EPESUS 1:13 - BOWOT BOHUA

¹³ Ihkam ka ius monjadi ukup Pohotala ang ohkot ihkam ngonih pohtoh Pohotala, iorih Kabar Hinut ijo mononga kosolamatan ahkan'kam. Ihkam porocaya umba Yesus Kristus, kotului orih Pohotala nonga tanda Aiu-Oh ahkan'kam, iorih Roh-Oh ijo tonobowot-Oh.

EPESUS 1:13 ပူးပေါင်းရင်းမြစ်များ

LUKAS 11:13

Oluka ihkam ja'at, ihkam ta'an ka'a nonga ijo pios ahkan anak'kam. Mahihino Amai'kam ijo ang soruga! Io ahkan nonga Roh-Oh ahkan iro ijo nyawot umba Io!’’

LUKAS 24:49

Tutang Ahku bongok ahkan ngirim ahkan'kam inon ijo jari tonobowot bain Amai. Tahpi ihkam harus tahtap ngindoi ang lowu tuh, nyiring kowasa tahkan Pohotala monyokuwung ihkam.’’

YOHANES 1:17

Hukum Tuhan ihto torima nguha Museh. Tahpi kasih tutang kotehen Pohotala tongorinah nguha Yesus Kristus.

YOHANES 14:26

Tahpi Roh Pohotala, Pondohop ijo ahkan sonuhu Amai ngasan arak-Ku, Iorih ijo ahkan majar ihkam, koparingoh tutang mopingatoh ihkam ahkan paring ijo jari Ahku monyorihtaoh ahkan'kam.

YOHANES 15:26

Ahku ahkan nyuhu nokuh'kam Pondohop ijo asar tahkan Amai. Iorih Roh ijo ahkan ngorinah komorong tohou Pohotala. Amat Io lombut, Io ahkan nonga kosaksian tohou Ahku.

YOHANES 3:33

Ulun ijo porocaya aang kosaksian-Oh rih, mongahku ijo Pohotala morong.

YOHANES 6:27

Ara bogawi mangat dahpot ukun ijo tou opah tutang maram. Bogawirih mangat ngondahpot ukun ijo eam tou maram tutang ijo nonga pombolum sojahti tutang kototahiu. Ukun rih ahkan tononga bain Anak Ulun ahkan'kam, tului Io jari tonotuot bain Pohotala Amai.’’

KESAH RASUL-RASUL 1:4

Tutang aang ohkot Io hihco umba iro, Io nonga poretah tuh ahkan iro, ‘‘Ara tulak tahkan Yerusalem. Ngindoi ang anan nyiring Amai nonga inon ijo jari tonobowot-Oh, iorih ijo jari Ahku nyorihta ahkan'kam houn.

KESAH RASUL-RASUL 13:26

Konduang-konduang lihit Abraham, tutang paring Konduang-konduang ijo ulun bokonoh, ang ohtoi ijo te'et umba Pohotala! Pohotala jari ngirim ahkan ihto kabar solamat rih;

KESAH RASUL-RASUL 2:33

Io hogahtang nokuh ponuotoh ijo isung tutang ahkai tononga kowasa bain Pohotala, turus norima Roh Pohotala ijo jari tonobowot bain Amai. Tutang ijo ihkam huntuh, tuh ngonih tutang nohto anairih, Roh rih ijo Io nusuhoh ahkan ihkai.

RUMA 1:16

Ahku porocaya samasino ahkan Kabar Hinut rih, tului kabar rih anairih kowasan Pohotala ahkan monyolamat paring ulun ijo porocaya; pahtuk pahtukoh ulun Yahudi, tutang uhtus bohkon ka'a.

RUMA 4:11

Io tonyunat pongohuli tutang sunat orih rih tihkas monjadi tanda ijo Pohotala jari norima io, monjadi ulun ijo ngojorih ahtoi Pohotala, tului porocaya umba Pohotala. Io tonorima bain Pohotala aang ohkot io magun jaha numbun aturan sunat. Tutang Abraham monjadi amai socara rohani bagi paring ulun ijo porocaya, ahkan Pohotala, tutang ijo kotuluioh jari tonorima bain Pohotala, monjadi ulun ijo ngojorih ahtoi-Oh, oluka iro eam nambit poroturan sunat.

RUMA 6:17

Tahpi torimakasih ahkan Pohotala! Tului lomoi ihkam jihpon dusa, tahpi huntuh ihkam honong kotuwi ahtoi heret umba ajar komorong ijo jari tunongaoh ahkan'kam.

2 KORINTUS 1:22

Ahkan orih Pohotala jari monsah ihto monjadi Aiou-Oh, tutang nonga Roh Aiu ang luwang ahtoi ihto kolou jaminan, ijo Io ahkan nonga ahkan ihto paring ijo tonobowot-Oh.

2 KORINTUS 6:7

homboh hawui mborihta kabar ijo tahkan Pohotala, tutang umba kowasan Pohotala, ihkai ngorinah ijo ihkai tuh anairih jihpon-jihpon Pohotala. Ihkai nambit aang kohondak Pohotala, kolou sanjatan ihkai ahkan nyarang, oluka ahkan mombela arop.

GALATIA 3:14

Kristus nguan kodorih mangat borehkat ijo tobowot Pohotala ahkan Abraham tononga ka'a ahkan ulun-ulun bohkon Yahudi. Honong kodorih, ihto ka'a ijo porocaya umba Pohotala, dahpot norima Roh ijo tonobowot bain Pohotala rih.

EPESUS 4:21

Ihkam ius ngonih tohou Io! Tutang kolou murid-murid-Oh, ihkam jari tonongajar ka'a tohou sipat-sipat Pohotala ijo anai aang Io!

EPESUS 4:30

A'airih monyedihoh ahtoi Roh Pohotala. Ihkam jari tonyegel umba Roh monjadi ain Pohotala. Roh rih ka'a monjadi jaminan, ijo Ondou Komorodehka ahkan lombut ahkan'kam.

1 TESALONIKA 2:13

Anai hino ihco hal bohkon, ijo napa ihkai toturus norimakasih ahkan Pohotala. Hal rih iorih, ijo ang ohkot ihkai monyapai borihta tahkan Pohotala ahkan'kam, ihkam ngonih tutang norima borihta rih, eam kolou borihta tahkan ulun, tahpi kolou borihta ijo moro-morong tahkan Pohotala. Iorih ijo rahat bogawi a'ang arop'kam ijo porocaya umba Kristus.

2 TIMOTEUS 2:15

Hondakrih ihko bousaha tu'u-tu'u mangat tongahku bain Pohotala, kolou ulun ijo layak bogawi bagi-Oh. Bousaha iou mangat ihko eam mia tohou gawin'mu, molekan majar hawui kona ajaran-ajaran morong tahkan Pohotala.

2 TIMOTEUS 2:19

Tahpi galang segah ijo tonapa bain Pohotala eam dahpot hungge. Ang ngosanoh tonyurat tuh: ‘‘Tuhan ngosono ulun-ulun ijo aiou-Oh,’’ tutang ‘‘Ulun ijo nuhtui ijo io ain Tuhan, ulun orih harus tondo nguan gawi ijo sala.’’

2 TIMOTEUS 3:15

Ihko harus ingat, ijo tahkan koik, ihko jari kosono Surat Borasih. Surat Borasih rih dahpot nonga ahkan'kam horahti ahkan dahpot solamat, nguha porocaya umba Kristus Yesus.

TITUS 2:11

Tului Pohotala jari pokarah ponongaasi-Oh, guna nyolamat paring ukup kolunon.

IBRANI 2:3

Mahihino umba kosolamatan ijo labih hebat tahkan pohtoh-pohtoh rih! Amat ihto eam anai poduli toharep kosolamatan rih, ihto puna botatu eam ahkan luhput tahkan hukuman. Tului Tuhan bongoirih ijo pahtu-pahtukoh mborihta kosolamatan rih, tutang ulun ijo sula-sulak lomoi ngonihoh, jari mombuktioh komorongoh ahkan ihto.

YAKOBUS 1:18

Ngosan konohuang-Oh bongoi, Io ngojorian ihto anak-anak-Oh nguha auh-Oh ijo morong. Io monguanohrih, mangat ihto ngondahpot unuk ijo mbahtang ang louk paring angbolum ijo tona'oi-Oh.

YAKOBUS 1:21

Tului rih, dianrih nyinong kopahtuh ijo kojilok tutang ja'at. Torimarih umba randah ahtoi auh ijo tonombolam bain Pohotala ang luwang ahtoi'mu, kotului auh rih anaingina koba'as ahkan nyolamat ihkam.

1 PETRUS 2:10

Lomoi ihkam eam ukup Pohotala, tahpi huntuh ihkam anairih ukup Pohotala. Lomoi ihkam eam tonongasi bain Pohotala, tahpi huntuh ihkam norima kasihsayang-Oh.

PONGORINAH 7:2

Turus ahku nohto ihcobehti molehkat ihco bohkon, soluka tahkan sila timur, Io ngomin segel tahkan Pohotala ijo bolum. Umba auh ijo muhing molehkat rih na'ah koohpat molehkat ijo jari dahpot kowasa tahkan Pohotala ahkan morusak tana tutang tasik.