2 YOHANES 1:5 - BOWOT BOHUA

⁵ Tului orih, Ine, ahku nyawot honong paham mangat ihto paring saling hokasih. Ijo ahku manderoh tuh eam rih ihco poretah, ijo bohua; poretah tuh jari tononga ahkan ihto, toparan ihto pahtu-pahtukoh porocaya.

2 YOHANES 1:5 ပူးပေါင်းရင်းမြစ်များ

YOHANES 15:12

Tuhrih poretah-Ku: Ngasih ohrih ihco sama 'jobohkon, sama kolou Ahku jari ngasih ihkam.

YOHANES 15:17

Tuhrih poretah-Ku ahkan'kam: Hokasihrih sama arop'kam.’’

GALATIA 5:22

Sobalikoh, amat ulun-ulun toniting bain Roh Pohotala, buaoh iorih: Iro saling hokasih, iro jorih, iro ngina koteneng ahtoi, iro sabar tutang hobudi, iro pios toharep ulun bohkon, iro te'et.

EPESUS 5:2

Pombolum'kam kohondakoh bohomboruan bain kasih, kolou Kristus ka ngasih ihto. Io moporahpah arop-Oh ahkan ihto, kolou ihco pononga ijo buanharum tutang monyanang ahtoi Pohotala.

1 TESALONIKA 4:9

Eam gunai hino ihkai nyurat ahkan'kam, tohou koloukuwoh ihkam harus ngasi konduang-konduang ijo 'cokoporocaya. Ihkam bongon jari tongajar bain Pohotala ahkan ngasih ihco umba ijobohkon.

IBRANI 13:1

Hondakrih ihkam bokehtep hosita ihco sama 'jobohkon kolou ulun-ulun Kristen ijo hokonduang.

1 PETRUS 4:8

Labih tahkanumba kokaro-karooh, hondakrih ihkam tu'u-tu'u mongasi ihco umba ijobohkon, kotului hawui saling masi ihkam ahkan bosodia ka'a ahkan saling mongapun.

2 PETRUS 1:7

Tutang bolum numbun konohuang Pohotala harus ka'a tonyukup umba kasihsayang'kam umba konduang-konduang ihcokoporocaya. Koturus-Oh hondakrih kasihsayang ahkan konduang-konduang ihcokoporocaya, ndahang umba ngasi toharep paring ulun.

1 YOHANES 3:11

Tahkan pahtuk jari tonyiar borihta tuh ahkan'kam: Ihto harus masi ihco umba ijobohkon.

1 YOHANES 3:23

Ijo Io moretahoh ahkan ihto; iorih, ihto harus porocaya ahkan Anak-Oh, yorih Yesus Kristus, tutang ihto harus saling ngasi kolou ijo jari ponoretah Kristus ahkan ihto.

1 YOHANES 4:20

Amat ihcobehti nuhtui, ‘‘Ahku ngasih Pohotala,’’ tahpi io eam mongasih konduangoh, ulun rih bobalik. Kotului ulun ijo eam mongasih konduangoh ijo gihtaioh, eam harapan tou mongasih Pohotala ijo eam tonohto baiuoh.

2 YOHANES 1:1

Ahkan Ine ijo tonopili bain Pohotala, tutang ahkan anak-anak Ine. Surat tuh tahkan ahku, ponotua ukup ijo tu'u-tu'u ngasih ihkam. Eam tihkas ahku tahpi paring ulun ijo ngosono Pohotala ijo morong, ijo ngasih ihkam ka'a.