2 TIMOTEUS 2:9 - BOWOT BOHUA

⁹ Tului mborihta Kabar Hinut orihrih, ahku ngarot; malah nyiring ahku tonoratai kolou 'cobehti ponyilau. Tahpi auh Pohotala eam dahpot tonoratai.

2 TIMOTEUS 2:9 ပူးပေါင်းရင်းမြစ်များ

LUKAS 23:32

Anai hino duo behti ulun bohkon – koduo-duooh ponyilou – ijo tonomin'ndo ahkan tomohukum mahtoi hombo-homboh umba Yesus.

KESAH RASUL-RASUL 21:33

Komandan rih tulak nokuh Paulus turus nawan io, tutang nyuhu ulun manga io. Pongohuli komandan rih ngisok, tohou iai Paulus rih, inon ijo jari konuaioh.

KESAH RASUL-RASUL 28:31

Tutang honong bohanyi io mborihta ahkan iro, tohou koloukuwoh Pohotala moretah kolou Lahca, tutang tohou Tuhan Yesus Kristus. Paulus nguanoh orih honong bebas eam aro ulun bacaoh hino.

KESAH RASUL-RASUL 9:16

Tutang Ahku bongok ahkan ngorinah ahkaioh, paring sorata, ijo harus io nginyam kotului Ahku.’’

EPESUS 3:1

Orih kobainoh ahku, Paulus, tonyihpir kotului Kristus Yesus ahkan gunan ihkam ijo bohkon Yahudi.

PILIPI 1:17

Tahpi ulun bohkon mborihta Kristus umba maksud ijo eam pios; iro mborihtaoh ahkan gunan aiubongoi. Umba orih iro, boharep dahpot nguan ahku labih susah ang luwang sipir.

PILIPI 1:7

Puna aang unukoh ahku anai mokomo kolourih toharep ihkam, tului Konduang paringoh toturus doni ang ahtoi'ku. Ka'a bain ihkam umba norima hombo-homboh ahku, pononga ijo Pohotala nonga ahkak'ku, pios huntuh tuh pondehan ahku ang luwang sipir oluka ang ohkot ahku anai ang luar, ahkan mbela tutang tehen nyaksi Kabar Hinut rih.

KOLOSE 4:18

Tahbe tahkan ahku Paulus. Ahku bongok ijo nyurat bagi tuh. A'ai nolingou ijo ahku magun ang luwang sipir! Keleh Tuhan mborehkat ihkam paringoh. Horomat ihkai, Paulus

KOLOSE 4:3

Bodo'a ka'a ahkan ihkai mangat Pohotala nonga ahkan ihkai kotihka ijo pios ahkan monyiaroh, borihta tohou rahasia Kristus. Kotului hal orihrih mahka ahku huntuh anai ang luwang sipir.

1 TESALONIKA 1:8

Kotului nopara tahkan ihkam, borihta tohou Tuhan, jari tosiar nyiring nokuh Makedonia tutang Akhaya. Tutang eam tihkas orih iou, mahihino borihta tohou koloukuwoh ihkam porocaya, umba Pohotala jari johcok nokuh umoh-umoh, nyiring ihkai eam porulu hino nuhtui ino-inon.

2 TESALONIKA 3:1

Laiuoh, Konduang-konduang, bodo'arih ahkan ihkai. Bodo'a mangat borihta tahkan Tuhan dahpot toturus tayap hawui jion tutang tonorima honong pios, sama kolou ijo jari nyolung aang ihkam soun.

2 TIMOTEUS 1:12

Orihrih kotuluioh ahku ngarot paringoh tuh, tahpi ahku tahtap yahkin, tului ahku ta'an tu'u, iai ijo ahku porocayaoh. Ahku yahkin, ijo inon ijo jari Io morocayaoh ahkak'ku. Io sanggup ka'a monjagaoh johcok aang Ondou Kiamat.

2 TIMOTEUS 1:16

Tahpi jolahan Onesiforus jari pira-pira tikat ngojorih ahtoi'ku. Keleh Tuhan kani mononga ponunjuk balos kasih umba iro. Oluka ahku ang luwang sipir, Onesiforus eam mia ahkan koada'an'ku rih.

2 TIMOTEUS 1:8

Kotului orih ara maha'an nonga kosaksian tohou Tuhan ihto, tutang ara ka'a maha'an tohou ahku, ijo tonohukum tului Io. Sobalikoh, hondakrih ihko umba koba'as tahkan Pohotala, umba karot ahkan Kabar Hinut rih.

2 TIMOTEUS 2:3

Ihko harus umba ngarot kolou sorodadun Kristus Yesus ijo te'et.

2 TIMOTEUS 4:17

Tahpi Tuhan mambai ahku, Io nonga koba'as, nyiring ahku sanggup mborihta paring Kabar Hinut rih, mangat konahan bain paring ulun bohkon Yahudi. Tutang ahku liwus tahkan bohaya popahtoi.

1 PETRUS 2:12

Hadatdasar'mu, ang tohun ulun ijo eam kosono Tuhan harusrih labih pios, nyiring amat iro mopitnah ihkam, kolou ulun ja'at, iro ka'a harus ngahku angkonuan'mu ijo pios, nyiring iro ahkan monara Pohotala ang ondou polombut-Oh.

1 PETRUS 2:14

oluka ahkan gubernur ijo tonunjuk bain Kaisar, ahkan mohukum ulun ijo nguan koja'at tutang ahkan mohoromatrih ulun ijo nguan kohinut.

1 PETRUS 3:16

Tahpi nguanohrih honong bolomu luwah tutang horomat. Tutang hondakrih ahtoi bua'mu borasih, mangat amat ihkam tonopitnah, kotului ihkam bolum hawui hinut kolou murid Kristus, mahka ulun ijo mopitnah rih ahkan monjadi mia bongoi.

1 PETRUS 4:15

Ara ihcobehti ka tahkan tohun ihkam ngarot tului io pomunu, ata'ai ponahkou, ata'ai ponyilau, ata'ai tului io sampur urusan ulun bohkon.