EPESUS 1:18 - BOWOT BOHUA

¹⁸ Ahku nyawot mangat Pohotala nguap tiruk'kam nyiring monjadi boloang; mangat ihkam horahti inon ijo ihkam dahpot harapoh tahkan Pohotala ijo na'ah ihkam. Ka'a mangat ihkam ta'an eaminon botusuh borehkat-borehkat ijo bohinoi ijo tonahtap Pohotala ahkan ukup-Oh,

EPESUS 1:18 ပူးပေါင်းရင်းမြစ်များ

MATEUS 13:15

Tului tiruk ulun-ulun tuh ius monjadi tapak, tolingan iro ius monjadi borengen tutang mahtan iro jari tongomihcop. Orih nyalung, mangat mahtan iro ara nopahjah, tolingan iro ara ngonih, tiruk iro ara horahti, tutang ara hoduli ahkak-Ku, turus Ahku ngopios iro.’ ”

MARKUS 10:17

Ohkot Yesus noturus hino ponyalai-Oh, ihcobehti lombut nokoru nokuh Yesus. Ulun orih suhkuntu'ut ang tohimo Yesus tutang ngisok, ‘‘Guru ijo morong, ahku harus nguan inon, mangat dahpot norima pombolum ijo sojahti tutang kototahiu?’’

LUKAS 24:45

Pongohuli Yesus nguap tiruk iro ahkai horahti kohondak Surat Borasih.

KESAH RASUL-RASUL 16:14

Ihcobehti tahkan louk iro anai podagang benang ungu, araioh Lidia tutang asaroh tahkan Tiatira. Io sita Pohotala mahka Roh Tuhan nggerek ahtoioh, mangat io norima inon ijo Paulus ngajar ahkaioh.

KESAH RASUL-RASUL 26:18

ahkan polenangoh mahtan'ndo, mangat iro soluka tahkan kopindong, tutang nyolong nokuh luwang koloang, mangat iro liwus tahkan kowasan Sehtan, turus konowasa bain Roh Pohotala. Mahka tului porocaya umba-Ku, dusa-dusan iro ahkan tongapun tutang iro ahkan monjadi ukup-ukup Pohotala ijo mihtih.’ ’’

RUMA 11:29

Tului amat Pohotala mitih ulun tutang mborehkat ulun rih, Pohotala eam pu'u nguhut huli inon ijo ius konuai-Oh.

RUMA 2:4

Ata'ai ihkam nopahjah eambakaoh kotoun Pohotala tutang koboluhang ahtoi, hawui kosabar-Oh ijo kodorih kohajoi? Musti ihkam ta'an ijo Pohotala pokarahoh kohinut ahtoi-Oh, tului Io kani mangat ihkam hubah tahkan dusa-dusan'kam.

2 KORINTUS 4:4

Hotala ja'at ijo ngowasa kolunon tuh, nuhtup tiruk ulun-ulun ijo eam porocaya rih. Iorih ijo ngapeng-ngahana iro, mangat iro eam nohto koloang tahkan Kabar Hinut rih, tohou kohajon Kristus ijo hosuhtu gambar Pohotala.

2 KORINTUS 4:6

Pohotala ijo nuhtui, ‘‘Kohondakoh tahkan luwang kopindong lombut koloang,’’ Pohotala orihrih ka'a ijo polombut koloang rih ang luwang ahtoi ihto, mangat tirukihtung ihto monjadi boloang tutang duon ngosono korolondang Pohotala ijo monyingah aang boun Kristus.

GALATIA 5:5

Tahpi bagi ihkai, ihkai bokoharap, ijo honong pondohop Roh Pohotala tutang hogalang koporocayan ihkai umba Kristus, Pohotala touduonrih ahkan ihkai hokopios umba Io.

EPESUS 1:11

Pohotala monguan kokaron aangihco, numbun kojolik-Oh tutang kopuhtusai-Oh bongoi. Tahkan pahtuk Io jari mitih ihto, tului Io jolik mangat ihto monjadi ukup-Oh kotului hihco umba Kristus.

EPESUS 1:7

Tului, bain popahtoi Kristus, ihto tomorodehka bain Pohotala, rimai Io jari ngapun ihto tahkan dusa-dusan ihto.

EPESUS 2:12

Aang ohkot rih ihkam eam hihco umba Kristus; ihkam anairih ulun bohkonuhtus, ijo eam tosolong ukupjolahan konopili Pohotala. Ihkam eam nyolong a'ang pohtong bowot ijo tonapa Pohotala umba ukup-Oh. Ihkam bolum luwang kolunon tuh, eamanai harapan tutang eamanai Pohotala.

EPESUS 3:16

Ahku bodo'a keleh Pohotala ijo tonohoromat jorih ahkan ngomba'as homboruan'mu umba Roh Aiu.

EPESUS 3:8

Ang louk paring ukup Pohotala, ahkurih ijo paling hina. Tahpi Pohotala nonga ahkak'ku pononga tuh, gawi ahkan mborihta ahkan ulun-ulun bohkon Yahudi, Kabar Hinut tohou kotahtou Kristus ijo eam anai koopahoh;

EPESUS 4:1

Bain orih ahku – ihcobehti tonahan, ijo tonahan kotului mohalu Tuhan – nyawot hawui paham umba'kam; bolum sorurui umba ponuot'mu, kolou ulun ijo ius tona'ah bain Pohotala.

EPESUS 4:4

Tihkas anai ihco bereng tutang ihco Roh. Kodorih ka'a ihkam, tona'ah ahkan ihco koharap ijo sama.

EPESUS 5:8

Ihkam bongom lomoi anai ang luwang kopindong. Huntuh ihkam jari monjadi ukup Tuhan, jadi ihkam anai ang luwang koloang. Bain kotului rih ihkam harus bolum ang luwang koloang rih.

PILIPI 3:14

Orih kobaiuoh ahku nokoru toturus nitu titui laiu, ahkan duon komanang, yorih pombolum ijo ang soruga; ahkan orihrih Pohotala na'ah ihto nguha Kristus Yesus.

KOLOSE 1:12

tutang hawui ngohawot torimakasih ahkan Amai. Kotului Amai orihrih ijo nguan ihkam harus norima inon ijo tonyodia Pohotala ahkan ukup-Oh ang luwang kolahca'ai-Oh ijo boloang.

KOLOSE 1:23

Tahpi kopunai ihkam harus tohtap te'et porocaya tutang tombok tehen aang koporocayan'kam. Ara nyiring ihkam molohkak koharap ijo jari tononga ahkan'kam, kotihka ihkam norima Kabar Hinut tahkan Pohotala. Kabar rih jari tomborihta ahkan nyinong ulun ang hopus kolunon. Tutang ahkan orihrih ka'a ahku Paulus jari monjadi pohalu.

KOLOSE 1:27

Ahkan ukup Aiu rih, Pohotala kani ngorinahoh eaminon kopiosoh tutang kohajooh rahasia-Oh rih bagi sohopus ukup kolunon. Rahasia orihrih, iorih: Kristus anai luwang arop'kam, ijorimai ihkam ahkan hawui nginyam kohajon Pohotala.

KOLOSE 1:5

Ihkam porocaya tutang ihkam pongasih, tului ihkam harap ahkan inon ijo tonyodia ang soruga bain Pohotala ahkan'kam. Ihkam ius ngonih tohou hal orih kotihka Kabar Hinut ijo morong tonyapai ahkan'kam.

KOLOSE 2:2

Paringoh tuh ahku nguaioh, mangat ahtoi iro monjadi ba'as tutang iro saling mongasih, nyiring iro lehket hihco. Umba kodorih iro tu'u-tu'u horahti tutang yahkin hawui ngosono rahasia Pohotala, yorih Kristus bongoi.

KOLOSE 3:15

Hondakrih koputusan-koputusan'kam konahtuh bain kobuah ijo tononga bain Kristus, ang luwang ahtoi'kam. Tului Pohotala na'ah ihkam ahkan monjadi ramun ihco bereng mangat ihkam bolum a'ang kobuah tahkan Kristus orih. Hondakrih ihkam botorimakasih.

1 TESALONIKA 2:12

Ihkai ningak ihkam, ihkai nonga juhung ahkan ihkam, tutang ihkai hojojuan mangat ihkam bolum kodorih kolou, nyiring monyanang ahtoi Pohotala. Tului Pohotala ius na'ah ihkam, monjadi warga Kolunon Bohua ain Pohotala tutang nginyam karon-kohajoi-Oh.

1 TESALONIKA 5:8

Tahpi ihto tuh, ulun-ulun ijo barih aang hondou ijo boloang; tului rih tiruk ihto harus boloang. Ihto harus tehtep porocaya umba Tuhan tutang ngasi ulun-ulun bohkon hawoi bokoharap honong yakin, ijo Pohotala ahkan monyolamat ihto. Orihrih sonjata ijo ngolindung ihto a'ang kolahi molawan kopindong.

2 TESALONIKA 1:11

Orih kotuluioh ihkai toturus bodo'a ahkan'kam. Ihkai bodo'a mangat Pohotala ngonjorian ihkam layak ahkan bolum numbun kohondak-Oh; ahkan orih rih Io na'ah ihkam. Keleh Pohotala umba kowasa-Oh, molalus kojolik-Oh, ahkan nguan kopios. Tutang nyoporuna paring gawi ijo ihkam nguaioh, tului porocaya umba Kristus.

2 TESALONIKA 2:16

Keleh Tuhan ihto Yesus Kristus bongoi, tutang Pohotala, Amai ihto, nonga ampung tutang koba'as ang ahtoi'kam, mangat ihkam duon bogawi tutang mborihta inon ijo pios. Tului Pohotala ngasi ihto, tutang tului kohinut ahtoi-Oh, Io napa ihto tohtap tabah hawui bokoharap umba ijo hinut.

1 TIMOTEUS 6:12

Hokolahi tu'u-tu'u ahkan bolum kolou ulun Kristen, mangat ihko nyomba'an hodiah pombolum sojahti tutang kototahiu. Kotului ahkan orihrih Pohotala na'ah ihko, ang kotihka ihko ngahku ang toharep aro ulun, ijo ihko porocaya umba Kristus.

TITUS 2:13

Uhuntuh ihto rahat ngindoi Ondou, ijo ihto paham mohara-harapoh rih; ang Ondou orih rih kolunon ahkan nohto kohajon Yesus Kristus, yorih Pohotala Mahahajo tutang Lahca Ponyolamat ihto.

TITUS 3:7

Mangat bain pononganasi Yesus, ihto hokopios hoduli umba Pohotala tutang ihto dahpot pombolum ijo sojahti tutang kototahiu ijo ihto mohara-harap-Oh.

IBRANI 10:32

Ingat rih koloukuwoh koada'an Konduang-konduang ang ohkot ijo nokalou. Ang ohkot rih, ulijari koloang Pohotala nyingah'kam, ihkam aro mongarot; tahpi ihkam tohtap molawan umba kogigih.

IBRANI 6:4

Tului ulun-ulun ijo jari murtad, eam harapan toniting hoduli. Iro lomoi jari anaimohcon ang luwang koloang tahkan Pohotala, tutang jari nginyam ponongan Aiu. Iro jari ka'a umba konowasa bain Roh Pohotala.

1 PETRUS 1:3

Olailah ihto norimakasih umba Pohotala, Amai, Tuhan ihto Yesus Kristus! Io paham mongasih ihto, orih kotuluioh Io nonga ahkan ihto pombolum ijo bohua, hawui mombolum hoduli Yesus Kristus tahkan popahtoi. Tuh mononga'kan ihto harapan ijo segah.

1 PETRUS 3:9

Ara malos koja'at umba koja'at, ata'ai cahci-mahki umba cahci mahki; sobalikoh malos rih umba nyawot borehkat tahkan Pohotala. Bain Pohotala na'ah ihkam, justru mangat ihkam norima borehkat tahkan umba-Oh.

1 PETRUS 5:10

Tahpi uli ihkam ngarot pondehan, Pohotala bongoi ahkan nguan ihkam nyolung soporuna. Io ahkan monombok tutang ngomba'asoh ihkam hawui podehen ihkam. Bain Io anairih Pohotala ijo paham pios ahtoi, ijo ius na'ah ihkam umba mokomo kohajoi-Oh ijo abadi nguha Kristus.