EPESUS 4:25 - BOWOT BOHUA

²⁵ Tului orih Konduang-konduang paringoh, ara hino bobalik. Nguanrih kobujur, ijo ihco umba ijo bohkonoh, kobain ihto paringoh anairih sama-sama ramun behtin Kristus.

EPESUS 4:25 ပူးပေါင်းရင်းမြစ်များ

KOLOSE 3:9

Ara mobula ihco umba ijo bohkon, kotului pombolum ijo lomoi umba kokaro sipat-Oh ius ihkam molohkakoh.

RUMA 12:5

Kodorih ka'a umba ihto. Oluka ihto paringoh aro, tahpi ihto kolou ihco kobehti tului ihto hihco a'ang Kristus. Tutang ihto nyino-nyinong hosambung ihco umba ijo bohkon kolou ramun-ramun tahkan ihco behti.

EPESUS 4:15

Eam! Sobalikoh ihto harus ngorinah hal-hal ijo morong, umba ahtoi ijo tuwi pongasih, nyiring a'ang kokaro hal ihto mahi tahi mahi monjadi soporuna, kolou Kristus, ijo monjadi kopala ihto.

PONGORINAH 21:8

Tahpi ulun ijo pomihkoh, pondoruhaka, ulun bejad, pomunu, ulun ponyundal, ulun ijo hapa ilmu-ilmu gaib, ponyembah songiangdewa, tutang paring pabula, ahkan tonondian nokuh luwang tasik baho tutang sondawa ijo honyelak-honjelou, yorih popahtoi ijo ambal duo.’’

TITUS 1:2

Ajaran rih hogalang koharap, ijo ihto ahkan norima pombolum sojahti, tutang kototahiu. Pohotala jari mbowotoh pombolum rih hounumba pahtuk jaman – tutang Pohotala eam pu'u bobalik.

1 TIMOTEUS 4:2

ijo tonyiar nguha ulun-ulun monapik ijo ngobula. Ahtoi homboruan ulun-ulun orih rih jari pindong.

PONGORINAH 22:15

Tahpi ulun-ulun ijo jari nguan hal-hal ijo kojilok, ijo hapa ilmu-ilmu gaib, ulun-ulun rih ijo nguan gawiu-gawiu ijo nyundal, ijo munu, ijo nyembah songiangdewa, tutang ulun-ulun ijo ngobalik, pios umba auh-auh, oluka umba gawiu-gawiu, paring ulun rih unukoh ang luar lowu rih.

1 TIMOTEUS 1:10

toharep ulun-ulun kihal, bahkas ngoruh bahkas, ponahput, pobula, monjadi saksi-saksi alik, tutang inon iou ijo nguan hal-hal ijo hokolawan umba ajaran ijo morong.

2 KORINTUS 7:14

Ahku puna jari kotama-tamam ihkam ahkaioh. Torimakasihrih, ihkam eam mopomia ahku. Paring ijo pu'u ihkai nuhtui ahkan'kam anairih morong. Kodorih ka'a, inon ijo ihkai nama-namamoh tohou ihkam ahkan Titus korinah morong hino.

TITUS 1:12

Pu'u ihcobehti nabi iro bongon, ijo asaroh tahkan Kreta ka'a, nuhtui, ‘‘Ulun-ulun Kreta toturus pobalik tutang kolou ohcin bosiak ijo bobongo tutang kodian.’’

1 KORINTUS 10:17

Bain kotuluioh tihkas anai ihco ruhte, tutang ihto paringoh kuman, tahkan ruhte ijo ihco rih ka'a, mahka ihto ijo aro tuh, monjadi ihco kobereng.

YOHANES 8:44

Sehtanrih amai'kam, tutang ihkam kani numbun konohuang amai'kam. Tahkan topahtukoh sehtan rih pomunu. Io eam pu'u umbabarih komorong, tului eam aro komorong a'ang io. Amat io bobalik orih pahtut, tului puna kolourih sipatoh. Io bobalik tutang puna asar kokaro alik.

EPESUS 5:30

Ito kota'an rih, tului ihto anai ramun-ramun behtin Kristus.)

EPESUS 4:22

Kotului orih molokakohrih ko-ulun hounumba pola pombolum lomoi, ijo rahat tonorusak bain kojolik-kojolikoh ijo monyosat.

EPESUS 4:31

Dianohrih karon anyam koporos ahtoi, dondam tutang kosingi. A'ai hino bokociak-ciak tutang mongajea-jea. Ara hino anai anyam hiri ata'ai anyam bohkon ijo sama mahcam orih.

KOLOSE 3:8

Tahpi huntuh hondakrih ihkam dian hal-hal ijo ja'at tahkan arop'kam; a'ai hino bosingi, ata'ai ngamuk, ata'ai ngina nanyam bohiri toharep ulun bohkon. Ara samasino nyoluka tahkan nyaman'kam auh-auh cahci mahki, ata'ai auh ijo kojilok.

IBRANI 12:1

Nah, tohou ihto bongon, ang kodiling ihto anai aro sino saksi! Tului orih, olai ihto dian paring ijo ngombahat ihto, tutang dusa ijo turus lehket aang ihto. Tutang olai ihto honong bokehtep nyuru kosolanja ijo anai ang toharep ihto.

YAKOBUS 1:21

Tului rih, dianrih nyinong kopahtuh ijo kojilok tutang ja'at. Torimarih umba randah ahtoi auh ijo tonombolam bain Pohotala ang luwang ahtoi'mu, kotului auh rih anaingina koba'as ahkan nyolamat ihkam.

1 PETRUS 2:1

Kotului orih, dianrih tahkan arop'mu kokaro ang ja'at; ara hino hobalik, tutang ara bopura-pura. Ara bohiri ahtoi, tutang ara mohina ulun bohkon.