EPESUS 2:6 - BOWOT BOHUA

⁶ Kotului ihto hihco umba Kristus Yesus, Pohotala ngomonyun ihto hoduli hombo-homboh Io, mangat ihto moretah ka'a hombo-homboh Io ang luwang soruga.

EPESUS 2:6 ပူးပေါင်းရင်းမြစ်များ

MATEUS 26:29

Porocayarih: Ahku eam ahkan ngorih anggur tuh hino nyiring ang ohkot Ahku ngorih anggur ijo bohua homboh umba ihkam ang Kolunon Bohua Ain Amai-Ku.”

LUKAS 12:37

Eaminonrih koutungoh pohalu orih ijo sombang rahat ngindoi ang ohkot tuanoh lombut. Porocayarih: tuan orih ahkan botahta-tahtap tutang nyuhu pohalu-pohaluoh rih tuot, turus io nahalu iro.

YOHANES 12:26

Ulun ijo kani mohalu Ahku harus ngahasu Ahku; mangat pohalu-Ku duon hihco Ahku, ang umoh Ahku anai. Ulun ijo mohalu Ahku ahkan tonohoromat Amai-Ku.’’

YOHANES 14:3

Uliumba Ahku tulak nahtap unuk ahkan'kam, Ahku hoduli hino tutang ngomin ihkam, mangat ang umoh Ahku anai, ang anan ka'a ihkam anai.

EPESUS 1:1

Ukup Pohotala ang Epesus, ijo bokehtep umba Kristus Yesus!

EPESUS 1:3

Tara ahkan Pohotala, Amai Tuhan ihto Yesus Kristus! Io mborehkat ihto umba kokaron borehkat rohani ang luwang soruga, tului ihto hihco umba Kristus.

EPESUS 2:10

Ihto anairih tona'oi Pohotala, tutang nguha Kristus Yesus, Pohotala napa ihto, mangat ihto nguan hal-hal ijo hinut ijo jari tonahtap baiu-Oh ahkan ihto.

EPESUS 2:13

Tahpi huntuh, kotului ihkam jari hihco umba Kristus Yesus, ihkam ijo lomoi mahcu, jari nokondoni bain popahtoi Kristus.

KOLOSE 1:18

Iorih kuhung tahkan behtiuoh, yorih ukupoh, kotului Io tohasak pombolum ukup rih. Iorih anak ijo poohkooh ijo pahtuk-pahtuk tonombolum hoduli tahkan popahtoi, mangat Io bongoi iou ijo monjadi boguna tahkan kokaro aang'co.