EPESUS 5:3 - BOWOT BOHUA

³ Ihkam anairih ukup ain Pohotala. Kobainrih gawi-gawi ijo kihal, tutang ijo eam sanonoh, ata'ai ka kokuhurih ijo eam pahtut anai, ang tohun-tohun'kam. Ara nyiring ulun bohkon anaingina alasan ahkan nuhtui ijo ihkam nguan hal-hal kolourih.

EPESUS 5:3 ပူးပေါင်းရင်းမြစ်များ

MATEUS 15:19

Kotului tahkan ahtoi lombut tiruk-tiruk ja'at, ijo kotuluioh ulun munu, hobandung, nguan kihal, nahkou, nonga saksi alik tutang mopitnah injahoh.

LUKAS 12:15

Pongohuli, ahkan paring ulun ijo anai ang anan Yesus nuhtui, ‘‘Bua-buahrih, tutang borondong, ara nyiring ihkam bokuhu. Tului pombolum ulun eam bogatung umba ponahtouoh, oluka ponahtouoh holowi-holea.’’

LUKAS 16:14

Ulun-ulun Parisi ngonih paring ijo tonuhtui bain Yesus. Turus iro ngota'o Io, tului iro jolik umba duit.

KESAH RASUL-RASUL 15:20

Tahpi ihto harus mitik surat ahkan iro, tutang ningak iro ahkan iro ara kuman ukun ijo pali, ijo jari tonyarah ahkan songiang, ata'ai kuman usin ohcin ijo mahtoi mudar, ata'ai kuman daha. Tutang ka'a ahkan iro ngomahcu aropoh tahkan gawi-gawi ijo eam hobahtek kihal.

KESAH RASUL-RASUL 20:33

Jaha pu'u ahku jolik duit ata'ai hahtin tahkan ihcobehti ka.

RUMA 1:29

Ahtoi iro tuwi umba paring ijo ja'at, ijo eam morong; tuwi umba kokuhuahtoi; komaram tutang nanyam bohiri; tuwi umba kojolik ahkan munu, hokolahi, ngobula, tutang dandam. Iro rajin nohou ulun bohkon;

RUMA 16:2

Tonorimarih io kolou ihcobehti, tahkan ukup Tuhan ka'a. Puna kolourih ulun-ulun ijo porocaya umba Pohotala harus norima ihco umba ijobohkon. Dohop io amat io porulu pondohop tahkan ihkam, tului io bongoi jari dohop aro ulun – tame ahku.

RUMA 6:13

A'airih ka'a Konduang nyorahoh ramun behtin'kam ahkan kowasa dusa, ahkan tohapaoh bagi konohuang-konohuang ijo ja'at. Tahpi nyorahoh rih arop'kam ahkan Pohotala monjadi ulun ijo jari hahtun tahkan popahtoi, nokuh pombolum. Nyorahoh arop'kam pari-paring ahkan Pohotala, mangat hapaioh ahkan nguanoh kohondak Pohotala.

1 KORINTUS 10:8

Ihto eam tou nguan hal-hal ijo kihal, kolou ijo konuan 'cokabagi tahkan iro. Kotului, duo pulu tolu kujan behti tahkan louk iro mahtoi ang ihco ondou tului nguan orih.

1 KORINTUS 5:1

Ahku kotu'ui jari norima borihta, ijo ang louk ihkam, anai karon-gawin kokihal ijo dalo-dalou. Anai tahkan louk Konduang ijo hobandung umba inai tirioh. Ulun-ulun ijo eam kosono Tuhan ka, eam nguan ang kolourih.

1 KORINTUS 6:13

Anai ka'a ijo nuhtui, ijo ukun anairih ahkan kono'i tutang kono'i tonahtap ahkan ukun. Tahpi koduo-duooh ahkan todian kobain Pohotala. Behtin ulun eam tou tohapa ahkan nguan ijo kihal, tahpi tihkas hapa mohalu Tuhan. Tutang Tuhan ahkan mohaga behti rih.

1 KORINTUS 6:18

Ngojajong karon-gawi ijo kihal. Kotului paring dusa bohkon, ijo konuan ulun, uras nyolung ang luar behtin ulun rih. Tahpi ulun ijo nguan ijo kihal, rimai nguan dusa toharep behtiu bongoi.

2 KORINTUS 12:21

Ahku mihkoh amat-amat aang ohkot ahku lombut noin Pohotala ahkan porandah ahku ang toharep'kam, tutang ahku ahkan nangih tului aro, ang louk ihkam ijo bodusa lomoi, eam hubah tutang eam tondo nguan gawin-gawin iro ijo kihal, kojilok tutang eam pantas.

EPESUS 5:12

Kobain hal-hal ijo iro nguai hawui benye-benyem rih, ahkan tomander ka jari komia.)

EPESUS 5:5

Nohtoani pio-pios; ulun ijo hadatdasar kihal, ata'ai eam sanonoh, ata'ai bokuhu, (hadatdasar kodorih sama iou umba nyembah dewa) ulun rih eam tou monjadi anak ukup ijo tomoretah bain Kristus tutang Pohotala.

PILIPI 1:27

Nah, ijo boguna huntuh iorih, ijo ihkam bolum sorurui umba inon ijo tonutut bain Kabar Hinut tohou Kristus rih. Honong kodorih, inonrih ahku dahpot hosombang umba ihkam ata'ai eam, ahku ahkan ngonih ijo ihkam ba'as angkohihco tutang kolahi sama-sama ahkan baya ihco maksud tutang ihco kojolik; yorih ahkan kepercayaan ijo sorurui umba Kabar Hinut tahkan Pohotala rih.

KOLOSE 3:5

Kotului rih munuoh rih kojolik-kojolik kolunon ijo monderoh arop'kam, kolou kokihal, hal-hal ijo eam sanonoh, kojolikbolai, konohuang ijo ja'at, tutang kokuhu (tului kokuhu anairih kolou umba nyembah dewa).

1 TESALONIKA 4:3

Tuhrih kohondak Pohotala: Mangat ihkam bolum khusus ahkai-Oh, borasih, ngomahcu kokaro gawi ijo kihal.

1 TESALONIKA 4:7

Pohotala na'ah ihto, eam mangat ihto bolum kihal, molekan mangat ihto bolum umba cara ijo ngojorih ahtoi-Oh.

1 TIMOTEUS 2:10

Sobalikoh ulunbawi pios mokahjan aropoh umba gawi-gawi ijo pios, koloukuwoh ijo pahtut ahkan ulunbawi ijo sombayang ahkan Pohotala.

1 TIMOTEUS 3:3

ara ulun ijo pombusou, ata'ai ijo rajin hokolahi. Sobalikoh, io harus bolemu lembai tutang jolik ahkan kobuah. Io eam tou mahta duitan.

1 TIMOTEUS 6:10

Kotului tahkan kasih umba duit, lombut karo mahcam koja'at. Anai 'cobagian ulun ijo hodulu duit nyiring jari eam numbun hino ajaran Kristen, turus iro tonopahas aro kokarot ijo molonyuh ahtoi'ndo.

2 TIMOTEUS 3:2

Ulun ahkan kogunan aropoh bongoi, sipatoh mahta duitan, bojuhu tutang jolik mombual. Iro rajin mohina ulun, borontak toharep ulun ohko, eam ta'an botorimakasih, tutang bosingi hal-hal rohani.

TITUS 1:11

Ulun-ulun kolouorih harus tomangop bauioh, tului iro monderohrih aro bobuhan umba ajaran-ajaran ijo eam-eam. Iro nguan orih, tihkas kotului kani ngurah utung ijo eam pantas!

TITUS 1:7

Okon ukup, anai ulun ijo hogoguan gawin Pohotala, io eam tou josala-sala. Io eam tou bojuhu, ata'ai ponyingi, ata'ai pobusou, ata'ai jolik hokolahi, ata'ai jolik mahta duitan.

TITUS 2:3

Kodorih ka'a hondakrih ihko ningak ulun bawi-bawi ijo oko, mangat hadat iro hotohorong umba inon ijo pahtut, bagi ulun ijo bolum khusus ahkan Pohotala. Iro eam tou mopitnah ulun bohkon, tutang eam tou kotagihan ngorih ijo mbusouoh. Iro pahtut majar hal-hal ijo pios,

IBRANI 12:16

Jagarih, mangat ara anai ijo bolum kihal ata'ai eam morega hal-hal rohani, kolou ijo konuan bain Esau. Io morahkang hakoh kolou anak ijo oko, tihkas bagi ihco pikan ukun.

1 PETRUS 5:2

mangat ihkam nyokahtik kawan tobiri ijo tonosorah Pohotala ahkan'kam. Nyokahtikohrih iro hawui jorih ahtoi koloukuwoh ijo tonojolik bain Pohotala, tutang ara umba bahat ahtoi. Ararih hino nguanrih gawin'mu ahkan dahpot utung, molekan kotului ihkam tu'u-tu'u jolik mohalu.

2 PETRUS 2:10

khususoh ulun-ulun ijo numbun kojolik-kojolik bolai iro ijo kojilok tutang ijo mohina kowasan Pohotala. Kolourih kohanyi tutang kojuhuoh guru-guru polasu rih nyiring iro eam teka-tekan mohina dolang aangbolum ijo tonohoromat ang soruga ka!

2 PETRUS 2:14

Iro eam peda-peda nguan dusa, tutang kojolik iro iorih nopahjah bawin sundal. Tutang ulun ijo punai porocaya, tutang magun kurang yakin, iro jorat. Ahtoi iro jari pahtuh umba kokuhu. Iro anairih ulun-ulun ijo tonulut!

2 PETRUS 2:3

Tului iro bokuhu, mahka guru-guru polasu rih ahkan monyorihta ahkan'kam sorihta-sorihta ijo tonongarang bongoi ahkan ngomin utung tahkan ihkam. Tahpi bosara ahkan monopahas hukuman ahkan ngosan iro jari tahi tonyodia, tutang korusak jari tonahtap ahkan iro, rahat ngindoi iro.

PONGORINAH 2:14

Tahpiolu kolourih, anai pira-pira hal ijo Ahku eam ngojorihoh tahkan ihkam: Anai ihcokobagi ulun ang louk ihkam ijo nutut umba ijo tongajar, bain Bileam. Bileam majar Balak koloukuwoh nombohos ukup Israel koluwang dusa; honong ngota'u iro kuman ukun ijo jari tononga ahkan dewa tutang nguan gawi ijo kihal.

PONGORINAH 2:21

Jari Ahku nongaoh ahkaioh, kosapet ahkan hubah tahkan dusai-dusaioh, tahpi io eam jolik tondo, nguan hal-hal ijo kihal rih.

PONGORINAH 21:8

Tahpi ulun ijo pomihkoh, pondoruhaka, ulun bejad, pomunu, ulun ponyundal, ulun ijo hapa ilmu-ilmu gaib, ponyembah songiangdewa, tutang paring pabula, ahkan tonondian nokuh luwang tasik baho tutang sondawa ijo honyelak-honjelou, yorih popahtoi ijo ambal duo.’’

PONGORINAH 22:15

Tahpi ulun-ulun ijo jari nguan hal-hal ijo kojilok, ijo hapa ilmu-ilmu gaib, ulun-ulun rih ijo nguan gawiu-gawiu ijo nyundal, ijo munu, ijo nyembah songiangdewa, tutang ulun-ulun ijo ngobalik, pios umba auh-auh, oluka umba gawiu-gawiu, paring ulun rih unukoh ang luar lowu rih.

PONGORINAH 9:21

Iro eam hino nohtah, gawin-gawin iro ijo ja'at, iorih pomunu, ilmu-ilmu seher, nyundal tutang ponahkou.