EPESUS 2:20 - BOWOT BOHUA

²⁰ Ihkam ka tonombok ang ngosan galang, ijo tongina bain rasul-rasul tutang nabi-nabi, hawui Kristus Yesus kolou bahtu ijo mombahtang.

EPESUS 2:20 ပူးပေါင်းရင်းမြစ်များ

MATEUS 16:18

Tului orih kota'an'kam, ihko anai rih Petrus, bahtu ijo tehen. Tutang ang ngosan galang bahtu tuh, Ahku ahkan mangun Gereja-Ku, ijo eam dahpot tomokalah; olu bain popahtoi!

MATEUS 21:42

Mahka Yesus nuhtui umba iro, “Jaha ihkam pu'u mombasa ijo tonyurat a'ang Surat Borasih? ‘Bahtu ijo eam hapan bain tuhkang pangun jari monjadi bahtu ijo mombahtang. Tuhrih ang konuan Tuhan; ijo dalou kohinutoh!’ ”

1 KORINTUS 12:28

Kodorih ka'a ang luwang ukup, Pohotala jari nahtap unuk ahkan mahca-mahcam ulun; Ijo pahtuk rasul-rasul, koduo nabi-nabi kotolu guru-guru, turus iro ijo nguan kahtahelan-kahtahelan, pongohuli iro ijo tononga pononga ahkan ngopios ulun, ata'ai ahkan ndohop ulun bohkon, ata'ai monjadi okonulun, ata'ai ka ahkan bopander umba mahca-mahcam basa ijo helan.

GALATIA 2:9

Yakobus, Petrus tutang Yohanes ijo gihtanoh ijo monjadi okon-okon ukup, mongahku ijo Pohotala jari nonga ahkak'ku tugas khusus tuh. Mahka iro hojuluk longo umba Barnabas tutang ahku, kolou tanda bosohabat. Turus iro tutang ihkai sotuju, ijo ihkai ahkan bogawi ang holat uhtus-uhtus ijo bohkon Yahudi, tutang iro ang tohun ulun Yahudi.

EPESUS 3:5

Lomoi rahasia orih eam pu'u tomborihta ahkan ulun, tahpi huntuh Roh Pohotala ius ngorinahohrih ahkan rasul-rasuloh tutang nabi-nabi-Oh.

KOLOSE 2:7

tutang muhat ang a'ang Io. Kohondakrih ihkam nombok pombolum'kam umba Kristus kolou galangoh. Kohondakrih ihkam mahi porocaya umba Kristus, numbun inon ijo jari tongajar ahkan'kam. Tutang hondakrih ahtoi'kam nopusak-pusak hawui ngohawot torimakasih.

1 PETRUS 2:6

Tului ang luwang Surat Borasih tonyurat koloutuh, ‘‘Ahku ius ngopili ihcokobawak bahtu borega, ijo Ahku nginaoh ang Sion monjadi bahtu mombahtang; tutang ulun ijo Porocaya ahkai-Oh eam ahkan tongocewaoh.’’

PONGORINAH 21:14

Dinding kotalowu rih tonombok ang ngosan duo balas bahtu galang. Aang bahtu-bahtu galang rih tonyurat aran-aran koduo balas rasul Anak Tobiri rih.