2 YOHANES 1:12 - BOWOT BOHUA

¹² Aro samasino ijo porulu ahku monyorihtaoh ahkan'kam tahpi anyamoh labih pios ara nguha surat. Ahku moharap dahpot masap tutang hopander bongok umba ihkam, mangat ahtoi ihto tu'u-tu'u jorih.

2 YOHANES 1:12 ပူးပေါင်းရင်းမြစ်များ

YOHANES 15:11

Paringoh tuh Ahku mborihtaoh ahkan ihkam, mangat kojorih-Ku anai luwang ahtoi'kam, tutang kojorih'kam monjadi soporuna.

YOHANES 16:12

Aro hino ijo kani Ahku nuhtuioh ahkan'kam, tahpi uhuntuh ihkam jaha sanggup norimaoh.

YOHANES 16:24

Nyiring ohkot tuh ihkam jaha nyawot ino-inon ngosan arak-Ku. Nyawot iou, mahka ihkam ahkan monorima, tului kojorih'kam jari soporuna.’’

YOHANES 17:13

Uhuntuh Ahku lombut nokuh Amai. Paringoh tuh Ahku nuhtuioh pondehan Ahku magun ang kolunon; mangat iro umba kotuwioh nginyamoh kojorihaik-Ku.

YOHANES 3:29

Pongahten bawi rih anairih ain pongahten ijo bahkas. Sahabat pongahten bahkas rih tihkas tombok mambai tutang ngonih, tutang io sonang amat ngonih auh pongahten bahkas. Kodorih ka'a umba ahku. Uhuntuh ahku sonang samasino.

RUMA 15:24

Noin amat ahku nguha lowun'kam ang ponomuoi'ku ahkan Spanyol, ahku harap duon hosombang umba ihkam tutang jorih honyulu honong ihkam. Uliorih ahku harap ihkam duon dohop ahku ahkan ponyalak'ku nokuh Spanyol rih.

2 TIMOTEUS 1:4

Ahku ingat ahkan kosedihan ahtoi'mu. Orihrih kotului-Oh ahku jolik samasino hosombang umba ihko, mangat ahku tou moro-morong monjadi jorih.

PILEMON 1:22

Pondehan rih, dohop nahtap tahkun ahkak'ku ang lohpou'mu, tului ahku harap Pohotala molalus do'a, Konduang-konduang paringoh, tutang ngomin ahku hoduli nohkuh ihkam.

IBRANI 13:19

Khususoh ahku nyawot honong paham, mangat ihkam mondo'a ahku mangat Pohotala jion ngomin ahku buli umba'kam.

IBRANI 13:23

Kopahtutoh ihkam kota'an ijo konduang ihto Timoteus jari bolua tahkan sipir. Amat io jari nokuh unuk'ku tuh ahku ahkan ngomin io ohkot ahku masap ihkam noin.

1 YOHANES 1:4

Ihkai nyurat tuh, mangat ahtoi ihto tu'u-tu'u jorih.

3 YOHANES 1:10

Noin amat ahku lombut, ahku ahkan ngarak karon aang'co ijo jari tonguaioh, yorih tohou hal-hal ja'at tutang alik ijo io mander tohou ihkai! Tahpi paringoh rih jaha sukup ahkaioh. Aang ohkot sobat-sobat sosama Kristen rih lombut, io eam kani norima iro. Malah io ngohana ulun-ulun ijo kani norima konduang-konduang rih, tutang io nyuhu ulun-ulun rih, soluka tahkan ukup!