EPESUS 3:12 - BOWOT BOHUA

¹² Honong porocaya umba Kristus tutang kotului hihco umba Io, ihto tononga komorodehka ahkan ngondoni Pohotala honong tuwi koporocayaan.

EPESUS 3:12 ပူးပေါင်းရင်းမြစ်များ

YOHANES 14:6

Yesus mutah, ‘‘AHKU TUH JALAN AHKAN NGOSONO POHOTALA TUTANG NGONDAHPOT POMBOLUM. EAM ARO IHCOBEHTI KA DAHPOT LOMBUT NOKUH AMAI AMAT EAM NOKALOU AHKU.

RUMA 3:22

Ijo Pohotala nonga jalan ahkan ulun hokopios umba Io, tihkas amat ulun porocaya umba Yesus Kristus. Pohotala nguan hal orih ahkan paring ulun ijo porocaya umba Kristus; tului eam aro kobohkoioh.

RUMA 5:2

Bain tului ihto porocaya ahkan Yesus, mahka Io nguapjalanahkan ihto mongenang asin Pohotala tutang honong kasih orihrih ihto bolum huntuh. Tului orih ihto jorih-jorih ahtoi, tului ihto anaitepun koharap, ijo ihto ahkan nginyam kosanang ijo tononga Pohotala.

2 KORINTUS 3:4

Ihkai nuhtui kodorih, tului koyakinan ihkai toharep Pohotala nguha Kristus.

EPESUS 2:18

Umba poholat Kristus ihto paring – pios ulun Yahudi, oluka ulun bohkon Yahudi – kobain Roh Pohotala ijo ihco, dahpot ngondoni Amai.

IBRANI 10:35

Bain kotului orih, ara putus-asa, kotului amat ihkam bokehtep porocaya, mahka anai upah ijo hajo ahkan orih!

IBRANI 3:6

Tahpi Kristus bokehtep kolou Anak, ijo botanggung-jawab ngosan Lohpou Pohotala. Tutang ihto tuhrih Lohpou Pohotala, amat ihto tahtap bosomangat tutang tahtap yakin ahkan ngondahpot inon ijo ihto harapoh.

1 PETRUS 3:18

Kotului Kristus bongoi mahtoi tihkas sino iou, ahkan turus-jahamoh kotului dusan kolunon – ihcobehti ijo eam bosala, mahtoi ahkan ulun ijo bosala. Kristus nguan ohrih rih, mangat Io dahpot nihting ihkam nokuh Pohotala. Io tomunu socara behtiuoh, tahpi tonombolum hoduli socara rohani.

1 YOHANES 2:28

Jadi, anak-anak'ku, tahtaprih bolum hihco umba Kristus, mangat noin ang ohkot Io lombut, ihto noharep Io honong tuwi kohanyi, tutang eam nyuhuk arop tului mia.

1 YOHANES 3:21

Jadi, Konduang-konduang ijo tonyita, amat ahtoi ihto eam nosalan ihto, ihto dahpot noharep Pohotala honong kohanyi.