EPESUS 1:17 - BOWOT BOHUA

¹⁷ Ahku nyawot mangat Pohotala, Tuhan ihto Yesus Kristus, Amai ijo tonohoromat nonga Roh-Oh ahkan'kam. Roh orih ahkan monjadian ihkam pitar, tutang ahkan mongorinah Pohotala ahkan'kam, nyiring ihkam ngosono Io.

EPESUS 1:17 ပူးပေါင်းရင်းမြစ်များ

MATEUS 11:25

Ang ohkot rih Yesus bodo'a, “Amai, Tuhan ijo ngowasa langit tutang tana! Ahku ngohawot torimakasih umba Ihko, tului paringoh orih ihko ngulimoh tahkan ulun-ulun, ijo pitar tutang bosokula, tahpi ihko ngorinahoh ahkan ulun-ulun ijo eam sokula.

MATEUS 11:27

Turus Yesus nuhtui, “Ko-paring ang'co, jadi tononyorah Amai ahkak-Ku. Eam aro ihcobehti ka kosono Anak, bohkon umba Amai. Eam aro ka'a ijo ngosono Amai bohkon umba Anak, tutang ulun-ulun ahkan iai Anak rih mongosono Amai.

MATEUS 16:17

“Utung sino ihko, Simon anak Yona!” hion Yesus. “Tului eamoh kolunon ijo nyarihta hal rih ahkan'kam, molekan Amai-Ku ijo ang soruga.

MATEUS 20:33

Iro mutah, “Tuan, ihkai jolik nohto!”

MATEUS 6:13

Ararih mohonou ihkai nihou porocaya aang ohkot ihkai tonihkos tahpi nguwat ihkai tahkan kowasa ang ja'at. [Ihkorih Lahca ijo bokowasa tutang tonohoromat nyiring turus-jahamoh. Amen.]’

LUKAS 12:12

Tului inon ijo harus ihkam nuhtuioh rih ahkan tomara bain Roh Pohotala ahkan'kam ang ohkotoh.’’

LUKAS 2:14

‘‘Tara ahkan Pohotala ang langit ijo palingdiang! Tutang ang isung tana kosanangsolamat rih ahkan ulun ijo ngojorih ahtoi Tuhan!’’

LUKAS 21:15

Ahku bongok ahkan nonga bagi'mu auh-auh tutang kopiosbudi bosara orih, nyiring eam ihcobehti ka tahkan musuh-musuh'kam duon ngolawan ata'ai nulak inon ijo ihkam nuhtuioh.

YOHANES 14:17

Io rih Roh Pohotala ijo ahkan ngorinah komorong tohou Pohotala. Kolunon eam dahpot norima Io, kotului eam nohto ata'ai eam ngosono-Oh. Tahpi ihkam ngosono Io, kotului Io mohcon umba ihkam, tutang ahkan ihco honong ihkam.

YOHANES 14:26

Tahpi Roh Pohotala, Pondohop ijo ahkan sonuhu Amai ngasan arak-Ku, Iorih ijo ahkan majar ihkam, koparingoh tutang mopingatoh ihkam ahkan paring ijo jari Ahku monyorihtaoh ahkan'kam.

YOHANES 16:3

Iro nguan orih ahkan ihkam, tului iro jaha ngosono Amai kanika Ahku.

YOHANES 17:3

Tuhrih pombolum ijo sojahti tutang turus-jaham; mangat ulun ngosono Amai, puna ihco-ihcooh Pohotala ijo morong, tutang ngosono Yesus Kristus ijo sonuhu bain Amai.

YOHANES 20:17

‘‘Ara nambit Ahku,’’ hion Yesus umba io, ‘‘tului Ahku jaha tulak nuhkat nokuh Amai. Tahpi tulak iou nokuh konduang-konduang-Ku, tutang momborihta ahkan iro ijo Ahku uhuntuh nuhkat nokuh Amai-Ku tutang Amai'kam, Pohotalak-Ku tutang Pohotalan ihkam.’’

KESAH RASUL-RASUL 6:10

Tahpi iro eam duon monjawab, inon ijo konohawot bain Stepanus, kotului Roh Pohotala nonga ahkai kopiosbosara ahkan nuhtui kodorih.

KESAH RASUL-RASUL 7:2

Stepanus nuhtui, ‘‘Konduang-konduang tutang Amai-amai! Cuba ngonih ahku! Sounumba tahtu ajuh ihto Abraham hatun nokuh Haran ang ohkot io magun mohcon aang Mesopotamia, Pohotala ijo tonohoromat lombut nokuh io

RUMA 1:28

Bain tului ulun eam komo porulu ngosono Pohotala, mahka Pohotala mohonau tiruk'ndo monjadi rusak, nyiring iro nguanoh hal-hal ijo iro eam tou nguaioh.

RUMA 15:6

Honong ihcoahtoi Konduang paringoh hombo-homboh duon monara Pohotala, Amai Tuhan ihto Yesus Kristus.

1 KORINTUS 12:8

Ahkan ijo ihcobehti, Roh rih nonga kosanggup ahkan bopander hawoi pongaroh. Ahkan ijo bohkon Roh ijo sama rih nonga kosanggup ahkan monarang tohou Pohotala.

1 KORINTUS 14:6

Amat ahku, jahkaoh lombut nokuh ihkam, tutang ahku bopander a'ang bomahcam basa ijo helan, inon mopa'at rih ahkan ihkam? Eam aro mopa'at honjiot ka! Bohkon haloh, amat ahku ngorinah ihco kalimat tahkan Pohotala, ata'ai ahku monarang ang'co tohou Pohotala, ata'ai ahku nyiar borihta tahkan Pohotala, ata'ai ahku majar.

1 KORINTUS 2:10

Tahpi Pohotala jari ngorinahoh ahkan ihto hawui nguha Roh-Oh. Roh Pohotala moriksa dolang hal'co, nyiring umba dolang rancana Pohotala ijo paling bosuhuk samasino ka.

1 KORINTUS 2:8

Eam ihcobehti ka tahkan pongowasa-pongowasa jaman tuh, ijo ngota'an tohou kopihtar rih. Kotului, jakaoh iro jari mongota'aioh, tontu iro eam ahkan nyopolahki Tuhan ihco tonohoromat rih.

2 KORINTUS 12:1

Puna eam aro utungoh amat botamam. Tahpi ahku kani ka'a monamam hal-hal, ijo Pohotala ngorinahoh ahkak'ku a'ang pongorinah ata'ai a'ang ponopahjah.

EPESUS 1:3

Tara ahkan Pohotala, Amai Tuhan ihto Yesus Kristus! Io mborehkat ihto umba kokaron borehkat rohani ang luwang soruga, tului ihto hihco umba Kristus.

EPESUS 3:5

Lomoi rahasia orih eam pu'u tomborihta ahkan ulun, tahpi huntuh Roh Pohotala ius ngorinahohrih ahkan rasul-rasuloh tutang nabi-nabi-Oh.

EPESUS 4:13

Honong kodorih ihto paringoh monjadi ihco, bain koporocaya ijo sama, tutang kohorahti ijo sama tohou Anak Pohotala. Tutang ihto monjadi ulun-ulun ijo dewasa, ijo mahi tahi mahi botambah kosoporuna kolou Kristus.

PILIPI 3:15

Ihto paringoh ijo jari oko cara rohani, harusrih bogawi kodorih. Tahpi amat ang marak ihkam anai ijo niruk bohkon, mahka Pohotala ahkan monarangoh ka'a ahkan'kam.

2 TIMOTEUS 2:25

Io harus bolomu lembai majar ulun-ulun ijo rajin hokolawan; mudah-mudahan Pohotala nonga kosapet ahkan ulun-ulun orih ahkan hubah tahkan dusa-dusan iro, tutang ngosono ajaran ijo morong.

TITUS 1:1

Anak'ku Titus! Ahku, Paulus, nyurat surat tuh kolou jihpon Pohotala tutang rasul Yesus Kristus. Ahku tonopili, tutang tonyuhu, ahkan dohop ulun-ulun ijo tonopili Pohotala, mangat monjadi ba'as a'ang koporocayan iro. Ahku ka'a harus ngagalan iro mangat kosono ajaran ijo morong ijo tongajarrih bain agaman ihto.

YAKOBUS 2:1

Konduang-konduang! Kolou ulun ijo porocaya umba Tuhan Yesus Kristus, Tuhan Ijo Mahahoromat, ara ihkam ngobohkon-bohkon ulun hogalang hal-hal koului.

2 PETRUS 1:3

Pohotala jari hapan kowasa ko-Pohotalai-Oh, ahkan nunga ahkan ihto karo aang'co ijo porulu ahkan pombolum bosombayang. Io nguan tuh, nguha inon ijo ihto kota'aioh tohou Yesus Kristus, ijo ius na'ah ihto ahkan nginyam kohajoi tutang kopios-Oh.

2 PETRUS 3:18

Hondakrih ihkam mahi-mahi anai nginyam pononganasin Yesus Kristus, Tuhan tutang Lahca Ponyolamat ihto, tutang hondakrih ihkam ka'a mahi-mahi kosono Io. Tararih Io, tahkan huntuh tutang nyiring turus-jahamoh! Amen. Horomat ihkai, Petrus

PONGORINAH 7:12

Iro bososurak, ‘‘Amen! Tara ahkan Pohotalan ihto ijo hajo tutang pihtar. Io pahtut tonusuh umba auh-auh torimakasih tutang kohoromatan. Io bokowasa tutang ba'as ahkan turus-jahamoh! Amen.’’