EPESUS 1:10 - BOWOT BOHUA

¹⁰ Rancana orih, iorih, mangat kokaron angihco, pios ijo ang soruga, oluka ijo ang tana, monjadi ihco umba Kristus kolou kopala. Tutang hal orihrih ahkan tonongopah bain Pohotala amat ius johcok ohkotoh.

EPESUS 1:10 ပူးပေါင်းရင်းမြစ်များ

MATEUS 25:32

Uhtus-uhtus ahkan tonipun ang toharop-Oh. Turus Io ahkan ngobohkon iro monjadi duo kobarih kolou sokahtik mombarih tobiri tahkan kombing.

MARKUS 1:15

Hioi-Oh, ‘‘Pohotala ahkan jeleng moretah. Hubah ihkam tahkan dusa-dusan'kam, tutang porocayarih umba auh Kabar Hinut ijo tahkan Pohotala!’’

1 KORINTUS 10:11

Paring hal rih nyolung ahkan iro mangat monjadi sutu bagi ulun-ulun bohkon. Tutang paring orih, tonyurat ka'a mangat monjadi pongingat ahkan ihto huntuh. Kotului ihto huntuh bolum aang ohkot lain jaman.

1 KORINTUS 11:3

Tahpi ahku jolik ihkam ngota'an ihco hal hino, iorih, ijo, 'jo nyolung kopala ngosan ulun-ulun bahkas iorih Kristus; ijo nyolung ngosan oruh iorih bosaioh, ijo nyolung ngosan Kristus iorih Pohotala.

GALATIA 4:4

Tahpi ang ohkotoh ijo kona, Pohotala nyuhu Anak-Oh nokuh kolunon. Anak-Oh rih tonganak bain ihcobehti bawi, tutang bolum ang pinda kowasan hukum agama.

EPESUS 1:22

Pohotala mopopinda paringoh ahkan pinda kowasan Kristus, tutang nonga Kristus ahkan ukup, kolou kopala tahkan kokaron aangihco.

EPESUS 2:15

Hukum agama Yahudi hawui poretah-poretah tutang aturan-aturan-Oh jari tongudap bain Kristus, mangat duo uhtus rih monjadi ihco uhtus kolunon bohua, ijo hihco umba Io. Umba cara orihrih Kristus ngonjorian kobuah.

EPESUS 3:15

Tahkan Iorih nyinong jolahan ang soruga tutang ang tana norima sipat-Oh ijo khusus.

EPESUS 3:2

Botatu ihkam jari ngonih ijo Pohotala, tului kohinut ahtoi-Oh ius nonga ahkak'ku gawi tuh demi gunan'kam.

KOLOSE 1:16

Tului nguha Iorih Pohotala monaoioh karo ang'co ang soruga tutang ang ngosan tana, karo ang'co ijo gihtan tutang ijo eam gihtan, nyakum ka'a roh-roh ijo bokowasa tutang ijo moretah. Sohopus aangpindalangit tuh tona'oi nguha Kristus tutang ahkan Kristus.

KOLOSE 1:20

Tutang nguha Anak rih hino Pohotala momutusoh ahkan nguan kokaro ang'co hokopios hoduli umba Io, pios kokaro ang'co ijo ang tana, kanika ijo ang soruga. Pohotala nguan orih nguha popahtoi Anak-Oh ang kahju sopolahki.

KOLOSE 3:11

Kolou akibat tahkanmba rih dilaprih kokaron kobohkon-kobohkon holat ulun Yahudi tutang bohkon Yahudi, ulun bosunat, tutang ulun ijo eam bosunat, eam anai hino kobohkonoh, holat ulun bohkonuhtus tutang ulun biadab holat jihpon tutang ulun morodehka, tului Kristus anairih koparing-paringoh tutang Io hihco umba iro paringoh!

IBRANI 1:2

Tahpi ang jaman laiou tuh, Io nuhtui umba ihto nguha Anak-Oh. Nguha Anak-Oh Pohotala naoi aangpindalangit tuh. Tutang Pohotala ius nahtap ijo Anak-Oh tuhrih ka'a ijo bohak tepun kokaro aangihco.

IBRANI 11:40

kotului Pohotala anai rancana ijo labih pios ahkan ihto. Rancana-Oh, iorih ijo tihkas hihco umba ihto, iro ahkan monjadi soporuna.

IBRANI 9:10

Bain upacara-upacara rih, tihkas konahomboh umba ukun, korih, tutang mahca-mahcam upacara muhi. Paringoh tihkas poroturan-poroturan ijogihtan, ijo hapan baya johcok ohkotoh Pohotala nguan pombohua.

1 PETRUS 1:20

Kristus tonopili bain Pohotala hounumba kolunon tona'oi. Tutang aang ondou-ondou donisapai laiu jaman tuh, Io lombut nokuh kolunon mangat ihkam tonyolamat-Oh.

PONGORINAH 5:9

Iro monyanyi ihco lagu ijo bohua: ‘‘Ihko pahtut ngomin surat rih tutang musit segel-segeloh. Tului Ihko jari tomunu, tutang honong popahtoi-Mu, ulun tahkan kokaro lihting, bohasa, nogara tutang uhtus jari tonomoli bain'mu ahkan Pohotala.