EPESUS 1:5 - BOWOT BOHUA

⁵ mahka Io ius ngahtuh labih sounlomoi ijo nguha Yesus Kristus, Io ahkan potuot ihto monjadi anak-anak Aiu bongoi. Tutang puna orih rih ijo jolik tononguai-Oh.

EPESUS 1:5 ပူးပေါင်းရင်းမြစ်များ

MATEUS 1:25

Tahpi kotahin Maria jaha nganak anakoh rih, Yusep eam hihco umba Maria. Tutang uli anakoh rih konanak Yusep napa araioh Yesus.

MATEUS 11:26

Orihlah ijo ngojorih ahtoi Amai.”

LUKAS 10:21

Aang ohkot rih ka'a, Yesus jorih tului konowasa bain Roh Pohotala. Yesus nuhtui, ‘‘Amai, Tuhan ijo mongowasa langit tutang tana! Ahku norimakasih ahkan-Mu, tului paring orih Ihko ngulimoh tahkan ulun-ulun ijo pitar tutang boilmu, tahpi Ihko ngorinah ahkan ulun-ulun ijo eam pitarhorahti. Orih ijo ngojorih ahtoi Amai.

LUKAS 11:32

Aang ondou kiamat ulun lowu Niniwe ahkan tombok homboh ulun-ulun jaman tuh, tutang ndawa iro, tului ulun Niniwe rih hubah tahkan dusa-dusan'ndo, kotihka Yona kotbah ahkan'ndo. Tahpi ang ohtoi uhuntuh anai ijo molowi hajo tahkan Yona!’’

LUKAS 12:32

‘‘Ihkam ijo tihkas koik jamalahoh ara mihkoh! Tului Amai'kam sanang nonga ahkan'kam borehkat tahkan Pomoretah-Oh.

YOHANES 1:12

Olukolouorih anai ka'a ulun ijo norima Io tutang porocaya umba-Oh; iro tononga-Oh hak monjadi Anak Pohotala,

YOHANES 11:52

Tutang eam bagi uhtus Yahudi beweu, tahpi ka'a ahkan muhpungoh tutang mopohihco anak-anak Pohotala ijo bilang-bahas.

YOHANES 20:17

‘‘Ara nambit Ahku,’’ hion Yesus umba io, ‘‘tului Ahku jaha tulak nuhkat nokuh Amai. Tahpi tulak iou nokuh konduang-konduang-Ku, tutang momborihta ahkan iro ijo Ahku uhuntuh nuhkat nokuh Amai-Ku tutang Amai'kam, Pohotalak-Ku tutang Pohotalan ihkam.’’

KESAH RASUL-RASUL 13:48

Ang ohkot ulun-ulun uhtus bohkon ijo eam Yahudi ngonih orih, iro jorih ahtoi samasino, turus monara-nara auh Tuhan. Tutang ulun-ulun ijo jari konahtuh bain Pohotala ahkan norima pombolum sojahti tutang kototahiu, ulun-ulun rih porocaya.

RUMA 8:23

Tutang eamoh sohopus kolunon bewe ijo ngorunguh; ihto bongon ka ngorunguh ang luwang homboruan'to. Ihto jari norima Roh Pohotala, kolou ponongan Pohotala ijo pahtukoh, tahpi ihto magun ka'a ngindoi Pohotala nguwat arop ihto paringoh, tutang ngonjorian ihto monjadi anak-anak-Oh.

1 KORINTUS 1:1

Konduang-konduang ukup Pohotala ang Korintus! Konduang jari tona'ah bain Pohotala ahkan monjadi ukup-Aiu, kobain Konduang ain Yesus Kristus, hombo-homboh paring ulun ang umoh ka'a ijo nyembah Tuhan ihto Yesus Kristus, iorih Tuhan iro tutang Tuhan ihto ka'a. Ahku, Paulus, tutang konduang ihto Sostenes, harap, keleh Pohotala, Amai ihto, tutang Tuhan Yesus Kristus nonga borehkat tutang kosanang komangat ahkan'kam. Ahku nyurat surat tuh, kolou rasul Kristus Yesus, ijo ponotuot bain Pohotala bongoi tutang kobain konohuang-Oh ka'a.

1 KORINTUS 1:21

Kotului koloukuwoh ka kopihtaroh kolunon, io eam dahpot kosono Pohotala nguha kopihtaroh bongoi. Tahpi justru kobain Pohotala pihtar, mahka Io nohuang nyolamat ulun-ulun ijo porocaya umba Io, nguha borihta ijo ihkai nyiaroh ijo tongohu auh alik kobain kolunon.

2 KORINTUS 6:18

Ahku ahkan monjadi Amai'mu, tutang ihkam ahkan monjadi anak-anak-Ku, kolouorih hion Tuhan Ijo Mahakowasa.’’

GALATIA 3:26

Tului ihkam porocaya umba Kristus Yesus, mahka ihkam hihco umba Io; tutang bain kotului orih ihkam monjadi anak-anak Pohotala.

EPESUS 1:11

Pohotala monguan kokaron aangihco, numbun kojolik-Oh tutang kopuhtusai-Oh bongoi. Tahkan pahtuk Io jari mitih ihto, tului Io jolik mangat ihto monjadi ukup-Oh kotului hihco umba Kristus.

EPESUS 1:9

Numbun konohuang-Oh bongoi, Pohotala ngorinah ahkan ihto rahasia rancana-Oh; Io ius momuhtusoh ijo rancana-Oh rih ahkan tongopahoh nguha Kristus.

PILIPI 2:13

kotului Pohotala bongoi, ijo bogawi ang luwang arop'kam, ahkan nguan ihkam rela tutang sanggup nyanang ahtoi Pohotala.

KOLOSE 1:19

Pohotala bongoirih ijo mongohondakoh, mangat kokaro ang'co ijo tonyombang aang arop Pohotala, tonyombang ka'a honong sukup ang arop Anak-Oh.

2 TESALONIKA 1:11

Orih kotuluioh ihkai toturus bodo'a ahkan'kam. Ihkai bodo'a mangat Pohotala ngonjorian ihkam layak ahkan bolum numbun kohondak-Oh; ahkan orih rih Io na'ah ihkam. Keleh Pohotala umba kowasa-Oh, molalus kojolik-Oh, ahkan nguan kopios. Tutang nyoporuna paring gawi ijo ihkam nguaioh, tului porocaya umba Kristus.

IBRANI 2:4

Ang bambai orih, Pohotala umba ngondehen kosaksian ulun-ulun rih, hawui nahtap karo mahcam tandahelan tutang hal-hal luar biasa honong mbagi-bagioh pononga-pononga tahkan Roh Pohotala numbun konohuang-Oh bongoi.

1 YOHANES 3:1

Nohtorih, eaminon Pohotala masi ihto, nyiring ihto tongahku kolou anak-anak-Oh. Tutang puna ihto anai rih anak-anak Pohotala. Orihrih bainoh kolunon ijo ja'at tuh eam kosono ihto, kotului kolunon eam ngosono Pohotala.

PONGORINAH 21:7

Ulun-ulun ijo manang ahkan norima hal-hal rih tahkanumba Ahku. Ahku ahkan monjadi Pohotalaioh, tutang io monjadi anak-Ku.