.