2 TIMOTEUS 3:14 - BOWOT BOHUA

¹⁴ Tahpi tohou ihko, Timoteus, hondakrih ihko tohtap nambit aang ajaran-ajaran ijo morong ijo jari tonongajar ahkan'kam tutang ijo ihko porocaya sotuwioh, tului ihko kota'an iai guru-guru'mu.

2 TIMOTEUS 3:14 ပူးပေါင်းရင်းမြစ်များ

KESAH RASUL-RASUL 17:31

Tului Io jari nuhkasoh sino ohkotoh mosara hopus kolunon tuh honong koadiloh. Gawi rih ahkan tonguan bain ihcobehti ijo jari ngopili Pohotala ahkan orih. Tutang ahkan paring ulun jahkin ahkan hal rih. Pohotala jari mombolumoh hoduli ulun rih tahkan popahtoi!’’

RUMA 14:5

Anai ulun ijo nginyam ihco ondou botatu labih gunaioh tahkan ondou-ondou bohkon, rahatoh ulun bohkon hino ngohu ijo ondou-ondou rih sama iou. Nauhoh nyino-nyinong ulun nahtap pihkir aiu bongoi.

KOLOSE 2:2

Paringoh tuh ahku nguaioh, mangat ahtoi iro monjadi ba'as tutang iro saling mongasih, nyiring iro lehket hihco. Umba kodorih iro tu'u-tu'u horahti tutang yahkin hawui ngosono rahasia Pohotala, yorih Kristus bongoi.

1 TESALONIKA 1:5

Kotului ihkai monyiar Kabar Hinut ahkan'kam, eam hapan tuhtui-tuhtui iou, tahpi ka'a umba kowasa tutang umba Roh Pohotala. Tutang ihkai yahkin sino ahkan komorong tahkan Kabar Hinut rih. Ihkam ta'an koloukuwoh ihkai bolum ahkan kogunan'kam, kotihka ihkai anai ang tohun-tohun ihkam.

1 TESALONIKA 2:13

Anai hino ihco hal bohkon, ijo napa ihkai toturus norimakasih ahkan Pohotala. Hal rih iorih, ijo ang ohkot ihkai monyapai borihta tahkan Pohotala ahkan'kam, ihkam ngonih tutang norima borihta rih, eam kolou borihta tahkan ulun, tahpi kolou borihta ijo moro-morong tahkan Pohotala. Iorih ijo rahat bogawi a'ang arop'kam ijo porocaya umba Kristus.

1 TIMOTEUS 4:16

Poriksa arop'mu tutang poriksa ka'a ajaran'mu. Hondakrih ihko te'et nguan paringoh rih, kotului umba kodorih ihko ahkan tonyolamat; pios arop'mu bongom, oluka ulun-ulun ijo ngonih'mu.

2 TIMOTEUS 1:13

Nutut iou umba tu'u-tu'u ajaran morong ijo jari ahku nonga ahkan'mu. Tutang pios ihko tahtap nambit koporocaya tutang kasih ijo monjadi ain ihto tului hihco umba Kristus Yesus.

2 TIMOTEUS 2:2

Ajaran ijo houn jari ihko ngonih tahkan ahku, ang toharep ulun aro, hondakoh rih ihko porocaya iou hawui ulun-ulun ijo duon tonoharap tutang ijo cahkap ngajar ulun bohkon.

2 TIMOTEUS 3:15

Ihko harus ingat, ijo tahkan koik, ihko jari kosono Surat Borasih. Surat Borasih rih dahpot nonga ahkan'kam horahti ahkan dahpot solamat, nguha porocaya umba Kristus Yesus.

TITUS 1:9

Io harus nambit segah aang ajaran ijo dahpot ulun tomorocaya, kolou ijo jari tongajarrih ahkaioh. Honong kodorih io sanggup moningak ulun hogalang ajaran ijo morong, tutang ngorinah kosalan ulun-ulun ijo molawanoh.

IBRANI 10:22

Bain orih, olairih ihto ngondoni Pohotala umba ahtoi ijo tulus tutang koporocaya ijo segah; umba ahtoi ijo jari borasih tahkan pokomo ijo sala, tutang umba behti ijo jari ponorasih umba danum ijo kotining.

IBRANI 6:11

Ihkai jolik sino, mangat ihkam nyinong-behti turus bosomangat johcok laiu, nyiring ihkam norima inon ijo ihkam moharap-harapoh rih.