EPESUS 4:18 - BOWOT BOHUA

¹⁸ Tiruk iro jari pindong. Iro eam ngosono pombolum ijo tononga bain Pohotala, tului iro samasino eam anaingina pongotaan ino-inon tohou Pohotala. Iro kodorih, tului mahang kuhungoh.

EPESUS 4:18 ပူးပေါင်းရင်းမြစ်များ

MATEUS 13:15

Tului tiruk ulun-ulun tuh ius monjadi tapak, tolingan iro ius monjadi borengen tutang mahtan iro jari tongomihcop. Orih nyalung, mangat mahtan iro ara nopahjah, tolingan iro ara ngonih, tiruk iro ara horahti, tutang ara hoduli ahkak-Ku, turus Ahku ngopios iro.’ ”

MARKUS 3:5

Honong kosangitoh Yesus nohto hoponyila Io, tahpi Io porosahtoi ka'a, tului iro dalou mahang ahtoi'ndo. Turus Io nuhtui umba ulun rih, ‘‘Nuhcu longon'mu.’’ Ulun rih nuhcu longoioh ka tutang longoi pios.

YOHANES 12:40

‘Ahku ngombulenoh mahtan iro, nguan iro mahang ahtoi; mangat mahtan iro ara nohto, tiruk iro ara solembang. Mangat iro ara hoduli nokuh Ahku, turus Ahku ngopios iro.’ ’’

KESAH RASUL-RASUL 17:30

Wayah kobureng ihto rih jari nolingou bain Pohotala, tahpi huntuh Io nyuhu paring ulun ang hopus kolunon hubah tahkan dusa-dusan iro.

KESAH RASUL-RASUL 3:17

Konduang-konduang! Huntuh ahku kota'an ijo inon ijo ihkam tutang okon-okon'kam nguaioh toharep Yesus, orih ihkam nguaioh, tului ihkam eam kota'an inon ijo ihkam rahat nguai.

RUMA 1:28

Bain tului ulun eam komo porulu ngosono Pohotala, mahka Pohotala mohonau tiruk'ndo monjadi rusak, nyiring iro nguanoh hal-hal ijo iro eam tou nguaioh.

RUMA 11:25

Konduang-konduang! Ahku harap ihkam, ara komo jari kosono kokaro-karoioh. Tului anai ihco hal ijo konohuang bain Pohotala, tahpi ijo jaha ngota'an ulun. Tutang ahku kani ihkam ngota'an yorih tuh: Ihco kobagi tahkan ulun Yahudi mahang ahtoioh, tahpi sikap iro rih, ahkan toturus tihkas johcok jombalah ulun-ulun bohkon Yahudi ijo lombut ahkan Pohotala jari sukup.

RUMA 11:7

Jadi, koloukuwoh? Ukup Israel eam ngonduon, inon ijo konurah. Ijo ngonduoioh tihkasrih bagian koik ulun-ulun ijo jari ponitih bain Pohotala. Ijo bohkon paringoh mahang kuhungoh toharep pona'ah Pohotala.

RUMA 2:19

Konduang yakin ijo Konduang anai okon ulun bobulen tutang koloang bagi iro ijo mohcon ang luwang kopindong.

1 KORINTUS 1:21

Kotului koloukuwoh ka kopihtaroh kolunon, io eam dahpot kosono Pohotala nguha kopihtaroh bongoi. Tahpi justru kobain Pohotala pihtar, mahka Io nohuang nyolamat ulun-ulun ijo porocaya umba Io, nguha borihta ijo ihkai nyiaroh ijo tongohu auh alik kobain kolunon.

1 KORINTUS 2:8

Eam ihcobehti ka tahkan pongowasa-pongowasa jaman tuh, ijo ngota'an tohou kopihtar rih. Kotului, jakaoh iro jari mongota'aioh, tontu iro eam ahkan nyopolahki Tuhan ihco tonohoromat rih.

2 KORINTUS 3:14

Tiruk iro jari totutup. Tutang nyiring ang ondou tuh ka tirukihtung iro magun totutup umba sondurung ang ohkot iro mbasa surat-surat tohou bowot ijo tahi rih. Sondurung rih tihkas duon tokuop amat ulun hihco umba Kristus.

2 KORINTUS 4:4

Hotala ja'at ijo ngowasa kolunon tuh, nuhtup tiruk ulun-ulun ijo eam porocaya rih. Iorih ijo ngapeng-ngahana iro, mangat iro eam nohto koloang tahkan Kabar Hinut rih, tohou kohajon Kristus ijo hosuhtu gambar Pohotala.

GALATIA 4:8

Lomoi ihkam eam kosono Pohotala, orih kotuluioh ihkam monjadi jihpon tahkan kowasa-kowasa ijo ihkam ngohu kolou pohotala, tahpi kotu'uioh bohkon Pohotala samasino.

EPESUS 2:1

Lomoi ihkam mahtoi socara rohani tului ihkam bodusa tutang noturung poretah-poretah Pohotala.

EPESUS 2:12

Aang ohkot rih ihkam eam hihco umba Kristus; ihkam anairih ulun bohkonuhtus, ijo eam tosolong ukupjolahan konopili Pohotala. Ihkam eam nyolong a'ang pohtong bowot ijo tonapa Pohotala umba ukup-Oh. Ihkam bolum luwang kolunon tuh, eamanai harapan tutang eamanai Pohotala.

KOLOSE 1:21

Lomoi ihkam mahcu tahkan Pohotala. Ihkam momusuh Io, kotului hadatdasar tutang tiruk'kam ijo ja'at.

1 TESALONIKA 4:5

Ara bolum nutut kojolik, jolikbolai toharep oruh'kam, kolou ijo konuan bain ulun-ulun ijo eam kosono Pohotala.

IBRANI 5:2

Imam hajo rih bongoi bolomu a'ang karo hal, tutang kotului orih io tou nguan kolomu lembai, toharep ulun-ulun ijo eam ta'an ino-inon, tutang ijo sosat jalaioh.

IBRANI 9:7

Ijo nyolong nokuh hila paling luwang tahkan kemah rih, tihkas imam hajo iou. Io molalus rih baya sinotikat ihco toun. Orih tonguaioh, hawui ngomin daha ahkan tonyorahoh, ahkan Pohotala, tului aropoh bongoi, tutang tului dusa-dusa ijo tonguan eam sadar bain ukup-Oh.

YAKOBUS 4:4

Ihkam anairih ulun ijo eam tehtep! Kota'anrih ihkam, ijo amat ihkam hopahkat umba kolunon, mahka ihkam monjadi musuh Pohotala? Jadi dolangiai kani monjadi sobat kolunon tuh, io ngonjodian aropoh musuh Pohotala.

1 PETRUS 1:14

Te'etiou umba Pohotala, tutang ara bolum numbun konohuang'mu ijo houn, aang ohkot ihkam magun jaha kosono Pohotala.

1 YOHANES 2:11

Tahpi ulun ijo bosingi konduangoh mohcon luwang kopindong. Io nyalan luwang kopindong tutang eam ta'an nokuh umoh io tulak, kotului kopindong rih nguan io eam dahpot nohto.