2 TIMOTEUS 4:2 - BOWOT BOHUA

² Hondakrih ihko monyiaroh, borihta tahkan Pohotala rih, tutang turus hojojuan, mangat ulun ngonihoh, inonrih iro kani ata'ai eam. Hondakrih ihko moyakinoh ulun, nunjuk kosalai, tutang nonga juhung ahkan iro. Ngajarohrih ulun honong kosabar sodahpottou.

2 TIMOTEUS 4:2 ပူးပေါင်းရင်းမြစ်များ

LUKAS 7:23

Kosanang rih ahkan ulun ijo eam anai porokehtoi ahkan nulak Ahku.’’

LUKAS 7:4

Kotihka johcok umba Yesus, ulun-ulun rih nyawot honong paham mangat Yesus dohop komandan rih, ‘‘Komandan tuh punatou dahpot pondohop bain Amai,’’ hion'ndo umba Yesus,

LUKAS 9:60

Yesus mutah, ‘‘Nauh ulun mahtoi ngolowong ulun mahtoioh bongoi. Tahpi ihko ngohasu Ahku tulak tutang nuhtui borihta ijo Pohotala jari nopara moretah.’’

KESAH RASUL-RASUL 13:5

Kotihka johcok ang Salamis, iro mborihta auh Pohotala ang lohpou-lohpou sombayang ulun Yahudi. Yohanes Markus dohop iro a'ang ponomuoi'ndo.

KESAH RASUL-RASUL 16:13

Ang ondou Sabat, ihkai tulak nokuh saran sungoi, ijo ang luar bauntukang lowu, tului ihkai komo ang anan anai unuk sombayang ahkan ulun Yahudi. Turus ihkai tuot tutang bopander umba ulun-ulun bawi ijo hopuhpung ang unuk rih.

KESAH RASUL-RASUL 20:7

Ngalomi minggu ihkai hopuhpung mangat kuman hombo-homboh kolou hokonduang. Paulus pande-pander umba ulun-ulun tului ngohkosoh ngewak tulak. Nyiring tohun ngolomi Paulus pander toturus.

KESAH RASUL-RASUL 28:16

Ohkot johcok ang Ruma, Paulus tomorodehkaoh mohcon bongoi hawui tomojaga bain ihcobehti sorodadu.

RUMA 10:15

Tutang koloukuwohrih ulun duon ngomin borihta rih, amat iro eam tonyuhu? Ang aang Surat Borasih tonyurat koloutuh, ‘‘Eam inon kopioioh polombut ulun-ulun ijo ngomin Kabar Hinut tahkan Pohotala!’’

RUMA 12:12

Konohuangoh Konduang porocaya umba Tuhan hawui kojorih, sabar ang luwang kosusah, tutang bokehtep bodo'a.

GALATIA 6:6

Ulun ijo norima ajar Kristus, hondakoh hobagi umba guruoh, paring ijo pios, ijo jari anai aang io.

KOLOSE 1:25

Pohotala nyuhu ahku monjadi pohalu ukup-Oh, ahkan kogunan'kam. Ahku harus monyapai borihta tahkan Pohotala, koparingoh;

KOLOSE 4:3

Bodo'a ka'a ahkan ihkai mangat Pohotala nonga ahkan ihkai kotihka ijo pios ahkan monyiaroh, borihta tohou rahasia Kristus. Kotului hal orihrih mahka ahku huntuh anai ang luwang sipir.

1 TESALONIKA 1:6

Ihkam nutut sutun ihkai tutang sutun Tuhan. Oluka ihkam paham ngarot, ihkam noharang hawui jorih borihta ijo ihkai mborihtaoh ahkan'kam. Kojorih orih tononga bain Roh Pohotala.

1 TESALONIKA 5:14

Ihkai nyawot ka'a. Konduang-konduang, ningakrih iou hawui kopios umba ulun ijo eam kani bogawi, tabahrih ahtoi ulun ijo pomihkoh, dohoprih ulun ijo porulu tondohop, tutang sabarrih toharep paring ulun.

1 TESALONIKA 5:20

Ara ngohu enteng auh kabar-kabar ijo tononga bain Roh Pohotala.

1 TIMOTEUS 4:13

Pondehan rih nyiring ahku lombut noin, ihko harus tu'u-tu'u mbasa Surat Borasih ahkan ulun-ulun, tutang njuhung hawui ngajar iro.

1 TIMOTEUS 5:20

Ulun ijo nguan dusa harusrih toningak ang toharep hopus ukup, mangat ijo bokon monjadi mihkoh.

2 TIMOTEUS 2:21

Ulun ijo porasih aropoh tahkan paring ijo ja'at, ulun rih tohapan ahkan gunan ijo mombahtang. Io monjadi ain ijo khusus tutang boguna ahkan tuanoh. Io tonahtap ahkan tohapan bagi nyinong gawiu ijo pios.

2 TIMOTEUS 2:25

Io harus bolomu lembai majar ulun-ulun ijo rajin hokolawan; mudah-mudahan Pohotala nonga kosapet ahkan ulun-ulun orih ahkan hubah tahkan dusa-dusan iro, tutang ngosono ajaran ijo morong.

2 TIMOTEUS 3:10

Tahpi ihko jari nutut ajaran-ajaran tahkan ahku, hadat aik'ku, tutang tihtun pombolum'ku, ihko jari nohto bongom, koloukuwoh ahku tu'u-tu'u porocaya umba Yesus Kristus, tutang ngasih sosama kolunon. Ihko ka'a ta'an kosabaran tutang kotabah'ku.

TITUS 1:13

Inon ijo tonuhtui bain nabi rih puna morong. Orih kotuluioh ihko harus ningak iro hawui tegas; mangat iro tohtap nambit ang ajaran ijo morong,

TITUS 2:15

Majarohrih iou paringoh tutang ningakoh hawui pingat dolang pongonih ajaran'mu, tutang tuwi pongaroh. A'ai mohonau ihcobehti ka, nopahjah ihko pinda.

IBRANI 13:22

Ahku nyawot mangat ihkam nohtoani tingak-tingak'ku tuh hawui sabar, bain surat'ku tuh eam dalau ombu.

PONGORINAH 3:19

Ulun-ulun ijo Ahku ngasioh; iro ijo Ahku ningak tutang Ahku mahcatoh. Tului orih hondakrih ihkam bosomangat, tutang hubah tahkan dusa-dusan'kam.