IBRANI 10:10 - BOWOT BOHUA

¹⁰ Yesus Kristus jari nguan inon ijo tongohondak Pohotala tutang nyorah arop-Oh monjadi porahpah. Umba ponyorahan rih, ijo konuai-Oh tihkas sino iou ahkan turus-jahamoh, ihto paring tonomuhi tahkan dusa.

IBRANI 10:10 ပူးပေါင်းရင်းမြစ်များ

YOHANES 17:19

Bagi gunan iro, Ahku nyorahoh arop kolou ain 'cokobilah Amai, mangat iro ka monjadi 'cokobilah ain Amai nguha kotu'u.

YOHANES 19:34

Tahpi kombuhang Yesus tonyadop hapan lunju bain ihcobehti tahkan sorodadu-sorodadu rih, tutang cohpat soluka daha tutang danum.

YOHANES 6:51

Ahkurih luhte ijo nosuluh tahkan soruga – luhte ijo nonga pombolum. Ulun ijo kuman luhte tuh ahkan bolum kototahiuoh. Luhte ijo ahkan Ahku nongaoh, ahkan pombolum ulun ang kolunon, anai rih usi-Ku.’’

1 KORINTUS 1:30

Pohotala bongoi ijo napa nyiring Konduang hihco umba Kristus Yesus. Nguha Kristus, ihto monjadi horahti. Tutang nguha Io ka'a Pohotala nguan ihto hokopios hoduli umba arop-Oh, monjadi ihto ukup-Aiu ijo khusus tutang ngoliwus ihto.

1 KORINTUS 6:11

Pira-pira ang louk'kam, lomoi hadatoh kolourih. Tahpi huntuh ihkam, tongorinah borasih tahkan dusa. Ihkam jari nyolung ain Pohotala ijo khusus. Ihkam jari hokopios huli umba Pohotala, tului ihkam porocaya umba Tuhan Yesus Kristus, tutang kotului kowasan Roh tahkan Pohotalan ihto.

EPESUS 5:2

Pombolum'kam kohondakoh bohomboruan bain kasih, kolou Kristus ka ngasih ihto. Io moporahpah arop-Oh ahkan ihto, kolou ihco pononga ijo buanharum tutang monyanang ahtoi Pohotala.

EPESUS 5:26

Kristus nguanohrih, mangat Io duon moporasih ukup rih, umba ajar-Oh tutang nguha danum popondus, mangat pongohuli Io dahpot monyarah-Oh ahkan Pohotala.

IBRANI 10:12

Sobalikoh Kristus, monyorah baya sino porahpah ahkan pongapun dusa, tutang porahpah rih nyolung ahkan turus-jahamoh. Ulijari monyorahoh porahpah rih, Yesus tuot ang sila kotoun Pohotala tutang moretah sama-sama umba Io.

IBRANI 10:14

Jadi umba ihco porahpah, Kristus nyoporuna ulun-ulun, ijo jari tonomuhioh tahkan dusa.

IBRANI 10:20

Yesus jari nguap ihco jalan, ijo bohua bagi ihto, yorih jalan ijo nonga pombolum. Jalan rih nguha dindingbenang, yorih behtin Yesus bongoi.

IBRANI 10:29

Eaminon labih bahat hukuman ijo harus tongonyahtu ngosan ulun ijo nihcak-ngihik Anak Pohotala. Ulun rih ngohu hina daha bowot Pohotala, jorih popahtoi Kristus ijo ngomuhi-Oh tahkan dusa. Io mohina Roh nonga pononganasi.

IBRANI 10:5

Orihrih kotuluioh ang ohkot Kristus nyolong nokuh kolunon, Io nuhtui umba Pohotala, ‘‘Ihko eam nohuang porahpah tutang ponyorahan; sombalikoh, Ihko jari monyodia behti bagi-Ku.

IBRANI 13:12

Orihrih kotuluioh Yesus ka'a mahtoi ang luar bauntukang lowu ahkan muhi ukup-Oh tahkan dusa umba daha-Oh bongoi.

IBRANI 2:11

Yesus muhioh ulunkolunon tahkan dusa-dusan'ndo; tutang Io ijo muhioh, hawui iro ijo tomuhioh rih, sama-sama anaitepun ihco Amai. Orihrih kotuluioh, Yesus eam mia ngahku iro rih kolou konduang-konduang-Oh.

IBRANI 2:14

Bain kotului ulun-ulun ijo Io ngohawot, anak, rih, anairih mahluk kolunon ijo dahpot mahtoi, mahka Yesus bongoi monjadi sama, umba iro, tutang bolum a'ang koada'an ulun. Io nguan kolorih, mangat umba popahtoi-Oh, Io dahpot moluhtek Sehtan ijo mongowasa popahtoi.

IBRANI 5:7

Ang wayah Yesus bolum ang kolunon tuh, Io bodo'a tutang nyawot umba auh kombak tutang tangihoh ahkan Pohotala, ijo sanggup monyolamat Io, tahkan popahtoi. Tutang kotului Io tunduk umba Pohotala honong tuwi horomat, mahka Io tongonahanoh.

IBRANI 7:27

Io eam kolou imam-imam hajo ijo bohkon, ijo nyinong ondou harus monyorah pononga kotului dusa-dusan iro bongoi lomoi, punai tului dusa-dusan ukup. Yesus nyorah porahpah tihkas sino tikat ahkan turus-jahamoh, ohkot Io monyorah arop-Oh bongoi monjadi porahpah.

IBRANI 9:12

Kristus nyolong Ruang Palingborasih ang luwang kemah rih tihkas sino iou turus-jahamoh. Ang ohkot rih Io eam ngomin dahan kambing dalung ata'ai dahan anak sahpi ahkan tonosorahoh; Io ngomin daha Aiu bongoi, tutang umba orih Io momorodehka ihto ahkan turus-jahamoh.

IBRANI 9:14

Orih, amat daha tutang awu rih, duon ngomuhi kopalin ulun-ulun rih, mahihino dahan Kristus! Nguha Roh ijo abadi, Kristus monyorah arop-Oh bongoi ahkan Pohotala, kolou porahpah ijo soporuna. Daha-Oh muhi ahtoi-bua ihto tahkan upacara agama ijo eam boguna, mangat ihto dahpot mohalu Pohotala ijo bolum.

IBRANI 9:26

Tului amat kolourih, orih rimai: Io jari dulangduli ngarot, tahkan kolunon tuh tona'oi. Tahpi korinahoh, huntuh aang jaman laiu tuh, Io lombut sinotikat iou ahkan mongapit dusa hawui monyorah arop-Oh bongoi.

IBRANI 9:28

Kolourih ka'a, Kristus sinotikat nyorah arop monjadi porahpah ahkan mongapit dusan aro ulun. Io ahkan lombut hino aang koduo tikatoh, eam hino ahkan ngobuah soal dusa, tahpi ahkan nyolamat ulun-ulun ijo ngindoi polombut-Oh.

1 PETRUS 2:24

Kristus bongoi ngohtun dusa-dusan ihto aang arop-Oh ngosan kahju sopolahki, mangat ihto morodehka tahkan kowasan dusa, tutang bolum numbun konohuang Pohotala. Himang-himang Kristusrih ijo ngopios ihkam.

1 PETRUS 3:18

Kotului Kristus bongoi mahtoi tihkas sino iou, ahkan turus-jahamoh kotului dusan kolunon – ihcobehti ijo eam bosala, mahtoi ahkan ulun ijo bosala. Kristus nguan ohrih rih, mangat Io dahpot nihting ihkam nokuh Pohotala. Io tomunu socara behtiuoh, tahpi tonombolum hoduli socara rohani.

1 YOHANES 5:6

Yesus Kristusrih ijo lombut nokuh kolunon umba danum popondus-Oh, tutang umba dahan popahtoi-Oh. Io lombut eam tihkas umba danum iou, tahpi umba danum tutang daha. Tutang Roh Pohotala bongoi, nonga kosaksian ijo orih morong, tului Roh eam pu'u bobalik.