EPESUS 2:11 - BOWOT BOHUA

¹¹ Konduang-konduang ijo bohkon ulun Yahudi! Ingatrih pombolum'kam aang ohkot lomoi. Ihkam konohawot ‘‘ulun eam bosunat’’, bain ulun Yahudi ijo ngahku arop tonosunat (maksudoh ijo ius ngondahpot tanda ijo tonapa ulun ang behtin iro).

EPESUS 2:11 ပူးပေါင်းရင်းမြစ်များ

MATEUS 20:7

Ulun-ulun rih mutah, ‘Eam aro ulun ijo ngupah ihkai bogawi ino-inon.’ ‘Amat kolourih,’ hion tepun pombulan rih, ‘tulak ihkam bogawi ang kombulan anggur aik'ku.’

RUMA 11:17

Ihcokobagi tahkan da'an-da'an zaitun – yorih ulun-ulun Yahudi – ius tonohtok. Tutang ang lohkun tohtok rih nutung umba da'an zaitun himba, yorih Konduang-konduang ijo bohkon uhtus Yahudi. Konduang tonutung ang anan, mangat Konduang nginyam karonaang ijo pios, tahkan pombolum rohani ulun-ulun Yahudi.

RUMA 2:26

Amat ihcobehti bohkon ulun Yahudi ijo eam tonyunat numbun hukum agama Yahudi, eamkah Pohotala jari ngohu kolou ulun rih ijo jari tonyunat?

RUMA 2:27

Tutang ulun-ulun ijo eam tonyunat rih ahkan nosalan Konduang ulun Yahudi, tului Konduang anaingina hukum agama Yahudi, tutang Konduang tonyunat, tahpi Konduang molanggar hukum orih. Iro eam tonyunat, tahpi puna iro rih ijo tehentu'u umba hukum agama Yahudi.

1 KORINTUS 12:2

Ingatlah ijo ang ohkot ihkam jaha kosono Tuhan, ihkam topongaruh ahkan umba nyembah dewa ijo bisu.

1 KORINTUS 6:11

Pira-pira ang louk'kam, lomoi hadatoh kolourih. Tahpi huntuh ihkam, tongorinah borasih tahkan dusa. Ihkam jari nyolung ain Pohotala ijo khusus. Ihkam jari hokopios huli umba Pohotala, tului ihkam porocaya umba Tuhan Yesus Kristus, tutang kotului kowasan Roh tahkan Pohotalan ihto.

GALATIA 2:15

Puna numbun ihkaikonanak, ihkai tuh anairih ulun Yahudi tutang eam, ‘‘Ulun bohkon Yahudi ijo bodusa.’’

GALATIA 6:12

Ulun-ulun ijo kani nyuhung aropoh umba hal-hal carakonanak, iro ijo bousaha, jojuan ihkam numbun poroturan sunat. Tahpi iro nguan rih baya mangat iro eam tonoporos ulun Yahudi bain kotului sopolahkin Kristus.

EPESUS 2:2

Ang ohkot rih ihkam nutut tobiat-tobiat kolunon tuh; rimai ihkam te'et umba kowasa ang pinda langit, iorih roh ijo huntuh mongowasa ahtoi, ulun-ulun ijo eam te'et umba Pohotala.

EPESUS 5:8

Ihkam bongom lomoi anai ang luwang kopindong. Huntuh ihkam jari monjadi ukup Tuhan, jadi ihkam anai ang luwang koloang. Bain kotului rih ihkam harus bolum ang luwang koloang rih.

PILIPI 3:3

Podahar ihto ulun-ulun ijo jari norima sunat ijo sojahti, bohkon iro. Ihto nyembah Pohotala hawui toniting Roh Pohotala bongoi, tutang ihto norimakasih kotului ihto bolum hihco umba Kristus Yesus. Ihto eam bokuak umba upacara ijo bosipat 'jogihtan.

KOLOSE 1:21

Lomoi ihkam mahcu tahkan Pohotala. Ihkam momusuh Io, kotului hadatdasar tutang tiruk'kam ijo ja'at.

KOLOSE 2:11

Kotului hihco umba Kristus, ihkam jari tonyunat, eam umba sunat ijo tonguan bain longon ulun, molekan umba sunat ijo konuan bain Kristus, ijo momorodehka ihkam tahkan kowasan tobiat ijo bodusa.

KOLOSE 2:13

Lomoi, ihkam jari mahtoi socara rohani, tului ihkam jari bodusa, tutang tului ihkam eam tonyunat socara koulun. Tahpi huntuh Pohotala ngombolum ihkam hombo-homboh umba Kristus, Pohotala jari mongapun dusa-dusan ihto,

KOLOSE 3:11

Kolou akibat tahkanmba rih dilaprih kokaron kobohkon-kobohkon holat ulun Yahudi tutang bohkon Yahudi, ulun bosunat, tutang ulun ijo eam bosunat, eam anai hino kobohkonoh, holat ulun bohkonuhtus tutang ulun biadab holat jihpon tutang ulun morodehka, tului Kristus anairih koparing-paringoh tutang Io hihco umba iro paringoh!