2 TIMOTEUS 3:10 - BOWOT BOHUA

¹⁰ Tahpi ihko jari nutut ajaran-ajaran tahkan ahku, hadat aik'ku, tutang tihtun pombolum'ku, ihko jari nohto bongom, koloukuwoh ahku tu'u-tu'u porocaya umba Yesus Kristus, tutang ngasih sosama kolunon. Ihko ka'a ta'an kosabaran tutang kotabah'ku.

2 TIMOTEUS 3:10 ပူးပေါင်းရင်းမြစ်များ

LUKAS 1:3

Uli ahku honong nolihtioh moriksa paring orih tahkan pahtukoh, ahku ngira pios mangat nyurat ihco laporan ijo tosusun ahkan'kam.

KESAH RASUL-RASUL 11:23

Tutang kotihka Barnabas johcok ang anan, tutang nohto koloukuwoh Pohotala mborehkat ulun-ulun rih, io jorih samasino. Turus io nyawot mangat iro tu'u-tu'u bokehtep umba Tuhan hawui kotuwi ahtoioh.

KESAH RASUL-RASUL 2:42

Hawui kokehtep iro bajar tahkan rasul-rasul rih, tutang toturus hopuhpung hombo-homboh. Iro kuman hombo-homboh tutang bodo'a hombo-homboh.

KESAH RASUL-RASUL 20:18

Kotihka iro johcok Miletus, mahka Paulus nuhtui umba iro, ‘‘Konduang-konduang ngota'an koloukuwoh ahku bolum kotahin tuh, ang louk ihkam. Nopara ang ondou ijo pahtukoh ahku johcok ang Asia.

KESAH RASUL-RASUL 26:4

Paring ulun Yahudi kota'an koloukuwoh ahku bolum tahkan ahku biou. Iro kota'an ijo nopara tahkan ahku jadi ulunbiou, ahku jari bolum ang louk uhtus aik bongok ang Yerusalem.

RUMA 16:17

Konduang-konduang! Ahku nyawot umba'kam: Ati-atirih toharep ulun-ulun ijo polombut kopisah tutang monderoh koporocaya ulun ahkan Tuhan. Hal rih hokolawan umba inon ijo jari tongajar ahkan ihkam. Ngomahcurih iou, ulun-ulun kolou orih.

2 KORINTUS 1:17

Tahpi ahku ius ngubah niat'ku rih; nah, inon rih ijo korinah ijo tiruk'ku eam dehen? Ohkot nguan rancana, inon ahku nguan rancana numbun konohuang'ku bongok, honjulu nuhtui ‘‘Yo’’ tutang honjulu ‘‘Eam’’?

EPESUS 4:14

Mahka ihto eam monjadi anak-inyam hino ijo kuhtang-kitui tutang hanyu-hanyut konomin ko-anan-ko-ohtoi bain rohusan mahca-mahcam ajar tahkan ulun-ulun ijo lihcik. Iro nyosat ulun umba tihpu muslihat iro.

PILIPI 2:20

Tihkas Timoteus iou ihco-ihcooh ijo sojiwa umba ahku, tutang tu'u-tu'u niruk kosanang'kam.

PILIPI 2:22

Ihkam bongom ius nohto buktioh ijo Timoteus boguna. Io ius bogawi paham homboh ahku, ahkan mborihta Kabar Hinut tahkan Pohotala. Ihkai duo kolou anak umba amai iou.

1 TESALONIKA 1:5

Kotului ihkai monyiar Kabar Hinut ahkan'kam, eam hapan tuhtui-tuhtui iou, tahpi ka'a umba kowasa tutang umba Roh Pohotala. Tutang ihkai yahkin sino ahkan komorong tahkan Kabar Hinut rih. Ihkam ta'an koloukuwoh ihkai bolum ahkan kogunan'kam, kotihka ihkai anai ang tohun-tohun ihkam.

1 TIMOTEUS 1:3

Ahku jolik mangat ihko tahtap mahcon ang Epesus, kolou ius ahku nahtap ahkan'kam, ang ohkot ahku tulak nokuh Makedonia. Kotului, ang Epesus anai pira-pira ulun ijo monyiar ajaran ijo eam morong, tutang ihko harus nondorih iro.

1 TIMOTEUS 4:6

Amat ihko mongajarrih paringoh rih, ahkan konduang-konduang ihco porocaya, ihko ahkan monjadi pohalu Kristus Yesus ijo bogawi honong pios. Tutang ihko ahkan turus nyiram mboruan'mu umba auh Pohotala ijo ihto porocayaoh, tutang umba ajaran-ajaran ijo morong, ijo jari ihko nututoh kotahin tuh.

1 TIMOTEUS 6:11

Tahpi ihko anairih ulun ain Pohotala, jadi ihko harus ngomahcu paringoh rih. Bousaha monjadi ulun ijo morong ang mahtan Pohotala, ijo mongabdi umba Pohotala, porocaya umba Kristus, mongasih sosama, tahan a'ang kokarot, tutang sihkap bolomu lembai.

2 TIMOTEUS 2:22

Ngomahcuohrih komangat-komangat ulun biou. Bousaha ahkan bolum numbun kohondak Pohotala, te'et aang ajaran-Oh, tutang hopasi sama arop, hawui anaingina koteneng ahtoi. Bolumrih kodorih hihco iro ijo na'ah nyawot pondohop ahkan Tuhan umba ahtoi ijo borasih.

2 TIMOTEUS 4:2

Hondakrih ihko monyiaroh, borihta tahkan Pohotala rih, tutang turus hojojuan, mangat ulun ngonihoh, inonrih iro kani ata'ai eam. Hondakrih ihko moyakinoh ulun, nunjuk kosalai, tutang nonga juhung ahkan iro. Ngajarohrih ulun honong kosabar sodahpottou.

2 TIMOTEUS 4:3

Tului ahkan johcok ohkotoh, ulun eam hino norima ajaran ijo morong. Tobalikoh, iro ahkan numbun kojolik iro bongoi, tutang mupung aro guru, guna majar hal-hal ijo momih konahan ang tolingan'ndo.

2 TIMOTEUS 4:7

Ahku jari umba solanja honong sohinu-hinutoh, tutang jari johcok garis laiu. Ahku tohtap te'et umba Kristus, johcok laiu.

TITUS 2:7

A'ang kokaron hal, hondakrih ihko monjadi sutu hadat ijo hinut. Amat ihko majar, ihko harus bujur tutang tu'u-tu'u.

IBRANI 13:9

Ara mohonau kokaro mahcam ajaran ijo helan-helan monyosat ihkam. Ahtoi ihto harus tonomba'as bain kohinut ahtoi Pohotala, orihrih ijo pios; ara bain poroturan-poroturan tohou ukun. Ulun-ulun ijo lomoi monte'et poroturan-poroturan rih eam ngondahpot paedahoh.

2 PETRUS 3:11

Kotului paringoh rih ahkan tonolonyuh umba cara ijo kolou rih, koloukuwohrih koharusoh ihkam bolum? Ihkam pahtut bolum borasih, tutang khusus ahkan Pohotala,