EPESUS 1:9 - BOWOT BOHUA

⁹ Numbun konohuang-Oh bongoi, Pohotala ngorinah ahkan ihto rahasia rancana-Oh; Io ius momuhtusoh ijo rancana-Oh rih ahkan tongopahoh nguha Kristus.

EPESUS 1:9 ပူးပေါင်းရင်းမြစ်များ

MATEUS 13:11

Yesus mutah, “Tului ihkam ius tononga pononga ahkan ngotaan rahasia tutang koloukuwoh Pohotala moretah, rahatoh iro eam.

LUKAS 12:32

‘‘Ihkam ijo tihkas koik jamalahoh ara mihkoh! Tului Amai'kam sanang nonga ahkan'kam borehkat tahkan Pomoretah-Oh.

LUKAS 2:14

‘‘Tara ahkan Pohotala ang langit ijo palingdiang! Tutang ang isung tana kosanangsolamat rih ahkan ulun ijo ngojorih ahtoi Tuhan!’’

KESAH RASUL-RASUL 13:48

Ang ohkot ulun-ulun uhtus bohkon ijo eam Yahudi ngonih orih, iro jorih ahtoi samasino, turus monara-nara auh Tuhan. Tutang ulun-ulun ijo jari konahtuh bain Pohotala ahkan norima pombolum sojahti tutang kototahiu, ulun-ulun rih porocaya.

KESAH RASUL-RASUL 2:23

Hosorurui umba rancana-Oh bongoi, Pohotala nuhkas ahkan nyorahoh Yesus ahkan'kam. Tutang kotihka Io tonyarahoh, ihkam munu Io honong mohonou ulun-ulun ja'at mahpak Io.

KESAH RASUL-RASUL 4:28

Iro hihco ahkan nguan kokaro aang'co, ijo Ihko jari nyodiaoh labih houn, jarih ahkan nyolung. Tutang Ihko nahtap orih isun kowasa tutang kokani-Mu bongom.

RUMA 11:25

Konduang-konduang! Ahku harap ihkam, ara komo jari kosono kokaro-karoioh. Tului anai ihco hal ijo konohuang bain Pohotala, tahpi ijo jaha ngota'an ulun. Tutang ahku kani ihkam ngota'an yorih tuh: Ihco kobagi tahkan ulun Yahudi mahang ahtoioh, tahpi sikap iro rih, ahkan toturus tihkas johcok jombalah ulun-ulun bohkon Yahudi ijo lombut ahkan Pohotala jari sukup.

RUMA 8:28

Ihto kota'an, ijo Pohotala ijo ngahtur kokaron hal nyiring momua ijo pios ahkan ulun-ulun ijo ngasih Io, tutang ijo tona'ah-Oh, tohorong umba rancana-Oh.

1 KORINTUS 1:21

Kotului koloukuwoh ka kopihtaroh kolunon, io eam dahpot kosono Pohotala nguha kopihtaroh bongoi. Tahpi justru kobain Pohotala pihtar, mahka Io nohuang nyolamat ulun-ulun ijo porocaya umba Io, nguha borihta ijo ihkai nyiaroh ijo tongohu auh alik kobain kolunon.

GALATIA 1:12

Ahku eam norima kabar rih tahkan kolunon, tutang eam ihcobehti ka ijo majaroh ahkak'ku. Yesus Kristus bongoi ijo nguaprihoh usin Kabar Hinut rih ahkak'ku.

GALATIA 1:15

Tahpi kotului kopios ahtoi Pohotala, Io ngopili ahku hounmba ahku konanak, tutang na'ah ahku ahkan mohalu Io.

GALATIA 1:16

Pohotala ngorinah Anak-Oh ahkak'ku, mangat Kabar Hinut tohou Anak-Oh dahpot ahku mborihtaoh ahkan ulun-ulun bohkon Yahudi. A'ang ohkot rih, ahku eam tulak ahkan ihcobehti ka ahkan nyawot nasehat.

EPESUS 1:11

Pohotala monguan kokaron aangihco, numbun kojolik-Oh tutang kopuhtusai-Oh bongoi. Tahkan pahtuk Io jari mitih ihto, tului Io jolik mangat ihto monjadi ukup-Oh kotului hihco umba Kristus.

EPESUS 1:8

Io nguan orih tului Io paham ngasih ihto, tutang asiu rih tonosorah-Oh ahkan ihto, honong tuwi kopitar tutang kohorahti.

EPESUS 3:11

Pohotala nguan rih tohorong umba rancana-Oh ijo kototahiu, ijo tononguai-Oh hawui nguha Kristus Yesus Tuhan ihto.

1 TIMOTEUS 3:16

Eam ihcobehti ka dahpot molawan, eaminon kohajoioh rahasia agaman ihto, Io ngorinah arop a'ang tapan kolunan, tutang tongorinah morong bain Roh Pohotala, hawui gihtan bain dolang molehkat. Borihtaoh uras konahan ang tohun uhtus-uhtus, tutang Io toporocaya ang hopus kolunon tutang konahtang nokuh soruga.

2 TIMOTEUS 1:9

Pohotala monyolamat ihto, tutang na'ah ihto, mangat monjadi ukup-Oh bongoi. Io nguan rih eam hogalang inon ijo ihto jari nguai, molekan hogalang rancana-Oh bongoi, tutang pononganasi-Oh. Io nonga ihto pononganasi-Oh nguha Kristus Yesus sounmba kolunon tuh tona'oi.