EPESUS 2:12 - BOWOT BOHUA

¹² Aang ohkot rih ihkam eam hihco umba Kristus; ihkam anairih ulun bohkonuhtus, ijo eam tosolong ukupjolahan konopili Pohotala. Ihkam eam nyolong a'ang pohtong bowot ijo tonapa Pohotala umba ukup-Oh. Ihkam bolum luwang kolunon tuh, eamanai harapan tutang eamanai Pohotala.

EPESUS 2:12 ပူးပေါင်းရင်းမြစ်များ

LUKAS 1:72

Ahkan ngorinahoh kotoun ahtoi-Oh ahkan uhtuslihit ihto, bowot-Oh ijo borasih orih ahkan tongonyolung-Oh.

YOHANES 10:16

Magun anai tobiri-tobiri bohkon ijo ka'a aik-Ku tahpi eam barih aang kawan tobiri tuh. Iro ka'a pahtut Ahku ngihtotoh, tutang iro ahkan ngonih auh-Ku. Iro paringoh ahkan nyolung ihco kokawan umba ihco sokahtik.

YOHANES 15:5

AHKU TUH PU'UN ANGGUR, TUTANG IHKAM RIH DA'AI-DA'AIOH. Ulun ijo tohtap hihco honong Ahku, tutang Ahku honong io, ahkan momua aro; tului earo Ahku, ihkam eam tou monguanoh ino-inon.

YOHANES 4:22

Ihkam ulun Samaria nyembah ijo eam ihkam ngosonooh, tobalikoh ihkai ulun Yahudi nyembah Io ijo ihkai ngosonooh, tului kosolamatan lombut tahkan ulun Yahudi.

KESAH RASUL-RASUL 2:39

Tului ijo jari tonobowot bain Pohotala rih anai ahkan'kam tutang ahkan lihit-lihit'kam hawui ahkan ulun-ulun ijo anai ang unuk-unuk ijo mahcu – iorih paring ulun ijo tona'ah bain Pohotala Tuhan ihto ahkan lombut ahkai-Oh.’’

KESAH RASUL-RASUL 28:20

Tutang orih kotuluioh ahku nyawot hosombang umba ihkam, mangat pande-pander umba ihkam; tului ahku tomasung kotului Ponyolamat ijo tonoharap-harap bain uhtus Israel.’’

KESAH RASUL-RASUL 3:25

Bowot-bowot tahkan Pohotala ijo tonyiar bain nabi-nabi, anairih ahkan Konduang-konduang. Aang bowot ijo Pohotala napa umba tahtu ajuh'kam, Pohotala nuhtui umba Abraham numbun tuh, ‘Tahkan lihit'mu Ahku ahkan mborehkat karon uhtus ang kolunon.’ Bowot orih anairih ahkan ihkam ka'a.

RUMA 9:8

Orih rimai ijo lihit Abraham ijo monjadi anak-anak Pohotala, baya lihitoh ijo konanak tului bowot Pohotala. Tutang bohkon tahkan paring lihitoh.

GALATIA 4:8

Lomoi ihkam eam kosono Pohotala, orih kotuluioh ihkam monjadi jihpon tahkan kowasa-kowasa ijo ihkam ngohu kolou pohotala, tahpi kotu'uioh bohkon Pohotala samasino.

EPESUS 2:19

Kobain orih, ihkam eam hino barih ulun bohkonuhtus ata'ai ulun luar. Ihkam huntuh anairih sama-sama uhtus ukup ain Pohotala. Ihkam anairih anak-anak jolahan Pohotala.

EPESUS 4:18

Tiruk iro jari pindong. Iro eam ngosono pombolum ijo tononga bain Pohotala, tului iro samasino eam anaingina pongotaan ino-inon tohou Pohotala. Iro kodorih, tului mahang kuhungoh.

KOLOSE 1:21

Lomoi ihkam mahcu tahkan Pohotala. Ihkam momusuh Io, kotului hadatdasar tutang tiruk'kam ijo ja'at.

KOLOSE 1:27

Ahkan ukup Aiu rih, Pohotala kani ngorinahoh eaminon kopiosoh tutang kohajooh rahasia-Oh rih bagi sohopus ukup kolunon. Rahasia orihrih, iorih: Kristus anai luwang arop'kam, ijorimai ihkam ahkan hawui nginyam kohajon Pohotala.

KOLOSE 1:5

Ihkam porocaya tutang ihkam pongasih, tului ihkam harap ahkan inon ijo tonyodia ang soruga bain Pohotala ahkan'kam. Ihkam ius ngonih tohou hal orih kotihka Kabar Hinut ijo morong tonyapai ahkan'kam.

1 TESALONIKA 4:13

Konduang-konduang ihkai jolik mangat ihkam kota'an ijo kotu'ui tohou ulun-ulun ijo jari mahtoi; mangat ihkam eam sedih ahtoi kolou ulun-ulun bohkon ijo eam anai koharapan.

1 TESALONIKA 4:5

Ara bolum nutut kojolik, jolikbolai toharep oruh'kam, kolou ijo konuan bain ulun-ulun ijo eam kosono Pohotala.

2 TESALONIKA 2:16

Keleh Tuhan ihto Yesus Kristus bongoi, tutang Pohotala, Amai ihto, nonga ampung tutang koba'as ang ahtoi'kam, mangat ihkam duon bogawi tutang mborihta inon ijo pios. Tului Pohotala ngasi ihto, tutang tului kohinut ahtoi-Oh, Io napa ihto tohtap tabah hawui bokoharap umba ijo hinut.

1 TIMOTEUS 1:1

Timoteus, anak'ku ijo sojahti ang luwang Tuhan! Surat tuh tahkan ahku, Paulus, rasul Kristus Yesus ngosan poretah Pohotala, Ponyolamat ihto, tutang ngosan poretah Yesus Kristus koharap ihto. Keleh Pohotala, Amai, tutang Yesus Kristus Tuhan ihto nonga borehkat, pononganasi tutang kosanang ahkan'kam.

IBRANI 11:34

mbolop baho ijo hebat, tokila tahkan tewek padang. Iro bolomu tahpi nyolung ba'as; iro bolinga ang poporangan nyiring mopokalah posukan sorodadu uhtus bohkon.

IBRANI 6:18

Duo hal orih eam dahpot boubah, Pohotala eam harapan ngobalik tohou bowot tutang tulut-Oh. Tului orih, ihto ijo jari bokolindung aang Pohotala, tononga juhungan ba'as, ahkan nambit tehen aang koharap ijo tohampar ang husuk ihto.

IBRANI 8:6

Tahpi huntuh Yesus dahpot tugas imam ijo mahcu labih horomat tahkanumba ijo konuan bain imam-imam rih. Kotului bowot ijo tonapa-Oh holat Pohotala tutang kolunon, anairih bowot ijo labih pios kotului hogalang bowot ahkan hal-hal ijo labih pios.

1 PETRUS 1:21

Nguha Iorih ihkam porocaya ahkan Pohotala, ijo jari ngombolum Io hoduli tahkan popahtoi, tutang mopohajooh. Jadi, Pohotalarih ijo ihkam porocayaoh tutang ahkan Pohotalarih ka'a ihkam ngina koharapan.

1 PETRUS 1:3

Olailah ihto norimakasih umba Pohotala, Amai, Tuhan ihto Yesus Kristus! Io paham mongasih ihto, orih kotuluioh Io nonga ahkan ihto pombolum ijo bohua, hawui mombolum hoduli Yesus Kristus tahkan popahtoi. Tuh mononga'kan ihto harapan ijo segah.

1 PETRUS 3:15

Tahpi ang luwang ahtoi'mu, hondakrih ihkam nunga ahkan Kristus kohoromatan ijo khusus, ijo tohorong umba ponuot-Oh, kolou Tuhan. Tutang hondakrih ihkam toturus bosodia, ahkan nonga auhputah ahkan nyinong ulun, ijo ngisok tohou koporocaya ijo ihkam nginaoh.

1 YOHANES 3:3

Paring ulun ijo anai koporocaya tuh toharep Kristus, monjaga aropoh, mangat tu'u-tu'u borasih, borasih tahkan dusa sama kolou Kristus ka'a borasih.