EPESUS 4:13 - BOWOT BOHUA

¹³ Honong kodorih ihto paringoh monjadi ihco, bain koporocaya ijo sama, tutang kohorahti ijo sama tohou Anak Pohotala. Tutang ihto monjadi ulun-ulun ijo dewasa, ijo mahi tahi mahi botambah kosoporuna kolou Kristus.

EPESUS 4:13 ပူးပေါင်းရင်းမြစ်များ

MATEUS 11:27

Turus Yesus nuhtui, “Ko-paring ang'co, jadi tononyorah Amai ahkak-Ku. Eam aro ihcobehti ka kosono Anak, bohkon umba Amai. Eam aro ka'a ijo ngosono Amai bohkon umba Anak, tutang ulun-ulun ahkan iai Anak rih mongosono Amai.

YOHANES 1:16

Io tuwi umba kasih; earo kotondooh, Io mborehkat ihto.

YOHANES 16:3

Iro nguan orih ahkan ihkam, tului iro jaha ngosono Amai kanika Ahku.

YOHANES 17:21

Ahku nyawot, Amai, mangat iro paringoh monjadi ihco, kolou Amai hihco umba Ahku, tutang Ahku hihco umba Amai. Keleh iro monjadi ihco umba Ihto, mangat kolunon porocaya ijo Amai ijo nyuhu Ahku.

YOHANES 17:3

Tuhrih pombolum ijo sojahti tutang turus-jaham; mangat ulun ngosono Amai, puna ihco-ihcooh Pohotala ijo morong, tutang ngosono Yesus Kristus ijo sonuhu bain Amai.

YOHANES 6:69

Ihkai jari porocaya tutang yahkin ijo Tuhanrih soruhan borasih tahkan Pohotala.’’

KESAH RASUL-RASUL 4:32

Paring ulun ijo porocaya rih bolum hihcoahtoi hihcohomboruanoh. Eam aro ihcobehti ka tahkan iro ngohu ijo inon, ijo io tepuioh, anai aiuoh bongoi. Paring aang'co ijo anai aang iro, paring iro hapaoh sama-sama.

1 KORINTUS 1:10

Konduang-konduang! Ngosan aran Tuhan ihto Yesus Kristus, ahku nyawot mangat ihkam paringoh hihco pahkat puhtar; mangat ara anai kopisah ang louk ihkam. Hondakoh ihkam bulathihco, ihcoahtoi tutang ihcotiruk.

1 KORINTUS 14:20

Konduang-konduang! Ara niruk kolou anak-inyam. A'ang hal koja'at, hondakrih ihkam tehtep kolou anak-inyam. Tahpi a'ang tiruk hondakrih ihkam monjadi ulun ijo oko.

1 KORINTUS 2:6

Oluka kodorih ang louk ulun-ulun ijo pombolum rohanioh jari botuo, ahku puna pander tohou kopihtar. Tahpi kopihtar tuh bohkon kopihtaran kolunon, ata'ai kopihtaran dolang pongowasaoh jaman tuh, ijo kowasaioh ahkan dilap.

2 KORINTUS 4:6

Pohotala ijo nuhtui, ‘‘Kohondakoh tahkan luwang kopindong lombut koloang,’’ Pohotala orihrih ka'a ijo polombut koloang rih ang luwang ahtoi ihto, mangat tirukihtung ihto monjadi boloang tutang duon ngosono korolondang Pohotala ijo monyingah aang boun Kristus.

GALATIA 4:19

Anak-anak'ku ijo tonokasih! Ahku uhuntuh ngarot hino tului ihkam. Ahku ngarot, kolou ihcobehti inai ngarot ang ohkot nganak anakoh. Ahku ahkan hototurus ngarot, amat sipat-sipat Kristus jaha totanom ang arop'mu!

EPESUS 1:17

Ahku nyawot mangat Pohotala, Tuhan ihto Yesus Kristus, Amai ijo tonohoromat nonga Roh-Oh ahkan'kam. Roh orih ahkan monjadian ihkam pitar, tutang ahkan mongorinah Pohotala ahkan'kam, nyiring ihkam ngosono Io.

EPESUS 1:23

Ukup anai behtin Kristus, tonyoporuna bain Io ijo nyoporuna kokaron aangco ang amoh ka ka'a.

EPESUS 2:15

Hukum agama Yahudi hawui poretah-poretah tutang aturan-aturan-Oh jari tongudap bain Kristus, mangat duo uhtus rih monjadi ihco uhtus kolunon bohua, ijo hihco umba Io. Umba cara orihrih Kristus ngonjorian kobuah.

EPESUS 4:12

Tuh tononguai-Oh mangat ukup Pohotala tonyukup paringoh mangat dahpot mohalu Tuhan, tutang mangun bereng Kristus.

EPESUS 4:3

Bousaha tu'u-tu'u ahkan bolum honong kobuah, mangat kohihco ijo tona'oi bain Roh Pohotala tohtap tonojaga.

EPESUS 4:5

Tihkas anai ihco Tuhan, ihco koporocaya, ihco pompandus,

PILIPI 3:10

Ihco-ihcooh ijo ahku jolikrih, iorih mangat ahku kosono Kristus, tutang nyuru kowasa ijo mbolum Io tahkan popahtoi. Ahku jolik umba karot homboh Io, tutang monjadi sama kolou Io aang popahtoi-Oh.

PILIPI 3:8

Eam baya hal-hal orihrih; tahpi malah hal-hal ijo ahku ngohuoh kolou hal-hal ijo baya morugi iou. Ijo ahku tepui huntuh anairih labih borega, yorih kosono Yesus Kristus, Tuhan'ku. Kotului Kristus, mahka ahku jari molohkakoh paring-paringoh. Ahku ngohu paringoh rih, kolou puhuk iou, mangat ahku tou ngondahpot Kristus,

KOLOSE 1:28

Kristus orihrih ijo ihkai mborihtaoh ahkan nyinong ulun. Ihkai mepingatoh tutang majar iro paringoh umba kokaro kopihtar. Titun ihkai iorih, mangat nyinong ulun dahpot tongitot ahkan Pohotala, kolou ulun ijo oko a'ang hal-hal rohani, kotului jari hihco umba Kristus.

KOLOSE 2:2

Paringoh tuh ahku nguaioh, mangat ahtoi iro monjadi ba'as tutang iro saling mongasih, nyiring iro lehket hihco. Umba kodorih iro tu'u-tu'u horahti tutang yahkin hawui ngosono rahasia Pohotala, yorih Kristus bongoi.

IBRANI 5:14

Ukun ijo mahang tohko ahkan ulun oko, ijo tului pongalaman jari dahpot ngobohkon-bohkon umoh ijo pios tutang umoh ijo ja'at.

2 PETRUS 1:4

Umba cara orihrih Pohotala monyarah ahkan ihto, borehkat-borehkat ijo paham luar biasa, tutang borega ijo jari tonobowot-Oh. Umba borehkat-borehkat rih ihkam duon tokuwat tahkan kojolik-kojolik ja'at, ijo morusak ang kolunon tuh, tutang ihkam norima sipat Pohotalai.

2 PETRUS 3:18

Hondakrih ihkam mahi-mahi anai nginyam pononganasin Yesus Kristus, Tuhan tutang Lahca Ponyolamat ihto, tutang hondakrih ihkam ka'a mahi-mahi kosono Io. Tararih Io, tahkan huntuh tutang nyiring turus-jahamoh! Amen. Horomat ihkai, Petrus

1 YOHANES 5:20

Ihto ta'an ijo Anak Pohotala jari lombut, tutang jari nongaoh kohorahti ahkan ihto, mangat ihto kosono Pohotala ijo morong. Ihto bolum hihco umba Pohotala ijo morong, tutang bolum hihco umba Anak-Oh Yesus Kristus. Tuhrih Pohotala ijo morong, tutang tuhrih pombolum ijo sojahti tutang kototahiu.