6 Mongasih, rimai bolum numbun poretah-poretah Pohotala. Tutang poretah ijo ihkam jari ngonih tahkan pahtukoh, iorih, ijo ihkam harus bolum honong hokasih ihco sama bohkon.
‘‘Amat ihkam ngasihoh Ahku, ihkam ahkan molalusoh poretah-poretah-Ku.
Ulun ijo norima poretah-poretah-Ku, tutang nguaioh iorih ijo ngasihoh Ahku. Amai-Ku ahkan ngasih ulun ijo ngasihoh Ahku. Ahku ka ahkan ngasihoh ulun orih tutang ngorinahoh arop-Ku ahkaioh.’’
Yesus mutah, ‘‘Ulun ijo ngasih Ahku, ahkan numbunoh ajaran-Ku. Amai-Ku ahkan ngasihoh io. Amai tutang Ahku ahkan lombut nokuh io, tutang mohcon hihco io.
Amat ihkam molalus poretah-poretah-Ku, ihkam tohtap te'et ahkan kasih-Ku, sama kolou Ahku tohtap te'et umba kasih Amai tului molalus poretah-poretah-Oh.
Ihkam tuh uras sobat-sobat-Ku, tului ihkam nguanoh inon ijo Ahku moretahoh ahkan'kam.
Bain orih, borihta ijo jari ihkam ngonihoh, toparan ihkam pahtu-pahtukoh porocaya, harus ihkam mohagaoh pio-pios ang luwang ahtoi'kam. Amat borihta tuh ihkam mohaga pio-pios, ihkam ahkan toturus bolum hihco umba Anak tutang umba Amai.
Tahpi ulun ijo te'et umba auh Pohotala, ulun orih sita Pohotala honong soporuna. Orih rih tandaoh ijo ihto bolum hihco umba Pohotala.
Konduang-Konduang ijo ahku nyitaoh! Ijo ahku nyurat tuh eamrih ihco poretah ijo bohua. Tuhrih poretah tahi ijo jari tonyiar ahkan'kam tahkan ihkam pahtuk porocaya ahkan Kristus, yorih borihta tahkan Pohotala, ijo jari ihkam ngonih sounumbaoh.
Tului ihto ta'an ijo Io ngonihoh ihto, amat ihto nyawot umba-Oh, mahka ihto ta'an ka'a, ijo Io nongaoh ihto, inon ijo ihto nyawot tahkan Io.
Tului mongasih Pohotala rimai te'et ahkan poretah-poretah-Oh. Tutang poretah-poretah-Oh eamrih bahat ahkan ihto,
Tului orih, Ine, ahku nyawot honong paham mangat ihto paring saling hokasih. Ijo ahku manderoh tuh eam rih ihco poretah, ijo bohua; poretah tuh jari tononga ahkan ihto, toparan ihto pahtu-pahtukoh porocaya.