EPESUS 1:8 - BOWOT BOHUA

⁸ Io nguan orih tului Io paham ngasih ihto, tutang asiu rih tonosorah-Oh ahkan ihto, honong tuwi kopitar tutang kohorahti.

EPESUS 1:8 ပူးပေါင်းရင်းမြစ်များ

MATEUS 11:19

Huntuh Anak Ulun lombut – Io kuman tutang ngorih; turus ulun-ulun ngohawot io, ‘Nohto ulun tuh! Bokora, pombosou, hojolahan umba ponagih pajak, tutang hojolahan umba ulun bodusa.’ Oluka kodorih, kopihtar Pohotala gihtan tahkan bua gawiouoh.”

RUMA 11:33

Tu'u-tu'u hebat kotahtou Pohotala! Tu'u-tu'u hajo kowasan kohorahti tutang pongotaan Aiu! Iaikah ijo dahpot nyolidik koputusan-koputusan-Oh? Iaikah ijo dahpot nyolembang cara-cara Io bogawi?

RUMA 5:15

Tahpi ijo koduooh rih eam sama; tului ponongan Pohotala mahcu labih kohajoi, amat tonihpong umba kototurung ijo konuan bain Adam. Kototurung ihco behti, kotuluirih aro ulun mahtoi. Eam inon labih hajo hino kojorian tahkan pononganasi Pohotala, tutang ponongan solamat ijo tononga-Oh, ahkan kodorih karon ulun nguha kohinut ahtoioh ihcobehti, yorih Yesus Kristus.

1 KORINTUS 2:7

Kopihtar ijo ahku nyorihtaoh tuh, iorih kopihtar tahkan Pohotala. Kopihtar rih eam tongota'an kobain kopihtaran kolunon, tahpi Pohotala jari nahtap ahkan kosanang ihto sounumba kolunon tuh jari tona'oi.

EPESUS 1:11

Pohotala monguan kokaron aangihco, numbun kojolik-Oh tutang kopuhtusai-Oh bongoi. Tahkan pahtuk Io jari mitih ihto, tului Io jolik mangat ihto monjadi ukup-Oh kotului hihco umba Kristus.

EPESUS 1:7

Tului, bain popahtoi Kristus, ihto tomorodehka bain Pohotala, rimai Io jari ngapun ihto tahkan dusa-dusan ihto.

EPESUS 1:9

Numbun konohuang-Oh bongoi, Pohotala ngorinah ahkan ihto rahasia rancana-Oh; Io ius momuhtusoh ijo rancana-Oh rih ahkan tongopahoh nguha Kristus.

EPESUS 3:10

Maksud Pohotala iorih, mangat huntuh, nguha ukup, paring ijo nambit kokuwasa'an ang pindalangit ngota'an kopihtaran Pohotala, a'ang dolang mahcam tapaioh.

KOLOSE 2:3

Kristusrih ijo monguapoh kokaro kopihtar tutang kohorahtin Pohotala ijo jamanlomoi tosuhuk.

YUDAS 1:25

Iorih ihco-ihcooh Pohotala, Ponyolamat ihto nguha Yesus Kristus Tuhan ihto. Iorih Pohotala ijo tonohoromat Hajo, Bokowasa tutang Bopongaroh tahkan jaman houn lomoi nyiring huntuh tutang ahkan turus-jahamoh! Amen.

PONGORINAH 5:12

Tutang iro monyanyi umba auh ijo muhing, ‘‘Anak Tobiri ijo jari tonyombolih rih, pahtut ahkan norima kowasa, ponahtou, kopihtaran tutang koba'as; Io pahtut tonohoromat iou, tonohajo, tutang tonara-nara!’’