EPESUS 2:5 - BOWOT BOHUA

⁵ nyiring ang ohkot ihto magun mahtoi socara rohani kotului koturung-koturung ihto, Io mombolum ihto hoduli hombo-homboh umba Kristus. Jadi tihkasrih kotului kopiosoh ahtoi Pohotala, ihkam tonyolamat kobaiu-Oh.

EPESUS 2:5 ပူးပေါင်းရင်းမြစ်များ

LUKAS 15:24

Tului anak'ku tuh jari mahtoi, huntuh bolum huli; io ijo nihou, huntuh tosombang huli.’ Turus nopara iro bopesta.

YOHANES 5:21

Amai rih ngomonyun ulun mahtoi, tutang nonga ahkan iro pombolum sojahti tutang kototahiu; kodorih ka Anak nonga pombolum ijo kototahiu ahkan ulun ijo kani tononga-Oh pombolum.

YOHANES 6:63

Ijo nguan ulun bolum iorih Roh Pohotala. Koba'as ulun eam aro gunaioh. Auh-auh ijo tonuhtui-Ku ahkan'kam tuh, anairih auh-auh Roh Pohotala tutang auh-auh ijo nonga pombolum.

KESAH RASUL-RASUL 15:11

Sobalikoh, ihto porocaya tutang ihto tonyolamat tului sita asi tahkan Yesus Kristus Tuhan; kodorih ka'a iro.’’

RUMA 16:20

Pohotala ijo nonga kosanangkomangat ahkan ulun, ahkan jeleng ngina Sehtan pinda kowasai'mu tutang moluhtekoh. Keleh Konduang-konduang toturus tomorehkat bain Yesus Kristus Tuhan ihto!

RUMA 3:24

Tihkas tului pononganasi Pohotala ijo tonongaoh honong cuma-cuma, hokohihco ulun umba Pohotala monjadi pios hoduli, caraoh iorih; ulun tonoliwusoh bain Kristus Yesus.

RUMA 4:16

Jadi bowot Pohotala rih, hogalangrih porocayaoh ulun ahkan Pohotala. Orih monjadi ihco jaminan ahkan paring lihit Abraham, ijo bowot rih tononga ahkan iro monjadi ihco pononga cuma-cuma tahkan Pohotala; eam tihkas mangat iro ijo bokehtep umba hukum agama Yahudi bewe, tahpi ka'a ahkan iro ijo porocaya umba Pohotala sama kolou Abraham porocaya umba Io. Tului Abraham orih rih amai ihto paring socara rohani.

RUMA 5:10

Amat anai wayah ihto homusuh umba Pohotala, ihto tongobuahoh umba Io nguha popahtoi Anak-Oh; mahihino huntuh ulimba kohihcon ihto umba Pohotala pios hoduli, puna ihto ahkan tonyolamat ka'a nguha pombolum Kristus.

RUMA 5:6

Kotihka ihto a'ang koada'an eam aro daya, Kristus mahtoi ahkan ihto aang ohkot ijo kona, ijo tonuhkas bain Pohotala; podahal ihto ulun-ulun, ijo ngomahcuarop tahkan Pohotala.

RUMA 5:8

Tahpi Pohotala ngorinah Asiu-Oh ahkan ihto kotihka Kristus mahtoi ahkan ihto, aang ohkot ihto magun ulun bodusa.

RUMA 8:2

Tului hukum Roh Pohotala ijo nguan ihto bolum hihco umba Kristus Yesus jari nguwat ahku tahkan hukum ijo kotuluioh dusa tutang popahtoi.

EPESUS 2:1

Lomoi ihkam mahtoi socara rohani tului ihkam bodusa tutang noturung poretah-poretah Pohotala.

EPESUS 2:8

Pohotala mongasih ihkam, orih kotuluioh Io kani nyolamat ihkam, kotului ihkam porocaya umba Yesus. Kosolamat ihkam rih, eam tahkan bua usaha'kam bongom. Orih anairih ponongan Pohotala. Jadi, eam aro ihcobehti ka ijo dahpot mopojuhu aropoh tohou hal orih.

EPESUS 5:14

Bain paring ijo dahpot tonopahjah hawui torang, anairih koloang. Orih kotuluioh tonuhtui, ‘‘Monyun O ihko ijo ngarok, tutang kuat tahkan popahtoi! Kristus ahkan mopoloang ngosan'kam.’’

KOLOSE 2:13

Lomoi, ihkam jari mahtoi socara rohani, tului ihkam jari bodusa, tutang tului ihkam eam tonyunat socara koulun. Tahpi huntuh Pohotala ngombolum ihkam hombo-homboh umba Kristus, Pohotala jari mongapun dusa-dusan ihto,

TITUS 2:11

Tului Pohotala jari pokarah ponongaasi-Oh, guna nyolamat paring ukup kolunon.

TITUS 3:5

Io monyolamat ihto, eam kotului ihto jari nguan aang'co ijo pios, molekan kotului Io bongoi mongasihan ihto. Io nyolamat ihto nguha Roh Pohotala, ijo nonga ihto konanak bohua, tutang bolum bohua, umba jalan muhi kosalan ihto.

PONGORINAH 22:21

Pios Tuhan Yesus nonga borehkat-Oh ahkan paring ukup Pohotala!