EPESUS 1:20 - BOWOT BOHUA

²⁰ ijo tohapa-Oh kotihka mombolumoh hoduli Kristus tahkan popahtoi tutang nonga ahkai-Oh ponuot pongoisung hihco umba Pohotala ang soruga.

EPESUS 1:20 ပူးပေါင်းရင်းမြစ်များ

MATEUS 26:64

Yesus mutah, “Kolouorih hion'mu. Tahpi porocaya iou: nopara uhuntuh ihkam ahkan nohto Anak Ulun tuot ang sila koto'un Pohotala Ijo Mahakowasa, tutang lombut ang ngosan baunondou ang langit!”

MATEUS 28:18

Yesus ngondoni iro tutang nuhtui, “Paring kowasa ang soruga tutang ang ngosan tana jari tonyorah ahkak-Ku.

MARKUS 14:62

‘‘Ahku rih Io,’’ mutah Yesus, ‘‘tutang ihkam paring ahkan nopahjah Anak Ulun tuot ang sila kotoun Pohotala Ijo Pahamkowasa tutang lombut ang baunondou ang langit!’’

MARKUS 16:19

Limbah Tuhan Yesus hopander umba iro, Io hogahtang ahkan soruga. Ang anan Io moretah hihco umba Pohotala.

YOHANES 10:18

Eam aro ihcobehti ka duon ngomiuoh tahkan Ahku. Ahku nyarahoh ngosan konohuang-Ku bongok. Ahku bokowasa ahkan nyarahoh, tutang bokowasa ngomiuoh huli. Orihrih gawik'ku ijo Ahku torima tahkan Amai-Ku.’’

YOHANES 10:30

Ahku tutang Amai anairih ihco.’’

KESAH RASUL-RASUL 10:40

Tahpi aang ondou ijo tolu Pohotala ngomonyunoh Io hino tahkan popahtoi, tutang ngorinah Io ahkan ulun;

KESAH RASUL-RASUL 26:8

Ombai konduang-konduang ulun-ulun Yahudi eam duon porocaya ijo Pohotala jari mombolum hoduli ulun mahtoi?

KESAH RASUL-RASUL 4:10

Nah Tuan-tuan paringoh harus ngota'an tutang paring uhtus Israel ka, harus ngota'an ijo ulun tuh tombok huntuh honong behtiu ijo sehat ang toharep Tuan-tuan, tului koba'as tutang kowasa tahkan Yesus Kristus ulun Nasaret rih. Tuan-tuan jari nyopolahki Yesus rih, tahpi Pohotala jari ngombolum Io huli tahkan louk ulun mahtoi.

KESAH RASUL-RASUL 5:31

Tutang Pohotala jari nonga ahkai-Oh ponuot tutang kowasa ijo isung monjadi Okon tutang Ponyolamat; mangat uhtus Israel tononga kosapet ahkan hubah tahkan dusa-dusaoh, tutang ngonduon pongapunan.

RUMA 1:4

tahpi socara ko-Pohotala-Oh Io korinah anairih Anak Pohotala. Orih nyahta umba kobasa ijo luar biasa nguha komonyun Aiu tahkan popahtoi.

RUMA 8:34

Inonrih anai ulun ijo kani monosalan ihto? Kristus Yesus noin ijo ndohop ihto! Iorih ijo jari mahtoi, ata'ai malahan Iorih ijo jari tonobolum hoduli tahkan popahtoi, tutang anai hihco Pohotala, ang unuk ijo bokowasa.

EPESUS 1:3

Tara ahkan Pohotala, Amai Tuhan ihto Yesus Kristus! Io mborehkat ihto umba kokaron borehkat rohani ang luwang soruga, tului ihto hihco umba Kristus.

PILIPI 3:10

Ihco-ihcooh ijo ahku jolikrih, iorih mangat ahku kosono Kristus, tutang nyuru kowasa ijo mbolum Io tahkan popahtoi. Ahku jolik umba karot homboh Io, tutang monjadi sama kolou Io aang popahtoi-Oh.

KOLOSE 1:16

Tului nguha Iorih Pohotala monaoioh karo ang'co ang soruga tutang ang ngosan tana, karo ang'co ijo gihtan tutang ijo eam gihtan, nyakum ka'a roh-roh ijo bokowasa tutang ijo moretah. Sohopus aangpindalangit tuh tona'oi nguha Kristus tutang ahkan Kristus.

KOLOSE 3:1

Ihkam jari tonombolumoh hoduli hombo-homboh umba Kristus. Bain orih harus ihkam bousaha ahkan ngondahpot hal-hal ijo ang soruga, ang amoh Kristus moretah hihco umba Pohotala.

IBRANI 1:3

Io ijo nyingahoh kohajon Pohotala ijo gilang-gomilang; Io rih gambar ijo ngorinah tahkan behtin Pohotala bongoi. Io ka'a ijo mohaga kotehen angpindalangit tuh umba auh-Oh, ijo paham kowasai. Ulijari Io nongajalantou ulun ahkan tomorodehka tahkan dusa-dusan iro, Io monuot ang pododusan pomoretah ang soruga, samasama umba Pohotala, Pongowasa ijo palingdiang.

IBRANI 10:12

Sobalikoh Kristus, monyorah baya sino porahpah ahkan pongapun dusa, tutang porahpah rih nyolung ahkan turus-jahamoh. Ulijari monyorahoh porahpah rih, Yesus tuot ang sila kotoun Pohotala tutang moretah sama-sama umba Io.

IBRANI 13:20

Pohotala ius mombalum Tuhan ihto Yesus Kristus, tahkan popahtoi. Tului popahtoi-Oh rih Io huntuh monjadi Sokahtik Hajo bagi ihto, yorih tobiri-tobiri-Oh. Popahtoi-Oh rih ka'a monsah bowot kototahiu ijo konuan Pohotala umba ihto.

IBRANI 2:9

Tahpi ihto jari nohto Yesus bokowasa! Io tonguan honjiot, labih pinda tahkan molehkat, ahkan ohkot ijo iwak, mangat ngosan kopios ahtoi Pohotala, Io dahpot mahtoi ahkan paring ukup kolunon. Ihto nohto Io uhuntuh, tononga ponuot ijo isung tutang torohoromat, kotului Io jari ngarot nyiring mahtoi.

1 PETRUS 1:3

Olailah ihto norimakasih umba Pohotala, Amai, Tuhan ihto Yesus Kristus! Io paham mongasih ihto, orih kotuluioh Io nonga ahkan ihto pombolum ijo bohua, hawui mombolum hoduli Yesus Kristus tahkan popahtoi. Tuh mononga'kan ihto harapan ijo segah.

PONGORINAH 1:17

Ohkot ahku nohto-Oh, ahku toposuruk ang baui-Oh kolou ulun mahtoi. Tahpi Io ngina longoi kotaui-Oh aang ahku turus nuhtui, ‘‘Ara mihkoh! Ahku rih Io ijo pahtuk tutang ijo kolaiou.