EPESUS 2:8 - BOWOT BOHUA

^8-9 Pohotala mongasih ihkam, orih kotuluioh Io kani nyolamat ihkam, kotului ihkam porocaya umba Yesus. Kosolamat ihkam rih, eam tahkan bua usaha'kam bongom. Orih anairih ponongan Pohotala. Jadi, eam aro ihcobehti ka ijo dahpot mopojuhu aropoh tohou hal orih.

EPESUS 2:8 ပူးပေါင်းရင်းမြစ်များ

MATEUS 16:17

“Utung sino ihko, Simon anak Yona!” hion Yesus. “Tului eamoh kolunon ijo nyarihta hal rih ahkan'kam, molekan Amai-Ku ijo ang soruga.

MATEUS 20:9

Turus lombut rih ponggawi-ponggawi rih, ijo pongo bogawi, nopara tahkan pukul limo cohit. Iro nyino-nyinongbehti norima ihco duit perak.

MARKUS 16:16

Ulun ijo eam porocaya ahkan tonohukum, tahpi ulun ijo porocaya tutang tonopondus ahkan solamat.

LUKAS 7:50

Tahpi Yesus nuhtui umba ulunbawi rih, ‘‘Tului ihko porocaya umba Ahku, ihko tonyolamat. Tulak rih honong kosanang!’’

YOHANES 3:36

Ulun ijo porocaya ahkan Anak rih ahkan monorima pombolum ijo sojahti tutang kototahiu. Tahpi ulun ijo eam te'et ahkan Anak rih eam ahkan duon pombolum. Io tomohukum Pohotala nyiring kototahiuoh.

YOHANES 4:10

Yesus mutah, ‘‘Jahkaioh ihko kota'an ponongan Pohotala tutang iai ijo nyawot korih umba ihko, musti ihko bongom ijo nyawot danum umba-Oh, tutang Io ahkan nonga ahkan'kam danum bolum.’’

YOHANES 5:24

Tu'u morong auh-auh-Ku tuh: Ulun ijo ngonih auh-auh-Ku, tutang porocaya umba Io ijo nyuhu Ahku, tepun pombolum sojahti tutang kototahiu. Io eam ahkan tonohukum; io jari morodehka tahkan popahtoi tutang dahpot pombolum.

YOHANES 6:35

‘‘AHKU RIH LUHTE IJO NONGA POMBOLUM,’’ hion Yesus umba iro. ‘‘Ulun ijo lombut nokuh Ahku eam ahkan bolo'u hino nyiring kototahiuoh. Tutang ulun ijo porocaya umba Ahku hototurus io eam ahkan tojahbolai hino, nyiring kototahiuoh.

YOHANES 6:37

Paring ulun ijo tononga Amai ahkak-Ku ahkan lombut nokuh Ahku. Ahku eam ahkan nulak iai ka ijo lombut nokuh Ahku.

YOHANES 6:40

Puna tuhrih kojolik Amai-Ku: Mangat paring ijo nohto Anak tutang porocaya umba-Oh tepun pombolum sojahti tutang kototahiu, tutang Ahku ngombolumoh huli aang Ondou Kiamat.’’

YOHANES 6:44

Eam ihcobehti ka dahpot lombut nokuh Ahku, amat Amai ijo jari nyuhu Ahku, eam ngomin io ahkak-Ku; tutang ia-iai ijo lombut, ahkan Ahku ngombolumoh aang Ondou Kiamat.

YOHANES 6:65

Turus Yesus nuhtui hino, ‘‘Orihrih kotuluioh Ahku monyorihtaoh ahkan'kam, ijo eam ihcobehti ka dahpot lombut nokuh Ahku, amat Amai eam toungoduonohrih.’’

KESAH RASUL-RASUL 14:27

Kotihka johcok ang Antiokhia iro mohaum ulun-ulun tahkan ukup rih, turus mborihta paringoh ijo ius konuan bain Pohotala nguha iro. Iro nyorihta ka'a tohou koloukuwoh Pohotala jari nguap jalan mangat ulun-ulun ijo bohkon Yahudi, porocaya umba Yesus.

KESAH RASUL-RASUL 15:11

Sobalikoh, ihto porocaya tutang ihto tonyolamat tului sita asi tahkan Yesus Kristus Tuhan; kodorih ka'a iro.’’

KESAH RASUL-RASUL 16:14

Ihcobehti tahkan louk iro anai podagang benang ungu, araioh Lidia tutang asaroh tahkan Tiatira. Io sita Pohotala mahka Roh Tuhan nggerek ahtoioh, mangat io norima inon ijo Paulus ngajar ahkaioh.

KESAH RASUL-RASUL 16:31

Paulus tutang Silas mutah, ‘‘Porocayarih, umba Tuhan Yesus! Ihko ahkan solamat – ihko tutang paring ulun ijo ang lohpou'mu!’’

RUMA 10:14

Tahpi koloukuwohoh ulun ijo na'ah umba Tuhan amat iro jaha porocaya? Tutang koloukuwohoh iro duon porocaya umba Tuhan, amat iro jaha ngonih tohou Io? Ka'a, koloukuwohoh iro duon ngonih tohou Tuhan, amat eam aro ijo mborihtaoh?

RUMA 10:17

Orih kotuluioh ulun-ulun monjadi porocaya, tului iro ngonih borihta, tutang borihta rih konahan, tului anai ulun ijo mborihtaoh tohou Kristus.

RUMA 4:16

Jadi bowot Pohotala rih, hogalangrih porocayaoh ulun ahkan Pohotala. Orih monjadi ihco jaminan ahkan paring lihit Abraham, ijo bowot rih tononga ahkan iro monjadi ihco pononga cuma-cuma tahkan Pohotala; eam tihkas mangat iro ijo bokehtep umba hukum agama Yahudi bewe, tahpi ka'a ahkan iro ijo porocaya umba Pohotala sama kolou Abraham porocaya umba Io. Tului Abraham orih rih amai ihto paring socara rohani.

RUMA 4:5

Tahpi anai ulun ijo eam monggahtung aang gawiuoh bongoi io moporocayaoh aropoh ahkan Pohotala, ijo ngorinahoh ulun bodusa liwus tahkan kosalaioh. Hogalang koporocayaoh orih rih Pohotala norima ulun rih, monjadi ulun ijo ngojorih ahtoi Pohotala.

RUMA 9:16

Jadi, koputusan Pohotala rih eam, bogatung umba korela kolunon ata'ai ahkan usaha kolunon, molekan tahkan kopios ahtoi Pohotala bewe, toharep ulun ijo tonopili-Oh rih.

GALATIA 3:14

Kristus nguan kodorih mangat borehkat ijo tobowot Pohotala ahkan Abraham tononga ka'a ahkan ulun-ulun bohkon Yahudi. Honong kodorih, ihto ka'a ijo porocaya umba Pohotala, dahpot norima Roh ijo tonobowot bain Pohotala rih.

GALATIA 3:22

Tahpi ang luwang Surat Borasih tonyurat ijo paring ukup kolunon anai ang pinda kowasan dusa. Tului rih pononga ijo tonobowot hogalang koporocaya umba Yesus Kristus, tononga ahkan iro ijo porocaya.

EPESUS 1:19

tutang eaminon kohebatoh Pohotala bogawi homboh kotuwi kowasa ang luwang ihto ijo porocaya. Kowasan Pohotala rih, sama kolou kowasa luar biasa,

EPESUS 2:10

Ihto anairih tona'oi Pohotala, tutang nguha Kristus Yesus, Pohotala napa ihto, mangat ihto nguan hal-hal ijo hinut ijo jari tonahtap baiu-Oh ahkan ihto.

EPESUS 2:5

nyiring ang ohkot ihto magun mahtoi socara rohani kotului koturung-koturung ihto, Io mombolum ihto hoduli hombo-homboh umba Kristus. Jadi tihkasrih kotului kopiosoh ahtoi Pohotala, ihkam tonyolamat kobaiu-Oh.

PILIPI 1:29

Kotului Pohotala jari nonga pononga ahkan'kam, eam tihkas ahkan porocaya umba Kristus, tahpi ka'a ahkan komo kokarot bagi Kristus.

KOLOSE 2:12

Kotului ang ohkot ihkam ponopondus, ihkam tonanom homboh Kristus; tutang hawui popondus orih ka'a, ihkam umba tonombolum hoduli hombo-homboh Kristus, kotului ihkam porocaya ahkan kowasan Pohotala ijo jari ngombolum Kristus tahkan popahtoi.

2 TESALONIKA 1:9

Ulun-ulun rih ahkan norima hukum korusak turus-jahamoh todian nokuh ruar tahkan barih Tuhan tutang tahkan kowasai-Oh ijo hajo,

IBRANI 6:4

Tului ulun-ulun ijo jari murtad, eam harapan toniting hoduli. Iro lomoi jari anaimohcon ang luwang koloang tahkan Pohotala, tutang jari nginyam ponongan Aiu. Iro jari ka'a umba konowasa bain Roh Pohotala.

1 PETRUS 1:5

Paringoh rih anairih ahkan'mu, tului ihkam porocaya umba Pohotala. Mahka ihkam tonojaga umba kowasan Pohotala, mangat ihkam monorima kosolamatan ijo sodia tongorinah aang lain jaman noin.