EPESUS 2:3 - BOWOT BOHUA

³ Lomoi ihto paringoh sama ka'a umba iro; ihto bolum numbun tobiat kolunon ihto, tutang nguan inon ijo monyanang behti tutang tiruk ihto. Ang ohkot rih ihto anairih ulun-ulun ijo kona kosangit Pohotala ka'a, sama kolou ulun-ulun bohkon.

EPESUS 2:3 ပူးပေါင်းရင်းမြစ်များ

MARKUS 4:19

tahpi mihkoh tohou pombolum iro tutang jolik bolum labih tahtou. Kojolik ahkan mahca-mahcam hal, nyolong nokuh luwang ahtoi'ndo. Tului rih kabar tahkan Pohotala, tongohuwut ang luwang ahtoi'ndo, nyiring eam momua.

YOHANES 1:13

ijo tonganakoh bohkon tahkan ulun, tului bolum bohua rih tahkan Pohotala asaroh.

YOHANES 8:44

Sehtanrih amai'kam, tutang ihkam kani numbun konohuang amai'kam. Tahkan topahtukoh sehtan rih pomunu. Io eam pu'u umbabarih komorong, tului eam aro komorong a'ang io. Amat io bobalik orih pahtut, tului puna kolourih sipatoh. Io bobalik tutang puna asar kokaro alik.

KESAH RASUL-RASUL 14:16

Aang wayah ijo nokalou Pohotala mohonou uhtus-uhtus ulun, ijo bolum numbun konohuang iro bongon-bongon.

RUMA 1:24

Bain tului orih Pohotala mohonau iro konowasa bain kojolik ahtoi'ndo, ahkan nguan ijo bejad, nyiring iro nguan hal-hal ijo kojilok toharep sama arop.

RUMA 11:30

Lomoi ihkam eam tunduk umba Pohotala. Tahpi huntuh Pohotala jari ngorinah ijo ihkam liwus tahkan kosalan, tului ulun-ulun Yahudi eam tunduk.

RUMA 13:14

Nauhoh Tuhan Yesus Kristus iou ijo nahtap inon ijo ihkam pahtut nguaioh. Tutang ara numbun tobiat ulun ijo bodusa ahkan momeda kojolikbolai.

RUMA 2:14

Ulun-ulun uhtus bohkon, eam ngosono hukum agama Yahudi. Tahpi amat iro ngosan konohuang bongoi, nguan inon ijo tomoretah bain hukum rih, ahtoi iro bongoirih ijo monjadi hukum rih ahkan iro, oluka iro eam ngosono hukum agama Yahudi.

RUMA 5:10

Amat anai wayah ihto homusuh umba Pohotala, ihto tongobuahoh umba Io nguha popahtoi Anak-Oh; mahihino huntuh ulimba kohihcon ihto umba Pohotala pios hoduli, puna ihto ahkan tonyolamat ka'a nguha pombolum Kristus.

RUMA 5:9

Huntuh ihto jari hokopios hoduli umba Pohotala, nguha popahtoi Yesus Kristus; kotului rih musti ihto ahkan duon tonyolamat ka'a tahkan kosangit Pohotala, bain Kristus.

RUMA 6:12

A'ai hino mohonourih dusa mongowasa pombolum'kam ijo usang, Konduang ara numbun konohuang ihkam ijo ja'at.

RUMA 7:18

Ahku ta'an ijo eam aro aangihco ka ijo pios, ang luwang arop'ku, io rih luwang tobiat'ku, monjadi ulun. Tului anai kojolik aang ahku ahkan nguan kopios, tahpi ahku eam sanggup molalusoh.

RUMA 9:22

Kodorih ka'a umba inon ijo tonapa bain Pohotala. Io boniat ahkan timbun kosangit-Oh tutang mopotohto kowasa-Oh. Tahpi Io sabar toharep iro ijo harus tonohukum, tului nguan Io bosingi.

1 KORINTUS 4:7

Iai ijo ngonjadi Konduang labih tahkan ulun bohkon? Eamlah dolang aang'co Konduang norimaoh tahkan Pohotala? Jadi ombai kani ngojuhu arop, kolo-kolou inon ijo anai aang Konduang rih, eam ang'co ijo tononga?

2 KORINTUS 7:1

Konduang-konduang ijo tonokasih! Paring bowot rih tonitu ahkan ihto. Bain kotului orih kohondakoh ihto porasih arop tahkan kokaron ijo ngojilok homboruan behtin ihto. Kohondakoh ihto mihkoh umba Pohotala, mangat ihto tou bolum khusus ahkai-Oh hawui soporuna.

GALATIA 3:22

Tahpi ang luwang Surat Borasih tonyurat ijo paring ukup kolunon anai ang pinda kowasan dusa. Tului rih pononga ijo tonobowot hogalang koporocaya umba Yesus Kristus, tononga ahkan iro ijo porocaya.

EPESUS 2:2

Ang ohkot rih ihkam nutut tobiat-tobiat kolunon tuh; rimai ihkam te'et umba kowasa ang pinda langit, iorih roh ijo huntuh mongowasa ahtoi, ulun-ulun ijo eam te'et umba Pohotala.

EPESUS 4:22

Kotului orih molokakohrih ko-ulun hounumba pola pombolum lomoi, ijo rahat tonorusak bain kojolik-kojolikoh ijo monyosat.

KOLOSE 1:21

Lomoi ihkam mahcu tahkan Pohotala. Ihkam momusuh Io, kotului hadatdasar tutang tiruk'kam ijo ja'at.

1 TESALONIKA 4:13

Konduang-konduang ihkai jolik mangat ihkam kota'an ijo kotu'ui tohou ulun-ulun ijo jari mahtoi; mangat ihkam eam sedih ahtoi kolou ulun-ulun bohkon ijo eam anai koharapan.

1 TESALONIKA 5:6

Tului rih ihto eam tou tiru-tiruh iou kolou ulun bohkon. Ihto harus bosodia tutang tiruk ihto harus boloang.

1 TIMOTEUS 6:9

Tahpi ulun ijo kani monjadi tahtou, tonihkos tutang tojorat bain bomahca-mahcam kojolikoh, ijo uong tutang ijo morusak. Kojolik-kojolik orih nguan ulun monjadi lonyuh tutang colahka.

TITUS 3:3

Kotului soun ihto bongon ka'a uong, lahcat tutang eam te'et. Ihto tohojihpon bain mahca-mahcam bolaiusi tutang kojolik; ihto bolum umba niat-niat ja'at, tutang hiri ahtoi, hawui saling hokosingi.

1 PETRUS 1:14

Te'etiou umba Pohotala, tutang ara bolum numbun konohuang'mu ijo houn, aang ohkot ihkam magun jaha kosono Pohotala.

2 PETRUS 2:14

Iro eam peda-peda nguan dusa, tutang kojolik iro iorih nopahjah bawin sundal. Tutang ulun ijo punai porocaya, tutang magun kurang yakin, iro jorat. Ahtoi iro jari pahtuh umba kokuhu. Iro anairih ulun-ulun ijo tonulut!

2 PETRUS 2:18

Iro nguan korinah-korinah ijo tama-tamam tutang buang; bolaiusi ijo nyundal orih hapan bain iro, mangat nombohos ulun-ulun ijo punai iou nopara toliwus tahkan barih ulun ijo bolum lahcat.

1 YOHANES 2:16

Kokaron angihco anai ang luwang kolunon tuh – ijo tongojolik bain tobiat ulun ijo bodusa, ijo tonohto turus tongojolik tutang ijo tonama-namamoh – paringoh anairih hal-hal ijo eam asar tahkan Amai molekan tahkan kolunon.

1 YOHANES 2:8

Oluka kolourih, poretah ijo ahku nyuratoh tuh punai ka'a; tului kotu'uioh dahpot tonohto aang arop Kristus, tutang aang arop ihkam. Tului kopindong mahi-mahi dilap, tutang koloang ijo tu'u jari nopara monyingah.