IBRANI 1:14 - BOWOT BOHUA

¹⁴ Amat kolourih molehkat-molehkat rih, inon kotu'uioh? Iro anairih roh-roh ijo mohalu Pohotala, tutang ijo sonuhu Pohotala ahkan dohop ulun-ulun ijo ahkan norima kosolamatan.

IBRANI 1:14 ပူးပေါင်းရင်းမြစ်များ

MATEUS 1:20

Pondehan Yusep ngihtu-ngihtung aang orih, io nuhpi. Ang nuhpiuoh rih, io nohto ihcobehti molehkat Tuhan ijo homauh umba io, “Yusep uhtus Dawid a'ai mihkoh kawin umba Maria; tului anak ijo aang kotohiu orihrih nyolung bain kowasan Roh Pohotala.

MATEUS 13:41

Anak Ulun ahkan nyuhu molehkat-molehkat-Oh nipun tahkan louk ukup aiuoh paring ijo kotuluioh ulun nguan dusa, tutang paring ulun bohkonoh ijo nguan koja'at.

MATEUS 18:10

“Awas! Ara ngonja'at ihcobehti tahkan ulun-ulun ijo koik tuh. Tului ingat rih molehkat-molehkat'ndo toturus anai ang baun Amai-Ku ang soruga. [

MATEUS 2:13

Uli lihkut ahli-ahli potion rih tulak, molehkat Tuhan ngorinah aropoh ahkan Yusep ang nuhpiouoh. Molehkat rih nuhtui, “Horodes nohuang ngurah Anak rih, ahkan munu Io. Tului orih monyunlah, ngomin Anak rih tutang inai-Oh pindah nokuh Misir. Mohcon ang anan, nyiring Ahku mander hino ahkan'mu.”

MATEUS 24:31

Sorunai hajo ahkan tomohpos muhing tutang Anak Ulun ahkan nyuhu molehkat-molehkat-Oh nipun uhkup-Oh, tahkan ko ohpat puhting kolunon, tahkan topahkan langit 'jo ihco, johcok topahkan langit ijo bohkon.”

MATEUS 25:34

Pongohuli Lahca rih nuhtui umba ulun-ulun ang hila koto'ui-Oh, ‘Nokuhohtoi ihkam ijo tomorehkat bain Amai-Ku. Nyolong nokuh Kolahca'an ijo tonyodia ahkan'kam tahkan pahtuk kolunon.

MATEUS 4:11

Kojoriaioh sehtan nohtah Yesus, tutang molehkat-molehkat ka lombut mohalu Yesus.

MARKUS 10:17

Ohkot Yesus noturus hino ponyalai-Oh, ihcobehti lombut nokoru nokuh Yesus. Ulun orih suhkuntu'ut ang tohimo Yesus tutang ngisok, ‘‘Guru ijo morong, ahku harus nguan inon, mangat dahpot norima pombolum ijo sojahti tutang kototahiu?’’

LUKAS 1:19

Molehkat rih mutah, ‘‘Ahku tuh Gabriel. Ahku pohalu Pohotala tutang Iorih ijo nyuhu ahku nyapaioh kabar hinut tuh ahkan'mu.

LUKAS 1:23

Ulirih opah ohkot gawiouoh ang Human Tuhan, Sakharia buli nokuh lohpouoh.

LUKAS 16:22

Ulun porosbolum rih pongo mahtoi turus tongomin molehkat nokuh unuk tohoromat ang bambai Abraham ang soruga. Ulun tahtou rih mahtoi ka'a tutang tonanom.

LUKAS 2:13

Songola molehkat rih homboh umba karon-molehkat bohkon ijo monara Pohotala. Hion'ndo,

LUKAS 2:9

Songela molehkat Tuhan ngorinahoh arop akan iro, tutang kolondang koloang tahkan Tuhan monyingah ngoloang iro, tutang iro paham mihkoh.

KESAH RASUL-RASUL 11:22

Sorihta-sorihta tohou ang'conyolung-ang'conyolung tuh johcok ka'a ahkan ukup ang Yerusalem. Mahka iro nyuhu Barnabas nokuh Antiokhia.

KESAH RASUL-RASUL 12:23

Aang ohkot rih ka'a molehkat Tuhan napar Horodes, tului io eam nonga horomat ahkan Pohotala. Horodes konukun hondalai turus mahtoi.

KESAH RASUL-RASUL 12:7

Solenga molehkat Tuhan tombok ang anan tutang ihco koloang ngorolondang luwang kamar sipir. Molehkat rih nigung-nigung Petrus nyiring io monyun. Turus molehkat rih nuhtui, ‘‘Olai jeleng monyun!’’ Uhun rih ka'a ngonyahtu ratai bosi tahkan longon Petrus.

KESAH RASUL-RASUL 13:2

Kotihka iro rahat sombayang ahkan Tuhan tutang puasa, Roh Pohotala nuhtui umba iro, ‘‘Ngopili Barnabas doro Saulus, mbarih ahkak-Ku, mangat iro nguan gawi ijo jari Ahku nuhkasoh ahkan iro.’’

KESAH RASUL-RASUL 16:26

Songela nyolung tana tonyukuh tana ijo karas samasino, nyiring galang sipir rih taput ka tonyukuh. Paring bauntukang sipir rih bokuap, tutang rahtai-rahtai ijo manga paring ulun ijo nahan ka lohpas.

KESAH RASUL-RASUL 27:23

Tului ngolomi nanai molehkat tahkan Pohotala ijo ahku nyembah, iorih Pohotala ijo tepun ahku, lombut nokuh ahku.

KESAH RASUL-RASUL 5:19

Tahpi ngolomi, ihcobehti molehkat Tuhan nguap bauntukang-bauntukang sipir turus ngomin rasul-rasul soluka. Molehkat orih nuhtui umba rasul-rasul rih,

RUMA 11:14

Ahku moharap ahku dahpot polombut hiri ahtoi aang uhtus aik bongok, mangat umba jalan orihrih ahku duon nyolamat ihcokobagi tahkan iro.

RUMA 13:6

Orih ka'a alasanoh ombai Konduang bayar pajak, tului pomoretah anai pogawai Pohotala ijo molalus gawiu ijo khusus tuh.

RUMA 15:16

Io ius ngojorian ahku monjadi pohalu Kristus Yesus ahkan sonuhu, ahkan nokuh uhtus-uhtus ijo bohkon Yahudi. Tutang ahku molalusoh kolou imam, ijo mborihta Kabar Hinut tahkan Pohotala, mangat ulun-ulun ijo bohkon Yahudi, monjadi ihco ponyorahan ahkan Pohotala, ijo dahpot tonorima baiou-Oh. Keleh Roh Pohotala napa iro monjadi ihco ponyorahan ijo khusus bagi Pohotala.

RUMA 15:27

Honong sanang ahtoi iro monahtap, ahkan nguan orih. Puna komorongoh, iro pahtut dohop konduang-konduang ijo porosbolum, ang Yerusalem rih, tului tahkan ulun-ulun Yahudi rih, ulun-ulun bohkon Yahudi rih ius norima borehkat-borehkat tahkan Pohotala. Jadi, ulun-ulun ijo bohkon Yahudi rih, pahtut ka'a dohop ulun-ulun bohkon Yahudi umba borehkat-borehkat ramuioh.

RUMA 8:17

Nah, amat ihto anairih anak-anak-Oh, mahka ihto ka norima waris-Oh ijo tonahtap bain Pohotala ahkan anak-anak-Oh. Ihto ahkan norima hombo-homboh umba Kristus inon ijo jari tonahtap Pohotala ahkai-Oh, tului amat ihto ngarot umba Kristus, ihto ahkan tonohoromat ka'a homboh Io.

1 KORINTUS 1:21

Kotului koloukuwoh ka kopihtaroh kolunon, io eam dahpot kosono Pohotala nguha kopihtaroh bongoi. Tahpi justru kobain Pohotala pihtar, mahka Io nohuang nyolamat ulun-ulun ijo porocaya umba Io, nguha borihta ijo ihkai nyiaroh ijo tongohu auh alik kobain kolunon.

2 KORINTUS 9:12

Kotului gawi pios ijo ihkam nguaioh tuh, eam tihkas monyukup kotahpas ukup Pohotala iou, tahpi ka'a ahkan kotuluioh aro ulun botorimakasih ahkan Pohotala.

GALATIA 3:29

Amat ihkam ain Kristus, mahka ihkam anairih lihit Abraham. Tutang ihkam ahkan norima inon ijo tonobowot Pohotala.

GALATIA 3:7

Jadi, hondakrih ihkam borondong, ijo ulun ijo moro-morong lihit Abraham anairih ulun ijo porocaya umba Pohotala.

GALATIA 3:9

Abraham porocaya mahka io tomborehkat. Kodorih ka'a paring ulun ijo porocaya ahkan tomborehkat hombo-homboh Abraham.

EPESUS 3:6

Rahasia rih, iorih tuh: Nguha Kabar Hinut rih, ulun bohkon Yahudi umba nginyam borehkat-borehkat Pohotala, ijo lomoi tonahtap tihkas ahkan ulun Yahudi. Ulun-ulun bohkon Yahudi jari monjadi ramu tahkan behti ijo sama, tutang umba norima inon ijo tonobowot Pohotala nguha Kristus Yesus.

PILIPI 2:17

Mihkohtou ahku ahkan tomunu, tutang dahak'ku monjadi kolou porahpah tusuh ang ngosan inon ijo ihkam monyorahoh ahkan Pohotala, kolou tanda ijo ihkam porocaya umba Io. Amat puna orih harus kolourih, ahku norimakasih ngosan hal rih tutang umba jorih homboh ihkam.

PILIPI 2:25

Tohou konduang ihto Epafroditus ijo ihkam nyuhu mangat dohop ahku, ahku komo porulu ahkan nyuhu io hoduli ahkan ihkam. Io ius mambai ahku a'ang gawi tutang kolahik'ku.

2 TESALONIKA 1:7

Tutang ahkan'kam ijo uhuntuh ngarot – kodorih ka'a umba ihkai – Pohotala ahkan nonga kosoroah aang ondou Tuhan Yesus nosuluh tahkan soruga, tutang ngorinah arop-Oh hawui molehkat-molehkat Aiu ijo motong,

TITUS 3:7

Mangat bain pononganasi Yesus, ihto hokopios hoduli umba Pohotala tutang ihto dahpot pombolum ijo sojahti tutang kototahiu ijo ihto mohara-harap-Oh.

IBRANI 10:11

Nyinong imam Yahudi molalus gawiuoh, kolou imam nyino-nyinong ondou, tutang dulang duli Io monyorahrih porahpah-porahpah ijo sama. Tahpi porahpah-porahpah rih samasino eam dahpot ngudaprih dusa.

IBRANI 2:3

Mahihino umba kosolamatan ijo labih hebat tahkan pohtoh-pohtoh rih! Amat ihto eam anai poduli toharep kosolamatan rih, ihto puna botatu eam ahkan luhput tahkan hukuman. Tului Tuhan bongoirih ijo pahtu-pahtukoh mborihta kosolamatan rih, tutang ulun ijo sula-sulak lomoi ngonihoh, jari mombuktioh komorongoh ahkan ihto.

IBRANI 5:9

Mahka uliius Io tomonjadi ponyolamat ijo soporuna, Io monjadi luwangtohasak solamat ijo kototahiu bagi paring ulun ijo te'et umba Io,

IBRANI 6:12

Ihkai eam kani, ihkam monjadi nohkas. Tahpi ihkai jolik, mangat ihkam bolum kolou ulun-ulun, ijo norima inon ijo nobowot Pohotala, tului porocaya umba Io, tutang tului ngindoi honong kosabar.

IBRANI 6:17

Pohotala kani nuhkasrih ahkan ulun-ulun ijo norima bowot-Oh, ijo Io eam ahkan ngubah rancana-Oh. Orihrih kotuluioh Io ndahang tulut aang bowot-Oh rih.

IBRANI 8:6

Tahpi huntuh Yesus dahpot tugas imam ijo mahcu labih horomat tahkanumba ijo konuan bain imam-imam rih. Kotului bowot ijo tonapa-Oh holat Pohotala tutang kolunon, anairih bowot ijo labih pios kotului hogalang bowot ahkan hal-hal ijo labih pios.

IBRANI 9:28

Kolourih ka'a, Kristus sinotikat nyorah arop monjadi porahpah ahkan mongapit dusan aro ulun. Io ahkan lombut hino aang koduo tikatoh, eam hino ahkan ngobuah soal dusa, tahpi ahkan nyolamat ulun-ulun ijo ngindoi polombut-Oh.

YAKOBUS 2:5

Ingatrih, Konduang-konduang ijo tonokasih. Ulun ijo porosbolum ang kolunon tuh, tonopili Pohotala ahkan monjadi ulun ijo tahtou a'ang kaporocaya. Ulun-ulun rih ahkan monjadi ukup ain Pohotala, kolou ijo tonobowot Pohotala ahkan ulun ijo mongasih-Oh.

1 PETRUS 1:12

Ahkan nabi-nabi rih Pohotala momborihta, ijo inon ijo iro nguai eam ahkan gunan iro, molekan bagi'mu; yotuh hal-hal ijo uhuntuh, tuh ihkam ngonih honong korinah, tahkan dolang pomborihta Kabar Hinut tohou Yesus Kristus. Iro monyiar hal-hal rih bagi'mu umba kowasa Roh Pohotala ijo tongirim-Oh tahkan soruga. Mahihino molehkat-molehkat ka jolik ka'a ngota'an kabar ijo iro nyiaroh rih.

1 PETRUS 1:4

Ihto bokoharap ahkan anaitepun borehkat-borehkat ijo tonyodia Pohotala ahkan ukup-Oh, yorih borehkat-borehkat ijo tongina-Oh ang soruga, nyiring eam dahpot rusak, ata'ai monjadi maram, ata'ai ka luntur.

1 PETRUS 3:7

Tutang ihkam ka'a, bosai-bosai, hondakrih bolum honong tuwi umba pongosono toharep oruh'mu, tutang hawui borondong ijo iro anairih barih ijo bolomu. Horaguohrih iro hawui horomat, tului iro hihco umba ihkam, ahkan norima ponongan pombolum ijo sojahti tahkan Pohotala. Nguan ohrih tuh, mangat eam anai ijo mohalang do'ako.

YUDAS 1:14

Henoh, lihit ijo kopitu tahkan Adam, lomoi pu'u nujum tohou ulun-ulun rih. Henoh homouh, ‘‘Nohto, Tuhan ahkan lombut umba bokuhjan-kuhjan molehkat-molehkat-Oh ijo borasih,

PONGORINAH 5:6

Pongohino ahku nohto ihcokungan Anak Tobiri, tombok ang tohun pododusan-pododusan rih, tokodiling bain koohpat angbolum tutang paring okon rih. Anak Tobiri rih gihtanoh kolou jari tonyombolih. Io tepun pihtu tanduk tutang pihtu mahta; yorih pihtu roh tahkan Pohotala, ijo jari tonyuhu nokuh hopus kolunon.