EPESUS 1:7 - BOWOT BOHUA

⁷ Tului, bain popahtoi Kristus, ihto tomorodehka bain Pohotala, rimai Io jari ngapun ihto tahkan dusa-dusan ihto.

EPESUS 1:7 ပူးပေါင်းရင်းမြစ်များ

MATEUS 20:28

Sama kolou Anak Ulun rih ka'a; Io lombut eam ahkan tonohalu, tahpi ahkan mohalu, tutang nyorah hasong-Oh ahkan momordehka aro ulun.”

MATEUS 26:28

Tului tuhrih daha-Ku ijo monsah bowot Pohotala – daha ijo tonusuh ahkan aro ulun ahkan pongapun dusan'ndo.

MATEUS 6:12

Ngapunrih ihkai tahkan kosalan'kai, kolou ihkai jari ngapunoh ulun ijo bosala umba ihkai.

MARKUS 14:24

Ulimba Yesus nuhtui, ‘‘Tuhrih dahak-Ku ijo mondehen bowot Pohotala, daha ijo tonusuh'ku ahkan aro ulun.

LUKAS 1:77

mangat momborihta ahkan ukup-Oh ijo iro ahkan tonyolamatoh, amat Pohotala jari mongapun dusa-dusan iro.

LUKAS 24:47

Ka'a ijo ngosan aran Lahca Ponyolamat rih koharusoh tomborihta ahkan uhtus-uhtus, ijo ulun harus hubah, tutang ijo Pohotala ngapun dusa-dusa. Tutang borihta rih harus tomborihta nopara tahkan Yerusalem.

YOHANES 20:23

Amat ihkam ngapun dusa ihcobehti ulun, Pohotala ka'a ngapunoh. Amat ihkam eam ngapun kosalan ihcobehti ulun, Pohotala ka'a eam ngapunoh.’’

KESAH RASUL-RASUL 10:43

Paring nabi-nabi momander tohou Io. Iro nuhtui ijo paring ulun ijo porocaya umba Yesus, ahkan duonapun dusaoh honong kowasa tahkan Yesus.’’

KESAH RASUL-RASUL 2:38

Petrus mutah, ‘‘Hubahrih, tahkan dusa-dusan'kam. Tutang pios ihkam nyinong behti ponopondus aang aran Yesus Kristus mangat dusa-dusan'kam tongapun. Mahka konduang-konduang ahkan norima ponongan Roh Pohotala tahkan Pohotala.

KESAH RASUL-RASUL 20:28

Hondakrih ihkam monjaga arop tutang monjaga ka'a sohopus ukup ijo jari tonosarah Roh Pohotala ahkan'kam ahkan tonojaga. Tului ihkam jari konahtang monjadi ponuneng ukup rih. Pios ihkam jorih monjaga ukup Pohotala rih kolou sokahtik monjaga tobiri-tobirioh. Tului Pohotala jari ngonjorian ukup rih aiu-Oh bongoi, nguha popahtoi Anak-Oh bongoi.

KESAH RASUL-RASUL 3:19

Bain tului orih konduang-konduang hubahrih tahkan dusa-dusa'kam tutang buli nokuh Pohotala mangat Io potihou dusa-dusa'kam.

RUMA 2:4

Ata'ai ihkam nopahjah eambakaoh kotoun Pohotala tutang koboluhang ahtoi, hawui kosabar-Oh ijo kodorih kohajoi? Musti ihkam ta'an ijo Pohotala pokarahoh kohinut ahtoi-Oh, tului Io kani mangat ihkam hubah tahkan dusa-dusan'kam.

RUMA 3:24

Tihkas tului pononganasi Pohotala ijo tonongaoh honong cuma-cuma, hokohihco ulun umba Pohotala monjadi pios hoduli, caraoh iorih; ulun tonoliwusoh bain Kristus Yesus.

RUMA 3:25

Pohotala noparahpah Yesus Kristus, mangat honong popahtoi-Oh rih ulun tongorimahoh ius boliwus tahkan kosalaioh, amat iro porocaya umba Io. Pohotala nguan angkodorih ahkan ngorinah koadilan-Oh. Tului ang wayah ijo houn Pohotala ius nyolenankosabar ngindoi, toharep dusa-dusan ulun. Nyiring Io eam mohukum iro.

RUMA 9:23

Pohotala ka'a boniat ngorinah ahkan ihto kosanangkomangat molowi-lowi ijo tonusuh-Oh ahkan ihto ijo ponokasih-Oh. Ihto jari tonahtap-Oh ahkan monorima kosanangkomangat rih.

1 KORINTUS 1:30

Pohotala bongoi ijo napa nyiring Konduang hihco umba Kristus Yesus. Nguha Kristus, ihto monjadi horahti. Tutang nguha Io ka'a Pohotala nguan ihto hokopios hoduli umba arop-Oh, monjadi ihto ukup-Aiu ijo khusus tutang ngoliwus ihto.

2 KORINTUS 8:9

Tului ihkam ngota'an tu'u, ijo ihto karas tonokasih kobain Yesus Kristus Tuhan ihto. Io tahtou, tahpi Io nguan arop-Oh monjadi porosbolum ahkan kogunan ihkam, mangat umba koporosbolum-Oh rih ihkam monjadi tahtou.

EPESUS 1:14

Roh orihrih njaminoh ijo ihto ahkan norima inon ijo jari tonobowot Pohotala ahkan ukup-Oh. Tuh nonga koyakinan ahkan ihto ijo Pohotala ahkan momorodehka ukup-Oh. Tonotararih Pohotala kotului kohajoi-Oh!

EPESUS 1:18

Ahku nyawot mangat Pohotala nguap tiruk'kam nyiring monjadi boloang; mangat ihkam horahti inon ijo ihkam dahpot harapoh tahkan Pohotala ijo na'ah ihkam. Ka'a mangat ihkam ta'an eaminon botusuh borehkat-borehkat ijo bohinoi ijo tonahtap Pohotala ahkan ukup-Oh,

EPESUS 1:6

Tonotararih ahkan Pohotala ijo Hajo, kotului nguha Anak-Oh ijo tongasih Io paham ngasih ihto.

EPESUS 1:8

Io nguan orih tului Io paham ngasih ihto, tutang asiu rih tonosorah-Oh ahkan ihto, honong tuwi kopitar tutang kohorahti.

EPESUS 2:4

Tahpi eaminon kohajoi kolomun ahtoi Pohotala! Io kodorih ngasi ihto,

EPESUS 2:7

Pohotala nguan orih, mangat aang jaman ijo ahkan lombut kolunon dahpot nopahjah eaminon kohajoioh asin Pohotala. Asiu rih tongorinah Pohotala, nguha kohinut ahtoi-Oh ahkan ihto, umba poholat Kristus Yesus.

EPESUS 3:16

Ahku bodo'a keleh Pohotala ijo tonohoromat jorih ahkan ngomba'as homboruan'mu umba Roh Aiu.

EPESUS 3:8

Ang louk paring ukup Pohotala, ahkurih ijo paling hina. Tahpi Pohotala nonga ahkak'ku pononga tuh, gawi ahkan mborihta ahkan ulun-ulun bohkon Yahudi, Kabar Hinut tohou kotahtou Kristus ijo eam anai koopahoh;

PILIPI 4:19

Pohotala ijo ahku nyembah, ijo nusuh tahkan kotahtouoh a'ang Kristus Yesus, ahkan monuwi kokaro koporulu'kam.

KOLOSE 1:14

Bain Anak-Oh rih ihto tomorodehka; bororima dusa-dusan ihto jari tonapun.

KOLOSE 1:27

Ahkan ukup Aiu rih, Pohotala kani ngorinahoh eaminon kopiosoh tutang kohajooh rahasia-Oh rih bagi sohopus ukup kolunon. Rahasia orihrih, iorih: Kristus anai luwang arop'kam, ijorimai ihkam ahkan hawui nginyam kohajon Pohotala.

KOLOSE 2:13

Lomoi, ihkam jari mahtoi socara rohani, tului ihkam jari bodusa, tutang tului ihkam eam tonyunat socara koulun. Tahpi huntuh Pohotala ngombolum ihkam hombo-homboh umba Kristus, Pohotala jari mongapun dusa-dusan ihto,

KOLOSE 2:2

Paringoh tuh ahku nguaioh, mangat ahtoi iro monjadi ba'as tutang iro saling mongasih, nyiring iro lehket hihco. Umba kodorih iro tu'u-tu'u horahti tutang yahkin hawui ngosono rahasia Pohotala, yorih Kristus bongoi.

1 TIMOTEUS 2:6

Io ihcobehti kolunon, ijo jari monyarah arop-Oh ahkan momordehka paring ulun, tahkan kahut dusa-dusan iro. Umba orih Pohotala ngorinah aang ohkot ijo metuk, ijo Io jolik mangat paring ulun tonyolamatrih.

TITUS 2:14

Io jari moporahpah arop-Oh bagi ihto, ahkan momorodehka ihto tahkan kokaro koja'at, tutang ngonjorian ihto ihco ukup ijo morodehka tahkan dusa, tutang ijo monjadi Aiu-Oh iou, hawui ijo rajin nguan ang hinut.

TITUS 3:6

Pohotala nusuh Roh-Oh ahkan ihto honong poholat Yesus Kristus, Lahca Ponyolamat ihto.

IBRANI 9:22

Puna numbun hukum agama Yahudi, bilak kokaro angihco tomuhiborasih umba daha; tutang dusa tihkas tou tonahpun, amat anai tusuh daha.

1 PETRUS 2:24

Kristus bongoi ngohtun dusa-dusan ihto aang arop-Oh ngosan kahju sopolahki, mangat ihto morodehka tahkan kowasan dusa, tutang bolum numbun konohuang Pohotala. Himang-himang Kristusrih ijo ngopios ihkam.

1 PETRUS 3:18

Kotului Kristus bongoi mahtoi tihkas sino iou, ahkan turus-jahamoh kotului dusan kolunon – ihcobehti ijo eam bosala, mahtoi ahkan ulun ijo bosala. Kristus nguan ohrih rih, mangat Io dahpot nihting ihkam nokuh Pohotala. Io tomunu socara behtiuoh, tahpi tonombolum hoduli socara rohani.

1 YOHANES 2:12

Ahku nyurat ahkan'kam, Anak-inyam, bain dusan'kam jari tonapunoh, tului Kristus.

1 YOHANES 2:2

Honong poholat Yesus Kristus orih rih, dusa-dusan ihto tonapunoh. Tutang eamoh dusa-dusan ihto iou, molekan dusan paring ukup kolunon ka'a.

1 YOHANES 4:10

Tuhrih kasih: Bohkon ihto ijo jari ngasi Pohotala, tahpi Pohotala ijo ngasi ihto, tutang nyuhu Anak-Oh, mangat nguha Io ihto mondahpot pongapunan ngosan dusa-dusan ihto.

PONGORINAH 14:4

Iro rih ulun-ulun ijo tahtap brasih kolou anakdara, tului eam nguan kohihco umba ulunbawi. Iro nutut Anak Tobiri rih, nokuh umoh iou Io tulak. Tahkan louk sohopus ukup ulun, irorih ijo jari tomorodehka kolou ponyorahan pahtukoh ahkan Pohotala tutang ahkan Anak Tobiri.

PONGORINAH 5:9

Iro monyanyi ihco lagu ijo bohua: ‘‘Ihko pahtut ngomin surat rih tutang musit segel-segeloh. Tului Ihko jari tomunu, tutang honong popahtoi-Mu, ulun tahkan kokaro lihting, bohasa, nogara tutang uhtus jari tonomoli bain'mu ahkan Pohotala.