EPESUS 4:14 - BOWOT BOHUA

¹⁴ Mahka ihto eam monjadi anak-inyam hino ijo kuhtang-kitui tutang hanyu-hanyut konomin ko-anan-ko-ohtoi bain rohusan mahca-mahcam ajar tahkan ulun-ulun ijo lihcik. Iro nyosat ulun umba tihpu muslihat iro.

EPESUS 4:14 ပူးပေါင်းရင်းမြစ်များ

MATEUS 11:7

Uliorih soruhan-soruhan Yohanes rih tulak buli. Yesus nopara mander ahkan ulun aro tohou Yohanes, hioi-Oh, “Ihkam tulak nokuh padang bolambah ahkan nohto inon? Bahtang poring ijo tonahpi bahiu?

MATEUS 24:11

Aro nabi-nabi pobula ahkan lombut, tutang ngobula aro ulun.

MATEUS 24:24

Bain ahkan lombut ponyolamat pobula tutang nabi-nabi pobula. Iro ahkan nguan gawi-gawiu ijo luar biasa, tutang tandahelan-tandahelan ahkan mobula, amat touduon, taput uhkup ain Pohotala ka'a.

KESAH RASUL-RASUL 23:21

Tahpi ararih Tuan numbun konohuang'ndo, tului anai labih tahkan ohpat pulu behti ijo rahat mosuhuk ahkan ngipa io ang jalan. Iro paringoh jari nulut-aropoh eam ahkan kuman ngorih, amat iro jaha munu Paulus. Uhuntuh ka iro jari sodia mohcon ngindoi auh putah Tuan ih.’’

1 KORINTUS 12:2

Ingatlah ijo ang ohkot ihkam jaha kosono Tuhan, ihkam topongaruh ahkan umba nyembah dewa ijo bisu.

1 KORINTUS 14:20

Konduang-konduang! Ara niruk kolou anak-inyam. A'ang hal koja'at, hondakrih ihkam tehtep kolou anak-inyam. Tahpi a'ang tiruk hondakrih ihkam monjadi ulun ijo oko.

1 KORINTUS 3:19

Kotului ijo ngohu aropoh horahti kobain kolunon, orih rih kouong ang toharep Pohotala. Aang Surat Borasih tonyurat, ‘‘Pohotala nyokohtung ulun-ulun horahti aang koahpik iro bongoi.’’

2 KORINTUS 2:17

Ihkai eam kolou aro ulun mohapan borihta tahkan Pohotala monjadi ramun dagang iou. Tihtun-tihtun ihkai anai borasih, tului ihkai tonyuhu bain Pohotala. Tutang Pohotala bongoi nopahjah, ijo ihkai monyiaroh borihta orih, kolou pohalu-pohalu Kristus.

2 KORINTUS 4:2

Ihkai eam hapa cara-cara kopindong ijo ngomia. Ihkai eam kani bogawi honong lihcik, ata'ai ngobulak-balik tihtunauh Pohotala. Ihkai mohalu Pohotala umba ahtoi ijo borasih numbun kohondak-Oh. Tului orih, ihkai harapoh paring ulun monilai ihkai honong pios ang luwang ahtoi buaoh.

GALATIA 3:1

Konduang-konduang ulun-ulun Galatia! Ihkam kotu'ui uong! Inonrih ihkam jari kona pongaroh iai? Pompahtoi Kristus ang sopolahki jari ahku monarangoh hawui botarang-tu'uoh ahkan'kam.

EPESUS 6:11

Hapanih paring pokahkas ijo tononga bain Pohotala ahkan'kam, mangat ihkam dahpot tahan molawan siasat-siasat bokolilit ijo paham tahkan Sehtan.

1 TIMOTEUS 3:6

Ihcobehti pohalu ukup, eam tou ulun ijo bohua iou monjadi Kristen, tului noin io monjadi bojuhu, turus tonulut kolou Sehtan lomoi.

2 TIMOTEUS 1:15

Ihko ta'an ijo paring ulun ang wilayah Asia jari nohtah ahku, kodorih ka'a Pigelus tutang Hermogenes.

2 TIMOTEUS 3:13

rahatoh ulun-ulun ijo ja'at tutang ulun-ulun ponihpu ahkan mahi-mahi ja'at. Iro nihpu ulun bohkon, padahar iro bongoi ka totihpu ka'a.

2 TIMOTEUS 4:3

Tului ahkan johcok ohkotoh, ulun eam hino norima ajaran ijo morong. Tobalikoh, iro ahkan numbun kojolik iro bongoi, tutang mupung aro guru, guna majar hal-hal ijo momih konahan ang tolingan'ndo.

IBRANI 13:9

Ara mohonau kokaro mahcam ajaran ijo helan-helan monyosat ihkam. Ahtoi ihto harus tonomba'as bain kohinut ahtoi Pohotala, orihrih ijo pios; ara bain poroturan-poroturan tohou ukun. Ulun-ulun ijo lomoi monte'et poroturan-poroturan rih eam ngondahpot paedahoh.

YAKOBUS 1:6

Tahpi ulun ijo nyawot, harus porocaya; io eam tou ragu-ragu. Kotului ulun ijo ragu-ragu anairih kolou luhcak ang laut ijo tonahpi bahiou nokuh anan nokuh ohtoi.

YAKOBUS 3:4

Ominrih ka'a kapal kolou sutu. Oluka kapal anairih angihco ijo kolourih kohajoioh, tutang omin bain bahiu ijo paham, tahpika io tongondali bain pohipit ijo paling koik, numbun konohuang tuhkangngomburi.

2 PETRUS 2:18

Iro nguan korinah-korinah ijo tama-tamam tutang buang; bolaiusi ijo nyundal orih hapan bain iro, mangat nombohos ulun-ulun ijo punai iou nopara toliwus tahkan barih ulun ijo bolum lahcat.

1 YOHANES 2:19

Musuh-musuh Kristus rih, anairih ulun-ulun ijo jari nohtah ihto, tului iro kotu'uioh puna eam ulun-ulun ihto. Amat iro ulun-ulun ihto, tontu iro tahtap hihco umba ihto. Tahpi iro nohtah ihto, mangat korinahrih ijo eam ihcobehti ka tahkan iro, ijo tu'u-tu'u barihihto.

1 YOHANES 2:26

Ahku nyurat tuh ahkan'kam, tohou ulun-ulun ijo rahat bousaha monihpu ihkam.

1 YOHANES 4:1

Konduang-konduang ijo tonyita! Ararih porocaya ahkan paring ulun ijo mongahku arop anaingina Roh, Pohotala, tahpi ngujirih houn iro, ahkan mongota'an, inonrih roh ijo anai aang iro rih asar tahkan Pohotala ata'ai eam. Bain aro nabi polasu jari bokumbang nokuh umo-umoh.

YUDAS 1:12

Aang ohkot ihkam napa pesta ukun, hadat ulun-ulun rih mombusou ang marak ihkam. Tului iro kuman hawui kobongo eam aro mia-mia, tutang tihkas kogunan aropoh bongoi. Iro kolou baunondou ijo tonahpi bain bahiu, tahpi eam mosuluh uhjan. Iro ka'a kolou pu'un ijo eam mohasil bua, oluka musim bua-mamua, pu'un-pu'un ijo jari tojawut uhatoh tutang jari mahtoi samasino.

PONGORINAH 19:20

Mahka ohcin rih, totawan homboh umba nabi alik ijo jari nguan tandahelan-tandahelan ang toharep ohcin rih. (Umba tandahelan-tandahelan orihrih ohcin rih, mobalik ulun-ulun ijo anai tanda ohcin rih, tutang ulun-ulun ijo nyembah kopahtung ohcin rih.) Turus ohcin rih tutang nabi alik rih ndian bolu-bolum nokuh tohun tasik baho ijo ngonjelak umba sondawa.