2 TIMOTEUS 4:16 - BOWOT BOHUA

¹⁶ Ang ohkot ahku sino tikat, nonga pombela arop'ku, eam anai ihcobehti ka ijo mambai ahku; paringoh nohtah ahku. Mudah-mudahan Pohotala eam nosalan iro a'ang hal tuh!

2 TIMOTEUS 4:16 ပူးပေါင်းရင်းမြစ်များ

MARKUS 14:50

Paring murid-Oh nokoru rawu-riai nohtah Yesus.

LUKAS 12:11

Amat ihkam konomin nokuh karon-lohpou sombayang ahkan tomosara ang tohimo pomoretah ata'ai pongowasa, ararih mihkoh tohou koloukuwohoh ihkam harus mombela arop, ata'ai tohou inon ijo harus ihkam nuhtuioh.

YOHANES 16:32

Ingat! Ohkotoh ahkan lombut, puna jadi lombut, ihkam ahkan tonopisoh-pinjaoh. Ihkam ahkan buli nokuh lohpou nyinongbehti tutang nohtah Ahku bongok-Ku. Tahpi Ahku eam bongok-Ku tului Amai anai hihco Ahku.

KESAH RASUL-RASUL 22:1

‘‘Amai-Amai tutang Konduang-konduang paringoh! Ahku ahkan nonga bela'ku ahkan ihkam. Cuba ngonih houn!’’

KESAH RASUL-RASUL 25:16

Tahpi ahku mutah ijo ulun Ruma eam tou tonyarah kodorih bewe, ihcobehti tonodawa ahkan tomohukum, amat ulun tonodawa rih, jaha hotohimo umba pondawa-ponodawaoh, tutang nonga kosapet tou mombela aropoh.

KESAH RASUL-RASUL 7:60

Turus io suhkuntu'ut homboh na'ah hajo tu'u, ‘‘Tuhan ararih dusa tuh tonyombaharih nokuh isun iro!’’ Opah nuhtui kodorih io bolukang palus.

1 KORINTUS 13:5

Io eam namamarop, eam kasar, io eam maksa ulun bohkon ahkan numbun konohuangoh bongoi, eam ka'a join tosinggung, tutang eam mondondam.

1 KORINTUS 9:3

Amat ulun nosalan ahku, ahku ahkan mutah numbuntuh.

2 KORINTUS 7:11

Cuba ihkam nohtoani inon buaoh aang'kam, bain kosedihan ijo sorurui umba kohondak Pohotala! Buaoh, iorih ihkam tu'u-tu'u ngurahjalan ahkan nokining kokoruh! Ihkam monjadi bosingi toharep dusa, ihkam mihkoh, ihkam rindu, ihkam monjadi bosomangat, ihkam rela mohukum ijo bosala! A'ang paring persoalan tuh ihkam jari ngorinah, ijo ihkam eam bosala.

PILIPI 1:17

Tahpi ulun bohkon mborihta Kristus umba maksud ijo eam pios; iro mborihtaoh ahkan gunan aiubongoi. Umba orih iro, boharep dahpot nguan ahku labih susah ang luwang sipir.

PILIPI 1:7

Puna aang unukoh ahku anai mokomo kolourih toharep ihkam, tului Konduang paringoh toturus doni ang ahtoi'ku. Ka'a bain ihkam umba norima hombo-homboh ahku, pononga ijo Pohotala nonga ahkak'ku, pios huntuh tuh pondehan ahku ang luwang sipir oluka ang ohkot ahku anai ang luar, ahkan mbela tutang tehen nyaksi Kabar Hinut rih.

2 TIMOTEUS 1:15

Ihko ta'an ijo paring ulun ang wilayah Asia jari nohtah ahku, kodorih ka'a Pigelus tutang Hermogenes.

2 TIMOTEUS 4:10

Tului Demas jari nohtah ahku, kotului nyayang kolunon tuh. Io ius tulak nokuh Tesalonika. Kreskes jari tulak nokuh Galatia, tutang Titus nokuh Dalmatia.

2 TIMOTEUS 4:15

Ihko bongom harus bua-buah toharepoh bain io ngolawan kabar ihto.

1 PETRUS 3:15

Tahpi ang luwang ahtoi'mu, hondakrih ihkam nunga ahkan Kristus kohoromatan ijo khusus, ijo tohorong umba ponuot-Oh, kolou Tuhan. Tutang hondakrih ihkam toturus bosodia, ahkan nonga auhputah ahkan nyinong ulun, ijo ngisok tohou koporocaya ijo ihkam nginaoh.