EPESUS 5:20 - BOWOT BOHUA

²⁰ Toturus tutang tohou inon ka ka'a, pios ihkam ngohawot torimakasih ahkan Pohotala, Amai, ngosan aran Yesus Kristus Tuhan ihto.

EPESUS 5:20 ပူးပေါင်းရင်းမြစ်များ

YOHANES 15:16

Eam ihkam ijo mihtih Ahku. Ahku tuh ijo ngopili ihkam, tutang nyuhu ihkam tulak mangat ihkam momua aro – bua-bua ijo eam dahpot rusak. Mahka Amai ahkan nonga ahkan'kam inon ka'a ijo ihkam nyawot umba-Oh, ngosan arak-Ku.

KESAH RASUL-RASUL 5:41

Rasul-rasul nohtah Majelis Agama rih tutang hawui kojorih tului Pohotala jari ngohu iro harus ahkan dahpot hinaan kotului Yesus.

RUMA 1:8

Pahtuk-pahtuk nguha Yesus Kristus, ahku monorimakasih ahkan Pohotala tului Konduang-konduang paringoh; tului sohopus kolunon jari ngonih ijo ihkam porocaya samasino umba Kristus.

1 KORINTUS 1:4

Ahku toturus botorimakasih ahkan Pohotala tohou ihkam, bain ihkam ius norima pononganasi tahkan Pohotala nguha Kristus Yesus.

1 KORINTUS 15:24

Uliorih nyolung kiamat. Aang ohkot rih Kristus ahkan ngominda karon pomoretah, karon kowasa, tutang karon koba'as; turus Io ahkan nyorah kowasa-Oh kolou Lahca, ahkan Pohotala, Amai ihto.

EPESUS 5:4

Eam ka'a pahtut ahkan'mu ngohawot tuhtui-tuhtui ijo kojilok, ijo kihal, tutang ijo eam pantas. Sobalikoh hondakrih ihkam ngohawot torimakasih ahkan Pohotala.

PILIPI 1:3

Nyinong tikat ahku ingat umba ihkam, ahku ngohawot torimakasih ahkan Pohotala.

PILIPI 4:6

Ara kowatir tohou inon ka'a. A'ang kokaro hal, bodo'a tutang nyapai sawot'kam ahkan Pohotala. Inon ijo ihkam kani, sumanorih toturus ahkan Pohotala hawui ngohawot torimakasih.

KOLOSE 3:17

Kokaro inon ijo ihkam nguaioh ata'ai nuhtuioh, harus rih tonguan tutang tonuhtui ngosan aran Tuhan Yesus. Botorimakasih ahkan Pohotala, Amai, ahkan inon ijo tonguan Yesus bagi'kam.

1 TESALONIKA 3:9

Eaminon hajooh torimakasih ihkai umba Pohotala ngosan paring kojorih ijo ihkai nyuruoh ang toharep-Oh, kotului ihkam.

1 TESALONIKA 5:18

Aang kokaro koada'an, hondakrih ihkam norimakasih, kotului orihrih ijo Pohotala jolik tahkan ihkam, kolou ulun ijo bolum hihco umba Kristus Yesus.

2 TESALONIKA 1:3

Konduang-konduang, ihkai toturus pahtut ngohawot torimakasih ahkan Pohotala kotului ihkam. Tutang puna kopahtutoh ihkai nguan kodorih, kotului ihkam mahi-mahi porocaya umba Kristus tutang ihkam mahi ngasi ihco umba ijobohkon.

2 TESALONIKA 2:13

Konduang-konduang ijo tonokasih Tuhan! Toturus ihkai harus, ngohawot torimakasih ahkan Pohotala tohou ihkam, tului tahkan pahtuk-Oh Pohotala, jari mitih ihkam ahkan tonyolamat. Hal orih rih nyolung bain inon ijo tonguan Roh Pohotala ang ihkam, ahkan ngonjorian ihkam ukup Pohotala ijo borasih, tutang bain kotului ihkam porocaya umba Kabar ijo morong tahkan Pohotala.

IBRANI 13:15

Kotului rih, honong poholat Yesus, hondakrih ihto toturus monyanyi tara ahkan Pohotala; orih samakolou porahpah torimakasih ihto ahkai-Oh, ijo ihto monyorah nguha auh biwih ahkan mohoromat arai-Oh.

1 PETRUS 2:5

Ihkam kolou bahtu-bahtu ijo bolum. Kobain orih hondakrih, ihkam kani tonohapa bagi pangun Lohpou Pohotala ijo rohani. Honong kolourih ihkam monjadi imam-imam, ijo bolum khusus bagi Pohotala, tutang ijo nguha Yesus Kristus, moposorah ahkan Pohotala, porahpah rohani ijo kokilak ang ahtoi Pohotala.

1 PETRUS 4:11

Ulun ijo monyiar borihta, harusrih monyiar borihta tahkan Pohotala, ulun ijo mohalu ulun bohkon, harusrih mohalu umba koba'as ijo tahkan Pohotala, mangat a'ang kokaro hal, Pohotala dahpot ponohajo nguha Yesus Kristus. Iorih ijo bokowasa tutang harus ponohajo ahkan turus-jahamoh. Amen.