EPESUS 3:20 - BOWOT BOHUA

²⁰ Umba kowasan Pohotala ijo giat bogawi ang luwang arop ihto. Pohotala dahpot nguan mahcu labih aro, tahkan inon ijo dahpot ihto nyawot ata'ai nirukoh.

EPESUS 3:20 ပူးပေါင်းရင်းမြစ်များ

MATEUS 3:9

A'ai ngohu ihkam dahpot liwus tahkan hukuman tului homauh ijo Abraham anairih tahtu ajuh'kam. Ingat, tahkan bahtu-bahtu tuh ka Pohotala sanggup napa lihit ahkan Abraham!

YOHANES 10:10

Ponahkou lombut tihkas ahkan nahkou, ahkan munu tutang ahkan morusak. Tahpi Ahku lombut mangat ulun dahpot pombolum – ijo molowi-lowi.

RUMA 16:25

Tonotararih ahkan Pohotala! Io bokowasa ngomba'as koporocaya Konduang sorurui umba Kabar Hinut tahkan Pohotala, ijo ahku mborihtaoh tohou Yesus Kristus. Ahku mborihtaoh Kabar orih sorurui umba inon ijo tongorinah bain Pohotala; iorih tohou rancana Pohotala ijo jari boabad-abad kotahiuoh eam tongota'an ulun.

RUMA 4:21

Io porocaya samasino ijo Pohotala duon nguaioh inon ijo jari tonobowot-Oh.

1 KORINTUS 2:9

Tombalikoh, hal rih, anai kolou auh ijo tonyurat aang Surat Borasih, ‘‘Inon ijo eam pu'u tonopahjah ata'ai konahan kobain ulun, tutang eam pu'u hino lombut aang tiruk ulun orih ijo tonahtap Pohotala ahkan ulun-ulun ijo sita Io.’’

2 KORINTUS 9:8

Pohotala bokowasa nonga ahkan ihkam borehkat ijo molowi murai, mangat ihkam toturus anaingina inon ijo ihkam poruluoh; malahan ihkam ahkan labih aro ahkan nguan angpios tutang boamal.

EPESUS 1:19

tutang eaminon kohebatoh Pohotala bogawi homboh kotuwi kowasa ang luwang ihto ijo porocaya. Kowasan Pohotala rih, sama kolou kowasa luar biasa,

EPESUS 3:7

Pohotala nonga ahkak'ku pononga – iotuh gawi – ahkan mborihta Kabar Hinut rih. Ahku norima pononga rih nguha kowasan Pohotala ijo bogawi ang luwang arop'ku.

KOLOSE 1:29

Ahkan monyapai hal rih, ahku bogawi paham. Ahku molawan honong paring koba'asarop ijo tononga Kristus ahkak'ku, tutang ijo bogawi luwang arop'ku hawui kotuwi kowasa.

1 TIMOTEUS 1:14

Tutang ahku malah tonopuhak umba ponongaasi Tuhan ihto. Io nonga ahkak'ku kodahpot ahkan porocaya umba Oh tutang ngasi sosama ulun. Kodahpot orih tononga ahkan ihto paring ijo jari hihco umba Kristus Yesus.

IBRANI 11:19

Abraham yahkin ijo Pohotala sanggup mbolum huli Isaak tahkan popahtoi – jadi tou tonohawot Abraham jari norima huli Isaak tahkan popahtoi.

IBRANI 7:25

Bain kotului rih ahkan turus-jahamoh, Yesus dahpot nyolamat, ulun-ulun ijo lombut, nokuh Pohotala nguha Io, kotului Io bolum turus-jahamoh, ahkan monyapai sawot ahkan Pohotala, bagi ulun-ulun rih.

YAKOBUS 4:12

Padahal tihkas ihco ijo bohak nonga hukum ahkan ulun tutang momuhtus ulun. Iorih Pohotala ijo bokowasa monyolamat tutang morusakoh. Jadi, iairih ihkam, nyiring ihkam kani nosalan sosama kolunon?

2 PETRUS 1:11

Umba kolourih ihkam ahkan tononga hak tuwi ahkan nyolong Kolahca'an ijo kototahiu tahkan Tuhan tutang Lahca Ponyolamat ihto Yesus Kristus.

YUDAS 1:24

Pohotala ijo sanggup mojaga, mangat ihkam ara ngonyahtu, tutang ijo sanggup ngomin ihkam nokuh toharep-Oh ijo tohoromat honong kojorih tutang earo kosalai.