EPESUS 5:14 - BOWOT BOHUA

¹⁴ Bain paring ijo dahpot tonopahjah hawui torang, anairih koloang. Orih kotuluioh tonuhtui, ‘‘Monyun O ihko ijo ngarok, tutang kuat tahkan popahtoi! Kristus ahkan mopoloang ngosan'kam.’’

EPESUS 5:14 ပူးပေါင်းရင်းမြစ်များ

LUKAS 1:78

Tuhan ihto bolomu ahtoi hawui ponyayang; gunan monyolamat ihto Io lombut. Kolou mahtanondou lombut ang ngohkos ondou,

LUKAS 15:24

Tului anak'ku tuh jari mahtoi, huntuh bolum huli; io ijo nihou, huntuh tosombang huli.’ Turus nopara iro bopesta.

YOHANES 8:12

Yesus bopander hino umba ulun aro rih, hioi-Oh, ‘‘Ahku tuh koloang kolunon. Ulun ijo nutut Ahku eam ahkan nyalan aang kopindong, tahpi anaitepun koloang pombolum.’’

YOHANES 9:5

Kotahin Ahku ang kolunon tuh, Ahku rih koloang kolunon.’’

KESAH RASUL-RASUL 13:47

Tului tuhrih poretah Tuhan ahkan ihkai. Tuhan nuhtui, ‘Ahku jari ngahtuh ihkam monjadi ihco koloang ahkan ulun-ulun uhtus bohkon ijo eam Yahudi, mangat ihkam mopolombut solamat ahkan paring kolunon.’ ’’

RUMA 6:13

A'airih ka'a Konduang nyorahoh ramun behtin'kam ahkan kowasa dusa, ahkan tohapaoh bagi konohuang-konohuang ijo ja'at. Tahpi nyorahoh rih arop'kam ahkan Pohotala monjadi ulun ijo jari hahtun tahkan popahtoi, nokuh pombolum. Nyorahoh arop'kam pari-paring ahkan Pohotala, mangat hapaioh ahkan nguanoh kohondak Pohotala.

1 KORINTUS 15:34

Borondongrih uhuntuh, tutang a'ai hino nguan dusa. Kopantasoh ihkam harus mia, ijo ang louk ihkam anai ijo jaha kosono Pohotala.

2 KORINTUS 4:6

Pohotala ijo nuhtui, ‘‘Kohondakoh tahkan luwang kopindong lombut koloang,’’ Pohotala orihrih ka'a ijo polombut koloang rih ang luwang ahtoi ihto, mangat tirukihtung ihto monjadi boloang tutang duon ngosono korolondang Pohotala ijo monyingah aang boun Kristus.

EPESUS 2:1

Lomoi ihkam mahtoi socara rohani tului ihkam bodusa tutang noturung poretah-poretah Pohotala.

EPESUS 2:5

nyiring ang ohkot ihto magun mahtoi socara rohani kotului koturung-koturung ihto, Io mombolum ihto hoduli hombo-homboh umba Kristus. Jadi tihkasrih kotului kopiosoh ahtoi Pohotala, ihkam tonyolamat kobaiu-Oh.

KOLOSE 3:1

Ihkam jari tonombolumoh hoduli hombo-homboh umba Kristus. Bain orih harus ihkam bousaha ahkan ngondahpot hal-hal ijo ang soruga, ang amoh Kristus moretah hihco umba Pohotala.

1 TESALONIKA 5:6

Tului rih ihto eam tou tiru-tiruh iou kolou ulun bohkon. Ihto harus bosodia tutang tiruk ihto harus boloang.

2 TIMOTEUS 1:10

Tutang huntuh Pohotala ngorinah pononganasi-Oh rih ahkan ihto, umba polombut Lahca Ponyolamat ihto Kristus Yesus. Yesus ijo mongalah kowasan popahtoi tutang ngomin pombolum ijo abadi nguha Kabar Hinut rih.

2 TIMOTEUS 2:26

Honong kodorih iro monjadi borondong hoduli, tutang liwus tahkan sokohtung Sehtan, ijo jari nawan iro, tutang maksa iro numbun konohuangoh.