EPESUS 4:10 - BOWOT BOHUA

¹⁰ Tutang Io ijo jari nosuluh rih, Iorih ka'a ijo nuhkat johcok nokuh unuk ijo mahcu labih diang, tahkan kokaron langit nyiring sohopus pinda langit bosuang umba koanaipolombut-Oh.

EPESUS 4:10 ပူးပေါင်းရင်းမြစ်များ

MATEUS 24:34

Kota'anrih iou! Hal-hal orih ahkan nyolung, hounumba ulun-ulun ijo bolum huntuh, mahtoi paringoh.

LUKAS 24:44

Uliorih Io nuhtui ahkan'ndo, ‘‘Tuhrih hal-hal ijo jari Ahku manderoh ahkan'kam ohkot Ahku magun hihcoumba ihkam: ijo nyinong hal ijo tonyurat tohou Ahku aang buhku-buhku Museh, tutang nabi-nabi tutang Masmur, harus nyolung.’’

YOHANES 1:16

Io tuwi umba kasih; earo kotondooh, Io mborehkat ihto.

YOHANES 19:24

Sorodadu-sorodadu bohaum sama aropoh, ‘‘Ara ihto nohtok mbagioh jubah tuh. Olai, ihto botenung, ahkan ta'antuhkas iai ihto ijo tuo ngondahpotoh.’’ Hal orih nyolung, mangat monjadi inon ijo tonyurat a'ang Surat Borasih, yorih: ‘‘Iro ahkan hobagi-hobilah hahtik-Ku, tutang botenung ahkan jubah-Ku.’’ Tutang puna sorodadu-sorodadu rih nguan kolouorih.

YOHANES 19:28

Yesus ta'an ijo uhuntuh paringoh jari genep, tutang mangat inon ijo tonyurat a'ang Surat Borasih dahpot nyolung, Io nuhtui, ‘‘Ahku tojahbolai.’’

YOHANES 19:36

Hal orih nyolung, mangat monjadi inon ijo tonyurat aang Surat Borasih, yorih, ‘‘Eam ihco ka tahkan tulang-tulang-Oh ahkan tonopolotoh.’’

KESAH RASUL-RASUL 1:11

‘‘O, ulun-ulun Galilea,’’ hion koduo behti rih, ‘‘ombai ihkam tombok iou ang anan nokara nokuh langit? Yesus ijo ihkam nohto hogahtang nokuh soruga rih ang toharep'kam, ahkan huli hino umba cara orih ka'a, kolou ijo ihkam nohtooh nanai.’’

KESAH RASUL-RASUL 1:9

Uliius Yesus nuhtui kodorih, Io hogahtang nokuh soruga ang toharep iro paring tutang indongondou nuhtup Io tahkan topahjah'ndo.

KESAH RASUL-RASUL 2:33

Io hogahtang nokuh ponuotoh ijo isung tutang ahkai tononga kowasa bain Pohotala, turus norima Roh Pohotala ijo jari tonobowot bain Amai. Tutang ijo ihkam huntuh, tuh ngonih tutang nohto anairih, Roh rih ijo Io nusuhoh ahkan ihkai.

KESAH RASUL-RASUL 3:18

Tutang tului orihrih nyolung ka'a inon ijo jari nuhtui bain Pohotala soun lomoi hopatau nabi-nabi-Oh ijo Lahca Ponyolamat ijo tonobowot rih harus ngarot.

2 KORINTUS 12:2

Ahku ngosono ihcobehti Kristen ijo opat bolas toun ijo soun, tonongahtang nokuh unuk ijo pongoisungoh ang soruga. (Ahku eam ta'an inon behtiu oh moro-morong konahtang ata'ai rih tihkas ihco ponopahjah – Pohotala iou ijo kota'an.)

EPESUS 3:19

ijo umba akal kolunon eam duon tongumang sotimbon-timbon-Oh. Keleh ihkam kosono sitan Kristus rih, nyiring ihkam tuwi umba pombolum Pohotala ijo soporuna.

KOLOSE 1:19

Pohotala bongoirih ijo mongohondakoh, mangat kokaro ang'co ijo tonyombang aang arop Pohotala, tonyombang ka'a honong sukup ang arop Anak-Oh.

KOLOSE 2:9

Kotului paring porobadi Pohotala mohcon ang Kristus, yorih aang kolunoi-Oh.

1 TIMOTEUS 3:16

Eam ihcobehti ka dahpot molawan, eaminon kohajoioh rahasia agaman ihto, Io ngorinah arop a'ang tapan kolunan, tutang tongorinah morong bain Roh Pohotala, hawui gihtan bain dolang molehkat. Borihtaoh uras konahan ang tohun uhtus-uhtus, tutang Io toporocaya ang hopus kolunon tutang konahtang nokuh soruga.

IBRANI 4:14

Orih rih kotuluioh ihto harus botambit tehen aang pongahkuan koporocayan ihto. Kotului ihto anaitepun Imam Hajo ijo hajo, ijo jari nyolong johcok nokuh husuk Pohotala – Iorih Yesus Anak Pohotala.

IBRANI 7:26

Jadi, Yesus orihrih Imam Hajo ijo ihto poruluoh. Io Borasih; aang Io eam dahpot kosalan ata'ai dusa inonka. Io tongobohkon tahkan ulun-ulun ijo bodusa, tutang tongahtangrih nyiring nokuh unuk ijo labih diang tahkan kokaro langit.

IBRANI 8:1

Pu'un tahkan paring pander tuh, iorih: Ihto anai tepun Imam Hajo ijo kolourih, ijo tuot moretah homboh Pohotala Paling Hajo ang soruga.