EPESUS 6:8 - BOWOT BOHUA

⁸ Ingatrih ijo nyinong ulun, pios jihpon, kanika ulun morodehka, ahkan norima balosoh tahkan Tuhan, ahkan hal-hal pios ijo konuaioh.

EPESUS 6:8 ပူးပေါင်းရင်းမြစ်များ

MATEUS 16:27

Eam tahi hino Anak Ulun ahkan homboh umba molehkat-molehkat-Oh, ahkan lombut hapan kowasan Amai-Oh. Ang ohkotrih Io ahkan malos nyino-nyinong ulun sorurui umba gawiuoh.

MATEUS 20:7

Ulun-ulun rih mutah, ‘Eam aro ulun ijo ngupah ihkai bogawi ino-inon.’ ‘Amat kolourih,’ hion tepun pombulan rih, ‘tulak ihkam bogawi ang kombulan anggur aik'ku.’

MATEUS 5:12

Nabi-nabi ijo bolum hounumba ihkam ka'a jari tongoporos kodorih. Jorih tutang jerah ihkam, tului hajo upah aang soruga ijo tonyodia Tuhan ahkan ihkam.”

MATEUS 6:1

“Ngingat, ara ihkam nguan kopahtut agama ang toharep ulunaro, mangat tonopahjah ulun iu. Amat ihkam nguaioh kodorih, ihkam eam ahkan tononga upah bain Amai'kam ang soruga.

MATEUS 6:4

Nauh, gawin'kam rih, eam kota'an bain ia-iai ka, kocoali Amai'kam ang soruga. Io nohto gawin'kam ijo toni-tonih rih tutang ahkan nonga upah ahkan'kam.”

LUKAS 14:14

Ihko ahkan tomorehkat, tului ulun-ulun rih tutang eam ahkan duon mbalasoh kopios'kam rih. Kopios'kam orih ahkan tomalos bain Pohotala aang ohkot ulun-ulun ijo morong monyun huli tahkan popahtoi.’’

LUKAS 6:35

Koharusoh eam kolourih! Ihkam sobalikoh harus ngasih musuh'kam, tutang nguan aang hinut ahkan iro. Ihkam harus nonga pohonjaman, tutang ara harapoh tou buli. Amat kolourih uhpah'kam ahkan hajo, tutang ihkam ahkan monjadi anak-anak Pohotala Ijo Maha Isung. Tului Pohotala hinut ahtoi nohimo ulun ijo eam ta'an torimakasih, tutang tohimo ulun ijo ja'at ka'a.

1 KORINTUS 12:13

Kodorih ka'a ihto paringoh, pios ulun Yahudi, oluka ulun bohkon Yahudi, jihpon-jihpon oluka ulun morodehka; ihto paringoh jari tomopondus bain Roh ijo sama orih, mangat ihto monjadi ihco ang behtin Kristus rih. Ihto paring ka'a komo Roh ijo ihco rih kotuwioh.

2 KORINTUS 5:10

Kotului musti ihto paringoh ahkan konomin nokuh noharep bosaran Kristus, tutang nyino-nyinong ahkan dahpot balosoh, sorurui umba gawiuoh ang kolunon tuh – gawi pios, ata'ai ka kaja'at.

GALATIA 3:28

A'ang hal tuh, eam hino anai kobohkon holat ulun Yahudi tutang ulun bohkon Yahudi, holat jihpon tutang ulun morodehka, holat ulunbahkas tutang ulunbawi. Konduang paringoh ihco tului Kristus Yesus.

KOLOSE 3:11

Kolou akibat tahkanmba rih dilaprih kokaron kobohkon-kobohkon holat ulun Yahudi tutang bohkon Yahudi, ulun bosunat, tutang ulun ijo eam bosunat, eam anai hino kobohkonoh, holat ulun bohkonuhtus tutang ulun biadab holat jihpon tutang ulun morodehka, tului Kristus anairih koparing-paringoh tutang Io hihco umba iro paringoh!

KOLOSE 3:24

Ingatrih ijo ihkam ahkan norima upah tahkan Tuhan. Inon ijo tonahtap Tuhan ahkan ukup Aiu, orihrih ijo ahkan tononga ahkan'kam. Kotului tepun, ijo kotu'uioh rahat tohalu bain ihkam, anairih Kristus bongoi.

KOLOSE 3:25

Tutang iai ka ijo nguan kosalan, ahkan ngohtun kosalan-kosalanoh rih; tului Tuhan eam nopahjah baui.

IBRANI 10:35

Bain kotului orih, ara putus-asa, kotului amat ihkam bokehtep porocaya, mahka anai upah ijo hajo ahkan orih!

IBRANI 11:26

Museh komo, ijo mahcu labih borega, ahkan norima tongohina demi Lahca Ponyolamat, ijo tonobowot Pohotala rih, tahkanumba ngondahpot karo ponahtou, tana Misir, tului Museh moharap upah ang ondou pongohuli.