EPESUS 2:10 - BOWOT BOHUA

¹⁰ Ihto anairih tona'oi Pohotala, tutang nguha Kristus Yesus, Pohotala napa ihto, mangat ihto nguan hal-hal ijo hinut ijo jari tonahtap baiu-Oh ahkan ihto.

EPESUS 2:10 ပူးပေါင်းရင်းမြစ်များ

MATEUS 5:16

Kodorih ka'a koloang'kam, harus nyingah ang toharep ulun, mangat iro nohto gawin-gawin'kam ijo pios, turus monara Amai'kam ang soruga.”

YOHANES 3:21

Tahpi ulun ijo nguan kohondak Pohotala, lombut nokuh koloang mangat monjadi korinah inon ijo konuaioh rih anairih numbun kohondak Pohotala.

KESAH RASUL-RASUL 9:31

Mahka ukup-ukup ang hopus Yudea, Galilea tutang Samaria nyolung boranai. Aang pondohop Roh Pohotala, homboh mihkoh umba Tuhan ukup-ukup rih botambah ba'as tutang mondahang aro.

KESAH RASUL-RASUL 9:36

Ang Yope anai ihcobehti ulunbawi bogare Tabita. Io ihcobehti ulun ijo porocaya umba Tuhan Yesus. (Araioh aang bahasa Yunani, iorih Dorkas, ijo rimaioh uhcang.) Io toturus ih nguan hal-hal ijo pios, tutang ndohop ulun porosbolum.

RUMA 8:1

Uhuntuh eam anai hino pohukuman toharep iro ijo bolum hihco umba Kristus Yesus.

RUMA 8:29

Iro ijo jari konopili bain Pohotala, jari ka'a tonahtap tahkan toparai-Oh ahkan monjadi samakolou umba Anak-Oh, io rih Yesus Kristus. Honong kodorih, Anak rih monjadi ijo pahtuk ang louk aro Konduang-konduang-Oh.

1 KORINTUS 3:9

Ihkai anairih ulun-ulun ijo hombo-homboh bogawi ahkan Pohotala; tutang ihkam anairih kolou umon Pohotala. Konduang-konduang anairih ka'a kolou lohpou Pohotala.

2 KORINTUS 5:17

Ulun ijo jari hihco umba Kristus, monjadi kolunon bohua samasino. Ijo tahi jari eam aro hino – paringoh jari monjadi bohua.

2 KORINTUS 5:5

Ijo monyodiarih ihto ahkan orihrih, anairih Pohotala bongoi, tutang Io nonga Roh-Oh ahkan ihto kolou jaminan.

2 KORINTUS 9:8

Pohotala bokowasa nonga ahkan ihkam borehkat ijo molowi murai, mangat ihkam toturus anaingina inon ijo ihkam poruluoh; malahan ihkam ahkan labih aro ahkan nguan angpios tutang boamal.

GALATIA 6:15

Tonosunat ata'ai eam tonosunat, orih eam boguna. Ijo boguna io rih monjadi ulun bohua.

EPESUS 1:1

Ukup Pohotala ang Epesus, ijo bokehtep umba Kristus Yesus!

EPESUS 1:4

Sounumba kolunon tuh tona'oi, Pohotala ius mitih ihto nguha Kristus umba maksud, mangat ihto monjadi ulun-Aiu-Oh ijo khusus, tutang eam cahcat ang toharep-Oh. Tului sitan Pohotala,

EPESUS 2:13

Tahpi huntuh, kotului ihkam jari hihco umba Kristus Yesus, ihkam ijo lomoi mahcu, jari nokondoni bain popahtoi Kristus.

EPESUS 2:15

Hukum agama Yahudi hawui poretah-poretah tutang aturan-aturan-Oh jari tongudap bain Kristus, mangat duo uhtus rih monjadi ihco uhtus kolunon bohua, ijo hihco umba Io. Umba cara orihrih Kristus ngonjorian kobuah.

EPESUS 2:2

Ang ohkot rih ihkam nutut tobiat-tobiat kolunon tuh; rimai ihkam te'et umba kowasa ang pinda langit, iorih roh ijo huntuh mongowasa ahtoi, ulun-ulun ijo eam te'et umba Pohotala.

EPESUS 2:6

Kotului ihto hihco umba Kristus Yesus, Pohotala ngomonyun ihto hoduli hombo-homboh Io, mangat ihto moretah ka'a hombo-homboh Io ang luwang soruga.

EPESUS 4:1

Bain orih ahku – ihcobehti tonahan, ijo tonahan kotului mohalu Tuhan – nyawot hawui paham umba'kam; bolum sorurui umba ponuot'mu, kolou ulun ijo ius tona'ah bain Pohotala.

EPESUS 4:24

Kohondakrih ihkam bolum kolou kolunon bohua ijo tona'oi numbun pola Pohotala; iorih umba tobiat ijo morong, bujur tutang borasih.

PILIPI 1:6

Pohotala bongoi ijo monopara gawi ijo pios rih aang'kam. Tutang ahku yahkin Io ahkan noturus karon gawi orih rih nyiring tondo aang Ondou Kristus Yesus lombut hoduli.

PILIPI 2:13

kotului Pohotala bongoi, ijo bogawi ang luwang arop'kam, ahkan nguan ihkam rela tutang sanggup nyanang ahtoi Pohotala.

KOLOSE 1:10

Honong kolouorih ihkam dahpot bolum numbun konohuang Pohotala, tutang turus monyanang ahtoi-Oh, nyiring a'ang kokaro ang'co ihkam dahpot mohasilrih hal-hal ijo pios. Tutang pongotaan ihkam, tohou Pohotala ka ahkan botambah ka'a.

KOLOSE 3:10

Ihkam huntuh jari tononga pombolum ijo bohua. Ihkam anairih kolunon bohua, ijo rahat tombohua toturus bain Pona'oioh, yorih Pohotala, numbun tapai-Oh bongoi. Maksudoh iorih mangat ihkam ngosono Pohotala honong soporuna.

1 TIMOTEUS 2:10

Sobalikoh ulunbawi pios mokahjan aropoh umba gawi-gawi ijo pios, koloukuwoh ijo pahtut ahkan ulunbawi ijo sombayang ahkan Pohotala.

1 TIMOTEUS 5:10

bosewut kolou ulunbawi ijo nguan hal-hal ijo pios, kolou misaroh; jari pohajo anak-anakoh honong pios, sanang norima bohkonuhtus nginap ang lohpouoh, mohalu ulun-ulun porocaya, mondohop ulun-ulun ijo susah, tutang nguan rih hawui tu'u-tu'u, kokaro mahcam gawi ijo pios.

1 TIMOTEUS 5:25

Kodorih ka'a gawi-gawi pios nyolung gihtan. Tutang ijo murah gihtan sinoka, eam tou toturus tonyuhuk.

1 TIMOTEUS 6:18

Nyawotrih ahkan iro, mangat nunjuk kopios, ahkan aro nguan hal-hal ijo pios, murah ahtoi, tutang rajin mononga.

2 TIMOTEUS 2:21

Ulun ijo porasih aropoh tahkan paring ijo ja'at, ulun rih tohapan ahkan gunan ijo mombahtang. Io monjadi ain ijo khusus tutang boguna ahkan tuanoh. Io tonahtap ahkan tohapan bagi nyinong gawiu ijo pios.

2 TIMOTEUS 3:17

Umba Surat Borasih rih, ulun ijo mohalu Pohotala dahpot tonyuhkup honong soporuna ahkan kokaron mahcam gawi ijo hinut.

TITUS 2:14

Io jari moporahpah arop-Oh bagi ihto, ahkan momorodehka ihto tahkan kokaro koja'at, tutang ngonjorian ihto ihco ukup ijo morodehka tahkan dusa, tutang ijo monjadi Aiu-Oh iou, hawui ijo rajin nguan ang hinut.

TITUS 2:7

A'ang kokaron hal, hondakrih ihko monjadi sutu hadat ijo hinut. Amat ihko majar, ihko harus bujur tutang tu'u-tu'u.

TITUS 3:1

Mopingatrih anak-anak ukup'mu, mangat iro tunduk umba okon-okon tutang pongowasa nogara, hawui te'et tutang bosodia nguan nyinong hal ijo hinut.

TITUS 3:14

Ulun-ulun iro harus bolajar nguan hal-hal ijo pios, mangat duon nyukup koporoluan-koporoluan ijo paham baguna, a'ai nyiring iro bolum eam gunai.

TITUS 3:8

Auh tuh tu'u-tu'u morong. Ahku kani ihko monihkin hal-hal tuh, mangat ulun-ulun ijo porocaya umba Pohotala tu'u-tu'u bousaha, ahkan nguan gawi-gawi ijo pios tutang boguna ahkan paring ulun.

IBRANI 10:24

Tutang hondakrih ihto saling nohtoani, mangat saling hotonga hojuhung ahkan ngasi sosama tutang nguan hal-hal ijo hinut.

IBRANI 13:21

Keleh Pohotala tohasak kosanang orih monyuhkup ihkam umba kokaron ijo hinut ijo ihkam poruluoh ahkan nguan kohondak-Oh. Keleh hawui nguha Yesus Kristus, Pohotala bogawi ang luwang ihto, inon ijo tongojolik-Oh. Hondakrih Kristus tomohoromat turus-jahamoh. Amen.

1 PETRUS 2:12

Hadatdasar'mu, ang tohun ulun ijo eam kosono Tuhan harusrih labih pios, nyiring amat iro mopitnah ihkam, kolou ulun ja'at, iro ka'a harus ngahku angkonuan'mu ijo pios, nyiring iro ahkan monara Pohotala ang ondou polombut-Oh.

1 YOHANES 1:7

Tahpi amat ihto bolum ang luwang koloang, koloukuwoh Pohotala anai ang luwang koloang, mahka ihto bolum heret, rukun ihco sama ijobohkon, tutang dahan Yesus, Anak-Oh muhi ihto tahkan kokaro dusa.

1 YOHANES 2:6

Ia-iai nuhtui ijo Io bolum hihco umba Pohotala, Io harus bolum nutut lohkun Kristus.