EPESUS 4:12 - BOWOT BOHUA

¹² Tuh tononguai-Oh mangat ukup Pohotala tonyukup paringoh mangat dahpot mohalu Tuhan, tutang mangun bereng Kristus.

EPESUS 4:12 ပူးပေါင်းရင်းမြစ်များ

LUKAS 22:32

Tapi Ahku jari bodo'a ahkan'mu, Simon, ahkan koporocaya'mu ara luntur. Tutang amat ihkam jari huli ahkak-Ku ihko harus ngoba'as konduang-konduang'mu.’’

KESAH RASUL-RASUL 1:17

Yudas anairih anai ihcobehti tahkan ihto, tutang io jari tonopili ka'a ahkan umba bogawi hombo-homboh umba ihto.’’ (

KESAH RASUL-RASUL 11:23

Tutang kotihka Barnabas johcok ang anan, tutang nohto koloukuwoh Pohotala mborehkat ulun-ulun rih, io jorih samasino. Turus io nyawot mangat iro tu'u-tu'u bokehtep umba Tuhan hawui kotuwi ahtoioh.

KESAH RASUL-RASUL 20:24

Tahpi ahku eam poduli umba pombolum'ku tuh, asar ahku duon ngohpah gawi-gawi ijo tomorocaya bain Tuhan Yesus ahkak'ku, tutang asar ahku te'et nyiring ang lain pombolum'ku ahkan mborihta Kabar Hinut rih tohou pononganasi Pohotala.

KESAH RASUL-RASUL 20:28

Hondakrih ihkam monjaga arop tutang monjaga ka'a sohopus ukup ijo jari tonosarah Roh Pohotala ahkan'kam ahkan tonojaga. Tului ihkam jari konahtang monjadi ponuneng ukup rih. Pios ihkam jorih monjaga ukup Pohotala rih kolou sokahtik monjaga tobiri-tobirioh. Tului Pohotala jari ngonjorian ukup rih aiu-Oh bongoi, nguha popahtoi Anak-Oh bongoi.

KESAH RASUL-RASUL 9:31

Mahka ukup-ukup ang hopus Yudea, Galilea tutang Samaria nyolung boranai. Aang pondohop Roh Pohotala, homboh mihkoh umba Tuhan ukup-ukup rih botambah ba'as tutang mondahang aro.

RUMA 12:5

Kodorih ka'a umba ihto. Oluka ihto paringoh aro, tahpi ihto kolou ihco kobehti tului ihto hihco a'ang Kristus. Tutang ihto nyino-nyinong hosambung ihco umba ijo bohkon kolou ramun-ramun tahkan ihco behti.

RUMA 12:7

Ulun ijo tepun pononga mangat dohop ulun bohkon, harus tu'u-tu'u dohop ulun bohkon. Ulun ijo anai tepun pononga ahkan pongajar harus tu'u-tu'u majar.

RUMA 14:19

Tului orih titun ihto harusrih toturus ahkan hal-hal ijo ngonjorian kobuah tutang saling nguanang.

RUMA 15:14

Konduang-konduang! Ahku yahkin ijo anai aro samasino hal ijo pios aang ihko. Ihkam ka ngota'an kokaron paringoh tutang duon majar ihco umba ijobohkon ka'a.

RUMA 15:2

Tombolikoh ihto nyino-nyinong koharusoh monyanang ahtoi sosama konduang ihto ahkan kopiosoh, mangat koyakinanoh botambah ba'as.

RUMA 15:29

Amat ahku lombut nokuh ihkam, pasti ahku lombut umba aro borehkat tahkan Kristus ahkan ihkam.

1 KORINTUS 12:27

Konduang paringoh sama-sama anairih behtin Kristus tutang ihkam nyinong-behti hino anai rih ramui tahkan behti rih.

1 KORINTUS 12:7

Ahkan kopios ihto paringoh, Roh Pohotala bogawi ang nyinong ulun umba cara bongo-bongoi.

1 KORINTUS 14:12

Tohou ihkam bongom, ahku kota'an ihkam jolik samasino dahpot pononga-pononga tahkan Roh Pohotala. Tahpi ijo mombahtang samasino, harusrih ihkam ngurahjalan ahkan hapan kosanggup ijo dohop ukup monjadi miar.

1 KORINTUS 14:14

Kotului amat ahku bodo'a umba basa ijo helan, roh'ku puna bodo'a, tahpi tiruk'ku eam bogawi.

1 KORINTUS 14:26

Jadi, Konduang-konduang, inon rimaioh paringoh rih? Amat ihkam hopuhpung ahkan nyembah Tuhan, anai ijo monyanyi, anai ijo majar, anai ijo mborihta angihco tahkan Pohotala, anai ijo bopander a'ang basa ijo helan, tutang anai ijo monarang inon ijo tonuhtui rih. Tahpi paringoh orih harus nguaioh mangat majar tutang mangat ahkan kopios paringoh.

2 KORINTUS 12:19

Dahpot jadi ihkam ngohu ihkai kotahin tuh, rahat bousaha mbela arop toharep ihkam? Ihkam koliru samasino! Pohotala ngota'an ijo paring ijo ihkai nuhtui orih anairih numbun kohondak Kristus. Tutang paring ijo ihkai nguai anairih ahkan mangun pombolum homboruan'kam.

2 KORINTUS 13:11

Laiuoh, Konduang-konduang, hondakih ihkam jorih tutang ngurahjalan monjadi soporuna. Torima iou karon tingak'ku. Hondakoh ihkam, hihco-ahtoi tutang bolum rukun. Pohotala Ijo Mahapongasi tutang Pongobuah rih ahkan homboh ihkam.

2 KORINTUS 13:9

Ihkai sonang amat ihkai bolomu, tutang ihkam ba'as. Ihkai bodo'a ka'a, mangat ihkam monjadi soporuna.

2 KORINTUS 3:8

tontu gawin bowot ijo bain Roh Pohotala, ang resmioh honong labih ngorolondangsilou hino.

2 KORINTUS 4:1

Ihkai nguan gawi tuh, tului kosayang ahtoi Pohotala. Orih kotuluioh ihkai eam puhtus asa.

2 KORINTUS 5:18

Paringoh rih tonapa bain Pohotala. Nguha Kristus, Pohotala nguan ihto hokopios hoduli umba Io, turus nyuhu ihto mangat ulun-ulun bohkon toudahpot hokopios ka'a umba Pohotala.

2 KORINTUS 6:3

Ihkai eam kani, pohalu ihkai tonosalan. Kotului rih ihkai ngurahjalan eam nonga alasan, ahkan ihcobehti ka ahkan nguan hal rih.

2 KORINTUS 7:1

Konduang-konduang ijo tonokasih! Paring bowot rih tonitu ahkan ihto. Bain kotului orih kohondakoh ihto porasih arop tahkan kokaron ijo ngojilok homboruan behtin ihto. Kohondakoh ihto mihkoh umba Pohotala, mangat ihto tou bolum khusus ahkai-Oh hawui soporuna.

EPESUS 1:23

Ukup anai behtin Kristus, tonyoporuna bain Io ijo nyoporuna kokaron aangco ang amoh ka ka'a.

EPESUS 4:16

Ang pinda totiring-Oh paring ramun behtiu rih tosusun rahpi, tutang saling hotutung bain sambung-sahpanoh nyinong-nyinong. Tutang amat nyino-nyinong ramunbehtiu rih bogawi kolou ijo koharusoh, mahka sohopus behtiu rih ahkan tumbu monjadi dewasa tutang ba'as nguha kasih.

EPESUS 4:29

Amat ihkam pander ara hapa tuhtui-tuhtui ijo ja'at. Hapa iourih tuhtui-tuhtui ijo majar tutang nonga pondohop ahkan ulun bohkon. Tuhtui-tuhtui kolourih ahkan mompolombut komorong ahkan ulun-ulun ijo ngonihoh.

EPESUS 4:4

Tihkas anai ihco bereng tutang ihco Roh. Kodorih ka'a ihkam, tona'ah ahkan ihco koharap ijo sama.

KOLOSE 1:24

Huntuh ahku sanang mongarot ahkan kogunan ihkam. Tului umba kongarot behtik'ku, ahku nyuhkup inon ijo magun harus tongarot bain Kristus ahkan ukup-Oh yorih behtiu-Oh.

KOLOSE 1:28

Kristus orihrih ijo ihkai mborihtaoh ahkan nyinong ulun. Ihkai mepingatoh tutang majar iro paringoh umba kokaro kopihtar. Titun ihkai iorih, mangat nyinong ulun dahpot tongitot ahkan Pohotala, kolou ulun ijo oko a'ang hal-hal rohani, kotului jari hihco umba Kristus.

KOLOSE 4:17

Tutang nyorihta iou ahkan Arkhipus: ‘‘Ngopah karon gawiu ijo tononga ahkan'kam guna mohalu Tuhan.’’

1 TIMOTEUS 1:12

Ahku ngohawot torimakasih ahkan Kristus Yesus Tuhan ihto. Io jari nonga koba'as ahkak'ku ahkan mohalu Io, tutang Io ijo ngohu ahku layak ahkan gawi orih,

2 TIMOTEUS 4:11

Tihkas Lukas ijo mohcon umba ahku. Omin Markus tutang ngomin io homboh ihko, tului io dahpot dohop a'ang gawik'ku.

2 TIMOTEUS 4:5

Oluka kodorih, ihko harus ngowasaoh arop'mu a'ang koada'an koloukuwoh ka. Tabahrih a'ang kokarot lalusrihiou tugas'mu kolou pomborihta Kabar Hinut rih, tutang molalusoh rih honong ko-hinu-hinutoh, kopahtut'mu ahkan mohalu Pohotala.

IBRANI 13:17

Umba rih poretah okon-okon, tutang tunduk umba iro. Kotului iro toturus nohtoani homboruan'kam, tutang iro pahtut nanggung-jawab ahkan Pohotala. Amat ihkam te'et ahkan iro, iro dapot bogawi honong sanang ahtoi; amat eam, mahka iro ahkan bogawi umba poros ahtoi, tutang orih eam nongautung ahkan ihkam.

IBRANI 6:1

Kotului rih, olai ihto miar nokuh polajaran-polajaran ijo labih ombu tohou kookooh pombolum Kristen, tutang ara tihkas nuneng ajas-ajas pahtuk ajaran agaman ihto. Ara ihto nokoluli hino ajaran dasar, ijo ulun harus tondo nguan hal-hal ijo eam boguna, tutang harus porocaya ahkan Pohotala,