EPESUS 2:13 - BOWOT BOHUA

¹³ Tahpi huntuh, kotului ihkam jari hihco umba Kristus Yesus, ihkam ijo lomoi mahcu, jari nokondoni bain popahtoi Kristus.

EPESUS 2:13 ပူးပေါင်းရင်းမြစ်များ

YOHANES 10:16

Magun anai tobiri-tobiri bohkon ijo ka'a aik-Ku tahpi eam barih aang kawan tobiri tuh. Iro ka'a pahtut Ahku ngihtotoh, tutang iro ahkan ngonih auh-Ku. Iro paringoh ahkan nyolung ihco kokawan umba ihco sokahtik.

KESAH RASUL-RASUL 15:14

Simon punai ih mborihta koloukuwoh Pohotala aang pahtukoh pokarah konohuang-Oh umba ulun-ulun bohkon Yahudi, honong konohuang ngopili tahkan iro ulun-ulun bohkon ijo ahkan monjadi ukup-Oh.

KESAH RASUL-RASUL 2:39

Tului ijo jari tonobowot bain Pohotala rih anai ahkan'kam tutang ahkan lihit-lihit'kam hawui ahkan ulun-ulun ijo anai ang unuk-unuk ijo mahcu – iorih paring ulun ijo tona'ah bain Pohotala Tuhan ihto ahkan lombut ahkai-Oh.’’

KESAH RASUL-RASUL 22:21

Tahpi Tuhan nuhtui hino umba ahku, ‘Tulakrih iou, tului Ahku ahkan nyuhu ihko tulak nokuh unuk ijo mahcu ahkan ulun-ulun bohkon uhtus Yahudi.’ ’’

KESAH RASUL-RASUL 26:18

ahkan polenangoh mahtan'ndo, mangat iro soluka tahkan kopindong, tutang nyolong nokuh luwang koloang, mangat iro liwus tahkan kowasan Sehtan, turus konowasa bain Roh Pohotala. Mahka tului porocaya umba-Ku, dusa-dusan iro ahkan tongapun tutang iro ahkan monjadi ukup-ukup Pohotala ijo mihtih.’ ’’

RUMA 8:1

Uhuntuh eam anai hino pohukuman toharep iro ijo bolum hihco umba Kristus Yesus.

1 KORINTUS 1:30

Pohotala bongoi ijo napa nyiring Konduang hihco umba Kristus Yesus. Nguha Kristus, ihto monjadi horahti. Tutang nguha Io ka'a Pohotala nguan ihto hokopios hoduli umba arop-Oh, monjadi ihto ukup-Aiu ijo khusus tutang ngoliwus ihto.

1 KORINTUS 12:13

Kodorih ka'a ihto paringoh, pios ulun Yahudi, oluka ulun bohkon Yahudi, jihpon-jihpon oluka ulun morodehka; ihto paringoh jari tomopondus bain Roh ijo sama orih, mangat ihto monjadi ihco ang behtin Kristus rih. Ihto paring ka'a komo Roh ijo ihco rih kotuwioh.

1 KORINTUS 6:11

Pira-pira ang louk'kam, lomoi hadatoh kolourih. Tahpi huntuh ihkam, tongorinah borasih tahkan dusa. Ihkam jari nyolung ain Pohotala ijo khusus. Ihkam jari hokopios huli umba Pohotala, tului ihkam porocaya umba Tuhan Yesus Kristus, tutang kotului kowasan Roh tahkan Pohotalan ihto.

2 KORINTUS 5:17

Ulun ijo jari hihco umba Kristus, monjadi kolunon bohua samasino. Ijo tahi jari eam aro hino – paringoh jari monjadi bohua.

GALATIA 3:28

A'ang hal tuh, eam hino anai kobohkon holat ulun Yahudi tutang ulun bohkon Yahudi, holat jihpon tutang ulun morodehka, holat ulunbahkas tutang ulunbawi. Konduang paringoh ihco tului Kristus Yesus.

EPESUS 1:1

Ukup Pohotala ang Epesus, ijo bokehtep umba Kristus Yesus!

EPESUS 1:7

Tului, bain popahtoi Kristus, ihto tomorodehka bain Pohotala, rimai Io jari ngapun ihto tahkan dusa-dusan ihto.

EPESUS 2:10

Ihto anairih tona'oi Pohotala, tutang nguha Kristus Yesus, Pohotala napa ihto, mangat ihto nguan hal-hal ijo hinut ijo jari tonahtap baiu-Oh ahkan ihto.

EPESUS 2:12

Aang ohkot rih ihkam eam hihco umba Kristus; ihkam anairih ulun bohkonuhtus, ijo eam tosolong ukupjolahan konopili Pohotala. Ihkam eam nyolong a'ang pohtong bowot ijo tonapa Pohotala umba ukup-Oh. Ihkam bolum luwang kolunon tuh, eamanai harapan tutang eamanai Pohotala.

EPESUS 2:2

Ang ohkot rih ihkam nutut tobiat-tobiat kolunon tuh; rimai ihkam te'et umba kowasa ang pinda langit, iorih roh ijo huntuh mongowasa ahtoi, ulun-ulun ijo eam te'et umba Pohotala.

EPESUS 2:6

Kotului ihto hihco umba Kristus Yesus, Pohotala ngomonyun ihto hoduli hombo-homboh Io, mangat ihto moretah ka'a hombo-homboh Io ang luwang soruga.

IBRANI 9:18

Tului rih bowot ijo pahtuk ka harus tonosahrih umba daha.

1 PETRUS 3:18

Kotului Kristus bongoi mahtoi tihkas sino iou, ahkan turus-jahamoh kotului dusan kolunon – ihcobehti ijo eam bosala, mahtoi ahkan ulun ijo bosala. Kristus nguan ohrih rih, mangat Io dahpot nihting ihkam nokuh Pohotala. Io tomunu socara behtiuoh, tahpi tonombolum hoduli socara rohani.

PONGORINAH 5:9

Iro monyanyi ihco lagu ijo bohua: ‘‘Ihko pahtut ngomin surat rih tutang musit segel-segeloh. Tului Ihko jari tomunu, tutang honong popahtoi-Mu, ulun tahkan kokaro lihting, bohasa, nogara tutang uhtus jari tonomoli bain'mu ahkan Pohotala.