EPESUS 4:31 - BOWOT BOHUA

³¹ Dianohrih karon anyam koporos ahtoi, dondam tutang kosingi. A'ai hino bokociak-ciak tutang mongajea-jea. Ara hino anai anyam hiri ata'ai anyam bohkon ijo sama mahcam orih.

EPESUS 4:31 ပူးပေါင်းရင်းမြစ်များ

KESAH RASUL-RASUL 21:30

Soup lowu monjadi boho-bombo tutang paring ulun nokoru puhpu-puhpung. Iro nawan Paulus tutang nunda io soluka tahkan Lohpou Tuhan. Ohkot rih ka'a bauntukang Lohpou Tuhan konahtop.

RUMA 3:14

Baun'ndo tuwi umba kutuk-kunuk hawui kohiri.

1 KORINTUS 14:20

Konduang-konduang! Ara niruk kolou anak-inyam. A'ang hal koja'at, hondakrih ihkam tehtep kolou anak-inyam. Tahpi a'ang tiruk hondakrih ihkam monjadi ulun ijo oko.

1 KORINTUS 5:8

Jadi, olai ihto moporami pesta ihto rih, umba ruhte ijo boragi, iorih luhte ijo nindung koborasih tutang paringoh ijo kojorih ang ahtoi Pohotala. A'ai ihto moporami pesta Paska orih umba ruhte ijo hewui ragi ijo usang, iorih ragi dusa tutang koja'atoh.

2 KORINTUS 12:20

Ahku kowatir ijo aang ohkot ahku masap ihkam noin, ahku nyombang ihkam eam kolou inon ijo ahku harapoh, tutang ihkam ka ahkan nyombang ahku eam kolou ijo ihkam harapoh. Ara-ara noin anai ijo hokolahi, hiri ahtoi, bolasut ahtoi, gunan ahkai bongoi, pinah-mopitnah, hasut-mohasut, bojuhu tutang monderoh.

GALATIA 5:20

aang nyembah songiangdewa tutang koruhoi, a'ang bomusuh-musuh, hokolahi, hokobohu, jeleng bosingi, tutang kogunan aropoh bongoi; kopusit tutang bopihak-pihak,

EPESUS 4:22

Kotului orih molokakohrih ko-ulun hounumba pola pombolum lomoi, ijo rahat tonorusak bain kojolik-kojolikoh ijo monyosat.

EPESUS 4:25

Tului orih Konduang-konduang paringoh, ara hino bobalik. Nguanrih kobujur, ijo ihco umba ijo bohkonoh, kobain ihto paringoh anairih sama-sama ramun behtin Kristus.

EPESUS 4:26

Amat ihkam sangit, ararih mohonou kosangit rih, kotuluioh ihkam bodusa. A'airih bosingi sohopus ondou,

KOLOSE 3:19

Konduang-konduang ijo monjadi bosai! Ngasi-nyayang oruh'mu. A'ai kasar toharep iro.

KOLOSE 3:8

Tahpi huntuh hondakrih ihkam dian hal-hal ijo ja'at tahkan arop'kam; a'ai hino bosingi, ata'ai ngamuk, ata'ai ngina nanyam bohiri toharep ulun bohkon. Ara samasino nyoluka tahkan nyaman'kam auh-auh cahci mahki, ata'ai auh ijo kojilok.

1 TIMOTEUS 3:11

Oruh iro ka harus ulun ijo hinut, eam ulun ijo jolik mandernohou desas-desus. Iro harus kota'an nahan aropoh tutang jujur a'ang kokaro hal.

1 TIMOTEUS 3:3

ara ulun ijo pombusou, ata'ai ijo rajin hokolahi. Sobalikoh, io harus bolemu lembai tutang jolik ahkan kobuah. Io eam tou mahta duitan.

1 TIMOTEUS 5:13

Mahihino iro jari ponihou kotihka, tutang soluka nyolong lohpou ulun. Tutang ijo labih ja'at hino, iorih ijo iro bolajar mopitnah aran ulun bohkon, tutang sampur urusan ulun, hawui momander hal-hal ijo eam pahtut tonomander.

2 TIMOTEUS 2:23

A'ai umba a'ang kosomba'anauh ulun-ulun uong ijo eam ta'an ino-inon. Ihko ta'an ijo paring orih tihkas mopolombut kolahiauh.

2 TIMOTEUS 3:3

Iro eam mongasi samaarop, eam rajin nonga apun, iro jolik ngonja'at-ngonja'at aran ulun bohkon, rajin hapa kokarasan, iro kejam, tutang eam ngojolik komorong.

TITUS 1:7

Okon ukup, anai ulun ijo hogoguan gawin Pohotala, io eam tou josala-sala. Io eam tou bojuhu, ata'ai ponyingi, ata'ai pobusou, ata'ai jolik hokolahi, ata'ai jolik mahta duitan.

TITUS 2:3

Kodorih ka'a hondakrih ihko ningak ulun bawi-bawi ijo oko, mangat hadat iro hotohorong umba inon ijo pahtut, bagi ulun ijo bolum khusus ahkan Pohotala. Iro eam tou mopitnah ulun bohkon, tutang eam tou kotagihan ngorih ijo mbusouoh. Iro pahtut majar hal-hal ijo pios,

YAKOBUS 1:19

Nohtoaniohrih tuh pio-pios, Konduang-konduang ijo tonokasih. Nyinong ulun harus bojoin ahkan ngonih, tahpi borakah ahkan nuhtui, tutang borakah ahkan bosingi.

YAKOBUS 3:14

Tahpi amat ihkam ngobohu, poros ahtoi, tutang ngohu arop bongon, a'airih namam kopihtar arop rih, kotului umba orih ihkam mutarbalik borihta ijo morong tahkan Pohotala.

YAKOBUS 4:11

Konduang-konduang, ara saling moncela ata'ai monosalan. Ulun ijo moncela ata'ai nosalan konduangoh ijo sama-sama Kristen, io moncela ata'ai nosalan hukum Pohotala. Tutang amat ihkam nosalan hukum Pohotala, orih rimai ihkam eam numbun hukum-hukum rih, molekan monjadi hakimoh.

1 PETRUS 2:1

Kotului orih, dianrih tahkan arop'mu kokaro ang ja'at; ara hino hobalik, tutang ara bopura-pura. Ara bohiri ahtoi, tutang ara mohina ulun bohkon.

1 YOHANES 3:12

Ara ihto kolou Kain, ijo monjadi anak Sehtan tutang munu konduangoh bongoi. Inon kotuluioh Kain munu konduangoh rih? Bain hal-hal ijo konuaioh anairih sala, tahpi hal-hal ijo konuan konduangoh anairih morong.

1 YOHANES 3:15

Ulun ijo bosingi konduangoh, ulun rih pomunu, tutang ihkam ta'an, amat ihcobehti pomunu eam norima pombolum sojahti tutang turus-jahamoh.

PONGORINAH 12:10

Turus ahku ngonih auh ijo muhing ang soruga nuhtui, ‘‘Uhuntuh ohkotoh Pohotala monyolamat ukup-Oh! Uhuntuh Pohotala ngorinah kowasai-Oh kolou Lahca! Uhuntuh Lahca Ponyolamat ijo tonobowot rih, ka'a ngorinah, kowasa-Oh! Tului ijo mondawa konduang-konduang ihto ang toharep Pohotala hondou tutang ngolomi, jari tonyoluka tahkan soruga.