EPESUS 2:2 - BOWOT BOHUA

² Ang ohkot rih ihkam nutut tobiat-tobiat kolunon tuh; rimai ihkam te'et umba kowasa ang pinda langit, iorih roh ijo huntuh mongowasa ahtoi, ulun-ulun ijo eam te'et umba Pohotala.

EPESUS 2:2 ပူးပေါင်းရင်းမြစ်များ

MATEUS 11:19

Huntuh Anak Ulun lombut – Io kuman tutang ngorih; turus ulun-ulun ngohawot io, ‘Nohto ulun tuh! Bokora, pombosou, hojolahan umba ponagih pajak, tutang hojolahan umba ulun bodusa.’ Oluka kodorih, kopihtar Pohotala gihtan tahkan bua gawiouoh.”

MATEUS 13:22

Bonyi ijo tonuhkan ang tohun ruwut duhi, nindung ulun-ulun ijo ngonih kabar orih, tahpi mihkoh tohou pombolum iro tutang jolik bolum molowi. Tului orih kabar tahkan Pohotala tonohahpit ang luwang ahtoi iro nyiring eam momua.

MATEUS 13:38

Umo rih, iorih kolunon tuh. Bonyi ijo pios rih io rih ulun-ulun ijo monjadi ukup ain Pohotala. Tingon orihrih ulun-ulun ijo hobarih hihco sehtan.

MARKUS 4:19

tahpi mihkoh tohou pombolum iro tutang jolik bolum labih tahtou. Kojolik ahkan mahca-mahcam hal, nyolong nokuh luwang ahtoi'ndo. Tului rih kabar tahkan Pohotala, tongohuwut ang luwang ahtoi'ndo, nyiring eam momua.

LUKAS 16:8

Mahka tuan tahkan pogawai ngatuhduit ijo eam morong rih, monara pogawai orih tului dolang gawin ijo cerdik orih; tului ulun-ulun ang kolunon tuh labih pitar ngatuh urusan aiuoh, tahkan ulun-ulun ijo bolum ang koloang.’’

LUKAS 22:31

‘‘Simon, Simon, ngonih! Sehtan duon ijin ahkan nikos ihko; kolou gandum ngobohkon umba apihoh, nyiring ijo pios ngobohkon umba ijo ja'at.

YOHANES 12:31

Uhuntuh jari ohkotoh kolunon tomosara; uhuntuh pongowasa kolunon tuh tomolinangoh.

YOHANES 13:2

Yesus tutang murid-muridoh rahat kuman ngolomi. Sehtan jari nyolong nonga tiruk ang luwang ahtoi Yudas anak Simon Iskariot ahkan ngarana Yesus.

YOHANES 13:27

Tona'a uliumba Yudas norima luhte rih, sehtan nyolong nokuh luwang ahtoioh. Turus Yesus nuhtui umba io, ‘‘Nguaiohrih jeleng iou inon ijo kani ihko nguaioh.’’

YOHANES 14:30

Ahku eam ahkan bopander labih aro hino umba ihkam, tului jari ohkotoh okon kolunon tuh lombut. Tahpi io eam bokowasa ngosan arop-Ku.

YOHANES 15:19

Jahkaioh ihkam puna ain kolunon, ihkam ahkan tonokasih bain kolunon rih kolou puna aiuoh. Tahpi Ahku jari ngopili ihkam tahkan kolunon tuh, jadi ihkam eam hino punaain kolunon. Orihrih kotuluioh kolunon ngohiri ihkam.

YOHANES 16:11

tutang ijo Pohotala jari nopara mohukum, kotului okon kolunon tuh jari tonohukum.

YOHANES 7:7

Kolunon tuh eam harapan nyingi ihkam. Tahpi Ahku puna tonyingi bain kolunon, kotului Ahku toturus ngorinah ahkan kolunon ijo konuaioh ja'at.

YOHANES 8:23

Turus Yesus nuhtui umba iro, ‘‘Ihkam lombut tahkan pinda; tahpi Ahku lombut tahkan diang. Ihkam tahkan kolunon; Ahku eam tahkan kolunon.

YOHANES 8:44

Sehtanrih amai'kam, tutang ihkam kani numbun konohuang amai'kam. Tahkan topahtukoh sehtan rih pomunu. Io eam pu'u umbabarih komorong, tului eam aro komorong a'ang io. Amat io bobalik orih pahtut, tului puna kolourih sipatoh. Io bobalik tutang puna asar kokaro alik.

KESAH RASUL-RASUL 19:35

Kojoriaioh jurutulis lowu bohasir potonih ulun aro rih hawui io nuhtui, ‘‘O Ulun Epesus! Nyinong ulun kota'an ijo Epesus tuh lowu ijo mohaga lohpou dewi Artemis tutang bahtu boapuah ijo ngonyahtu tahkan langit.

KESAH RASUL-RASUL 5:3

Mahka Petrus nuhtui umba io, ‘‘Ananias, ombai ihko mohanouoh sehtan ngowasaoh ahtoi'mu nyiring ihko ngobalik ahkan Roh Pohotala, honong tonih-tonih monahan ahkan arop'mu bongom ihcokobagi tahkan duit ponjualan tana rih?

RUMA 12:2

Ara umba sipat-sipat kolunon tuh. Nauhoh Pohotala nguan sipatarop'kam monjadi bohua, mangat ihkam hubah. Honong kodorih ihkam sanggup ngota'an konohuang Pohotala – yorih, inon ijo pios tutang ijo ngojorih ahtoi Pohotala tutang ijo soporuna.

1 KORINTUS 5:10

Ijo ahku hondakoh eam ulun-ulun pongihal, ata'ai bokuhu, ata'ai pobalik, ata'ai nyembah dewa, ijo samasino eam kosono Pohotala. Eam! Ahku eam nohuangoh iro; kobain amat ihkam harus ngomahcuoh iro, mahka kopunaioh ihkam porulu soluka samasino tahkan kolunon tuh.

1 KORINTUS 6:11

Pira-pira ang louk'kam, lomoi hadatoh kolourih. Tahpi huntuh ihkam, tongorinah borasih tahkan dusa. Ihkam jari nyolung ain Pohotala ijo khusus. Ihkam jari hokopios huli umba Pohotala, tului ihkam porocaya umba Tuhan Yesus Kristus, tutang kotului kowasan Roh tahkan Pohotalan ihto.

2 KORINTUS 4:4

Hotala ja'at ijo ngowasa kolunon tuh, nuhtup tiruk ulun-ulun ijo eam porocaya rih. Iorih ijo ngapeng-ngahana iro, mangat iro eam nohto koloang tahkan Kabar Hinut rih, tohou kohajon Kristus ijo hosuhtu gambar Pohotala.

GALATIA 1:4

Mone'et kohondak Pohotala, Amai ihto, Kristus monyorahrih arop-Oh monjadi porahpah bagi dusa-dusan ihto, mangat ihto tonyolamat tahkan jaman ijo ja'at tuh.

EPESUS 1:21

Ponuot Kristus rih mahco labih isungoh tahkanumba ponuot kokaron pomoretah, kokaron kowasa, kokaron okon, kokaron tuan-tuan tutang iai ka ka'a jari tononga ponuot isung; pios ijo bolum ang jaman tuh, oluka ijo bolum ang jaman ijo ahkan lombut.

EPESUS 2:11

Konduang-konduang ijo bohkon ulun Yahudi! Ingatrih pombolum'kam aang ohkot lomoi. Ihkam konohawot ‘‘ulun eam bosunat’’, bain ulun Yahudi ijo ngahku arop tonosunat (maksudoh ijo ius ngondahpot tanda ijo tonapa ulun ang behtin iro).

EPESUS 2:13

Tahpi huntuh, kotului ihkam jari hihco umba Kristus Yesus, ihkam ijo lomoi mahcu, jari nokondoni bain popahtoi Kristus.

EPESUS 2:3

Lomoi ihto paringoh sama ka'a umba iro; ihto bolum numbun tobiat kolunon ihto, tutang nguan inon ijo monyanang behti tutang tiruk ihto. Ang ohkot rih ihto anairih ulun-ulun ijo kona kosangit Pohotala ka'a, sama kolou ulun-ulun bohkon.

EPESUS 4:17

Kotului rih demi aran Tuhan, tuhrih ijo ahkan ahku nuhtui tutang tegas; ara hino bolum kolou ulun-ulun ijo eam kosono Pohotala, tutang niruk ijo eam-eam.

EPESUS 4:22

Kotului orih molokakohrih ko-ulun hounumba pola pombolum lomoi, ijo rahat tonorusak bain kojolik-kojolikoh ijo monyosat.

EPESUS 5:6

Ara ihkam tonihpu bain pander-pander ijo buang. Kobain hal-hal atuh, ijo polombut kosangit Pohotala, toharep ulun-ulun ijo eam te'et umba Io.

EPESUS 5:8

Ihkam bongom lomoi anai ang luwang kopindong. Huntuh ihkam jari monjadi ukup Tuhan, jadi ihkam anai ang luwang koloang. Bain kotului rih ihkam harus bolum ang luwang koloang rih.

EPESUS 6:12

Tului ihto hokolahi eamoh molawan kolunon, molekan molawan koba'as kokaro sehtan-sehtan ijo ngowasa jaman ijo ja'at tuh. Ihto molawan koba'as roh-roh ja'at ijo bokowasa ang pinda langit.

KOLOSE 1:21

Lomoi ihkam mahcu tahkan Pohotala. Ihkam momusuh Io, kotului hadatdasar tutang tiruk'kam ijo ja'at.

2 TIMOTEUS 4:10

Tului Demas jari nohtah ahku, kotului nyayang kolunon tuh. Io ius tulak nokuh Tesalonika. Kreskes jari tulak nokuh Galatia, tutang Titus nokuh Dalmatia.

YAKOBUS 1:27

Kote'et boagama, ijo borasih tutang sojahti numbun topahjah Pohotala, Amai iorih; mondohop anak-anak nulo uhus tutang balu-balu ijo ngarot, tutang monjaga arop bongon mangat ara tonorusak bain kolunon tuh.

YAKOBUS 1:7

Ulun ijo kolourih eam tahtap tirukoh; io eam duon mongomin koputusan ino-inon a'ang kokaron ang'co ijo kunuaioh. Tului orih, eam usah ka'a io moharap ahkan duon ino-inon tahkan Tuhan.

YAKOBUS 4:4

Ihkam anairih ulun ijo eam tehtep! Kota'anrih ihkam, ijo amat ihkam hopahkat umba kolunon, mahka ihkam monjadi musuh Pohotala? Jadi dolangiai kani monjadi sobat kolunon tuh, io ngonjodian aropoh musuh Pohotala.

1 PETRUS 1:14

Te'etiou umba Pohotala, tutang ara bolum numbun konohuang'mu ijo houn, aang ohkot ihkam magun jaha kosono Pohotala.

1 PETRUS 4:3

Aang wayah ijo nokalou, ihkam jari sukup tahi nguan inon ijo jolik tonguan bain ulun-ulun ijo eam kosono Tuhan. Ihkam bolum eam hinut. Ihkam numbun kojolik bolaiusi, bobusou-busou, koramin-pesta, ngorih-ngorih tutang nyembah dewa socara pongojilokoh.

2 PETRUS 2:14

Iro eam peda-peda nguan dusa, tutang kojolik iro iorih nopahjah bawin sundal. Tutang ulun ijo punai porocaya, tutang magun kurang yakin, iro jorat. Ahtoi iro jari pahtuh umba kokuhu. Iro anairih ulun-ulun ijo tonulut!

1 YOHANES 3:10

Tuhrih kobohkoioh holat anak-anak Pohotala umba anak-anak Sehtan; ia-iai eam nguan kohondak Pohotala, ata'ai eam masi konduangoh, io bohkon Anak Pohotala.

1 YOHANES 3:8

Tahpi ulun ijo hototurus nguan dusa anairih anak Sehtan, kotului Sehtan bodusa tahkan pahtuk. Ahkan tuhrih Anak Pohotala lombut yorih ahkan polonyuh gawin Sehtan.

1 YOHANES 4:4

Tahpi anak-anak'ku, ihkam ain Pohotala. Ihkam jari ngalah nabi-nabi polasu, tului Roh ijo anai aang'kam labih bokowasa tahkanumba roh ijo anai aang ulun-ulun ain kolunon tuh.

1 YOHANES 5:19

Ihto ta'an ijo ihto ain Pohotala, oluka hopus kolunon tuh ang pinda kowasan Si Ja'at.

1 YOHANES 5:4

tului nyinong anak Pohotala sanggup pokalah kolunon ijo ja'at tuh. Tutang ihto mongalah kolunon umba koporocayan ihto.

PONGORINAH 12:9

Naga ijo hajo dih dian nokuh luar! Iorih lohi oko orih, ijo bogare Sehtan ata'ai Roh Ja'at, ijo ngobalik sohopus kolunon. Io ndian nokuh kolunon hawui kokaro molehkatoh.

PONGORINAH 13:14

Tutang paring ulun ijo bolum ngosantana tongoalikoh, umba tandahelan-tandahelan ijo tou tonguaioh ang husuk ohcin ijo pahtuk orih. Tutang iro paringoh tonyuhuoh nombok ihco kopahtung tahkan ohcin ijo jari bohimang bain padang, tahpi magun bolum.

PONGORINAH 13:8

Ohcin rih ahkan tononyembah bain paring ulun ijo bolum ang ngosan tana, kocoali ulun-ulun ijo araioh jari tonoliting hounumba kolunon tona'oi, ang luwang surat ulun bolum ain Anak Tobiri ijo ius tonyombolih.

PONGORINAH 16:17

Opahrih molehkat ijo kopihtu monusuh suang kondarahoh nokuh udara. Mahka konahan auh ijo muhing tahkan pododusan ang Lohpou Pohotala, ijo nuhtui, ‘‘Jari genep!’’

PONGORINAH 20:2

Turus io monawan naga rih, lohi oko – yorih Sehtan ata'ai Roh Ja'at rih – tutang momasungoh ahkan sokujan toun kotahiuoh.