EPESUS 5:8 - BOWOT BOHUA

⁸ Ihkam bongom lomoi anai ang luwang kopindong. Huntuh ihkam jari monjadi ukup Tuhan, jadi ihkam anai ang luwang koloang. Bain kotului rih ihkam harus bolum ang luwang koloang rih.

EPESUS 5:8 ပူးပေါင်းရင်းမြစ်များ

MATEUS 3:8

Ngorinah hapan ang gawin'kam ijo ihkam ius hubah tahkan dusa-dusan'kam.

MATEUS 4:16

Uhtus ijo bolum ang luwang kopindong jari nohto koboloang ijo ngorolondang! Bagi ijo mohcon a'ang lowun kopindong popahtoi jari lombut koloang ngorolondang!”

LUKAS 1:79

kolourihrih Io nongaoh koloang-Oh ahkan paring ulun ijo bolum ang luwang kopindong tutang kihkoh. Io niting ihto aang jalan ijo nitu kobuah.’’

LUKAS 16:8

Mahka tuan tahkan pogawai ngatuhduit ijo eam morong rih, monara pogawai orih tului dolang gawin ijo cerdik orih; tului ulun-ulun ang kolunon tuh labih pitar ngatuh urusan aiuoh, tahkan ulun-ulun ijo bolum ang koloang.’’

YOHANES 1:9

Koloang sojahti ijo mopoloang paring kolunon, lombut nokuh kolunon.

YOHANES 12:35

Yesus mutah, ‘‘Baya ahkan pondehan iou koloang rih anai ang louk ihkam. Jadi, nyalanrih ihkam kotahin koloang rih magun anai, mangat ihkam ara tonopahas kopindong. Ulun ijo nyalan ang luwang kopindong, eam kota'an nokuhumoh io tulak.

YOHANES 12:36

Porocayarih umba koloang rih, kotahin koloang rih magun anai aang ihkam, mangat'kam monjadi anak-anak koloang.’’ Ulijadi Yesus nuhtui kodorih, Io hihkas tahkan anan tutang eam kani pokarah arop-Oh ahkan'ndo.

YOHANES 12:46

Ahku lombut nokuh kolunon tuh kolou koloang, mangat paring ulun ijo porocaya umba Ahku, ara mohcon ang luwang kopindong.

YOHANES 8:12

Yesus bopander hino umba ulun aro rih, hioi-Oh, ‘‘Ahku tuh koloang kolunon. Ulun ijo nutut Ahku eam ahkan nyalan aang kopindong, tahpi anaitepun koloang pombolum.’’

KESAH RASUL-RASUL 17:30

Wayah kobureng ihto rih jari nolingou bain Pohotala, tahpi huntuh Io nyuhu paring ulun ang hopus kolunon hubah tahkan dusa-dusan iro.

KESAH RASUL-RASUL 26:18

ahkan polenangoh mahtan'ndo, mangat iro soluka tahkan kopindong, tutang nyolong nokuh luwang koloang, mangat iro liwus tahkan kowasan Sehtan, turus konowasa bain Roh Pohotala. Mahka tului porocaya umba-Ku, dusa-dusan iro ahkan tongapun tutang iro ahkan monjadi ukup-ukup Pohotala ijo mihtih.’ ’’

RUMA 1:21

Ulun ngosono Pohotala, tahpi ulun eamkani mohoromat Io kolou Pohotala, tutang eam ka'a botorimakasih ahkai-Oh. Tobalikoh kolunon nirukoh ijo bohko-bohkon; ahtoi iro jari kotinget.

RUMA 13:12

Kopindong ius doni nokalou; tutang eam pira hino ahkan boloang. Jadi, pios ihto tondo nguan gawin-gawin kopindong rih. Ihto harus monyuhkup arop ihto umba pokahkas koloang.

RUMA 2:19

Konduang yakin ijo Konduang anai okon ulun bobulen tutang koloang bagi iro ijo mohcon ang luwang kopindong.

1 KORINTUS 1:30

Pohotala bongoi ijo napa nyiring Konduang hihco umba Kristus Yesus. Nguha Kristus, ihto monjadi horahti. Tutang nguha Io ka'a Pohotala nguan ihto hokopios hoduli umba arop-Oh, monjadi ihto ukup-Aiu ijo khusus tutang ngoliwus ihto.

2 KORINTUS 3:18

Huntuh boun ihto paringoh eam tonuhtup sondurung, tutang ihto nopulang kolondangsilou Tuhan Yesus. Tutang bain kotului orih ihto hototurus tongubah monjadi kolou Io; mahi tahi ihto monjadi mahi ngolondangsilou. Kolondangsilou rih tahkan Roh, tutang Roh rih anairih Tuhan.

2 KORINTUS 4:6

Pohotala ijo nuhtui, ‘‘Kohondakoh tahkan luwang kopindong lombut koloang,’’ Pohotala orihrih ka'a ijo polombut koloang rih ang luwang ahtoi ihto, mangat tirukihtung ihto monjadi boloang tutang duon ngosono korolondang Pohotala ijo monyingah aang boun Kristus.

2 KORINTUS 6:14

A'ai kani monjadi barih ulun-ulun ijo eam porocaya umba Yesus, orihrih eam cocok. Amoh dahpot kopios, hobarih umba koja'at. Eam mungkin koloang hobarih umba kopindong.

GALATIA 5:25

Roh Pohotala ius nonga ahkan ihto pombolum ijo bohua; bain kotului rih Io ka'a harus mongowasa pombolum ihto.

EPESUS 2:2

Ang ohkot rih ihkam nutut tobiat-tobiat kolunon tuh; rimai ihkam te'et umba kowasa ang pinda langit, iorih roh ijo huntuh mongowasa ahtoi, ulun-ulun ijo eam te'et umba Pohotala.

EPESUS 4:18

Tiruk iro jari pindong. Iro eam ngosono pombolum ijo tononga bain Pohotala, tului iro samasino eam anaingina pongotaan ino-inon tohou Pohotala. Iro kodorih, tului mahang kuhungoh.

EPESUS 5:2

Pombolum'kam kohondakoh bohomboruan bain kasih, kolou Kristus ka ngasih ihto. Io moporahpah arop-Oh ahkan ihto, kolou ihco pononga ijo buanharum tutang monyanang ahtoi Pohotala.

EPESUS 6:12

Tului ihto hokolahi eamoh molawan kolunon, molekan molawan koba'as kokaro sehtan-sehtan ijo ngowasa jaman ijo ja'at tuh. Ihto molawan koba'as roh-roh ja'at ijo bokowasa ang pinda langit.

KOLOSE 1:12

tutang hawui ngohawot torimakasih ahkan Amai. Kotului Amai orihrih ijo nguan ihkam harus norima inon ijo tonyodia Pohotala ahkan ukup-Oh ang luwang kolahca'ai-Oh ijo boloang.

KOLOSE 1:13

Io jari momorodehka ihto tahkan kowasan kopindong, tutang ngahtun ihto nokuh luwang kolahca'an Anak-Oh ijo tonokasih-Oh.

TITUS 3:3

Kotului soun ihto bongon ka'a uong, lahcat tutang eam te'et. Ihto tohojihpon bain mahca-mahcam bolaiusi tutang kojolik; ihto bolum umba niat-niat ja'at, tutang hiri ahtoi, hawui saling hokosingi.

1 YOHANES 1:7

Tahpi amat ihto bolum ang luwang koloang, koloukuwoh Pohotala anai ang luwang koloang, mahka ihto bolum heret, rukun ihco sama ijobohkon, tutang dahan Yesus, Anak-Oh muhi ihto tahkan kokaro dusa.